~كنت احتريك وجيتيني مثل النعاس‏ لا جاء للعيـون اللي مسهّرهـا الأرق~

~البارت الثالث~

~~~~~~~~~
فهد: "انا هنا ي ليث"
لف ليث وتفاجى من الي شافه ابوه واقف قدامه مافيه إلا العافيه
ليث باستغراب : "ممكن تشرحون لي وش قاعد يصير؟"
جاء غيث بيتكلم بس سكته ابوه
فهد :"مافي سلام ولا كلام غايب لك ثلاث اشهر عني ما اشتقت لي وانا ابوك ؟"
حضن ليث ابوه وهو مستغرب كيف ابوه واقف قدامه بخير وصحته كويسه طيب والمرض الي قاله له غيث ؟،وبعد ما سلموا جلسوا وقام ليث يسال وش الي صار وليش غيث كذب عليه !
فهد : " اسمع وانا ابوك انت لك ثلاث اشهر غايب عنا ولا نشوفك ولا تكلمنا واميمتك ضعيفه تقطعت من البكي عليك ف اتفقت مع غيث عشان ترجع لنا ونتفاهم يمكن قلبك يلين علينا وترجع تسكن هنا "
الليث وهو متضايق من الحيله الي لعبوها عليه بس طالع في امه ولاحظ عليها هالات تحت عيونها من كثر البكي عليه ونحفت مو زي اول واكتشفوا بعد مده من سفره انو عندها السكري
منيره (امه)وعلامات التعب واضحه عليها
: "هاه ايش قررت ي وليدي اجلس عندنا في دارك معزز ومكرم بين اهلك وناسك احسن من الغربه"
قال ليث وهو يجامل امه لين تطيب ويرجع يسافر
لغربته
: "ابشري يمه ولا يهمك بفكر واشوف "
فهد : "ع هالخبر الحلو رح الحين ي غيث وجيب لنا خيال لعيون الليث "
/
(خيال بمعنى ذبيحه يذبحونها الناس في العزايم عشان يكرمون ضيفهم )
/
الليث: "ماتقصر يبه ،بس ماله داعي  "
فهد ؛" جاء الغالي ماتبينا نذبح له؟"
الليث:" الله يطول لي بعمرك "
غيث الي كان مو معهم وفكره في الي سلبت قلبه وعقله
وكيف طاح في الحب من اول نظره  ،وما انتبه ل كلام ابوه
فهد بصراخ :" غيث و وجععع"
غيث كز توقع صار فيه شيء :" هاه من مات وش صار ؟"
كلهم ضحكوا عليه وع فهاوته صح اكبر واحد بس مهبول والي يشوفه يقول مستحيل انه اكبر من ليث
وريف بمكر :"تتهنى الي ماخذه لك عقلك "وغمزت له
غيث باستغراب : "وش كنتو تقولون "
فهد بمزح  :" ابد سلامتك مغير اقول لقيت لك وحده بخطبها لك "
فز غيث مرعوب :"وشش لا لا انا توني صغير مالي ومال الزواج باقي ما عشت "
فهد :"لعنبوك بتوصل ال ٣٠ وتقول لي صغير ،ليه ماتتزوج وش ناقصك ؟"
غيث وهو منزعج من الموضوع :"يبه والي يرحم والديك فكني من هالسالفه وبعدين من ضاحك عليك وقال لك اني هالكبر توني ٢٨"
فهد: "اقول لا يكثر هرجك كنت اطقطق عليك .ابيك تروح تذبح ذبيحه ع سلامة اخوك وتعزم الجيران والاقارب "
غيث ارتاح بعد كلام ابوه  :"سم يبه ع هالخشم "واشر ع خشمه

وتعشوا ومشوا الضيوف ورجعوا آل تركي يسولفون ويضحكون غافلين عن الشخص الحزين الي مكتوم ومو قادر يتنفس وهو كل شيء في هالمدينه يذكره بفرح

~يوم جديد ع ابطالنا ~

/عند آل متعب
تتجهز امام مرآتها بكل رقة كانت لابسه فستان اسود ستان ،علاقي بدون اكمام ،وله فتحه من تحت ل نص فخذها ،بارز جسمها كامل وسوت شعرها ويفي وحطت ميكب خفيف وتعطرت ونزلت
: "يمه ... " مافي صوت رجعت كررت :"يمه هيا تاخرنا "
هيام :"طيب طيب جيت ،وين اخوك ؟"
وريد :" ما ادري مو موجود بغرفته "
شافت جيجي (العامله )وسالتها
وريد :" جيجي وين نواف؟"
جيجي :"بابا في سياره ينادي انت وماما"
وريد :"هيا يمه نواف من اول بالسياره الحين يعصب "
هيام وهي تلبس نقابها :"جايه جايه "
وخرجوا وركبوا، وطبعاً  ما ركبوا زين الا وانفجر عليهم
نواف
:" لي ساعه بالسياره وش اخركم ؟"
وريد وهي تبري نفسها :" انا الحمدلله خلصت من بدري امي هي الي تاخرت "
هيام بصدمه :" هووو يالي ما تستحين تفتنين علي "
ضحكوا وريد ونواف وقالت وريد
:"مين الي انادي عليها لي ساعه وما ترد ؟"
هيام بتغير للموضوع وعشان ما تنسى :" نايف وقف لي هنا ابي اخذ حلا صعبه نروح ل الناس ويدينا فاضيه "

/
في منزل اجتاحته رائحة العوده والقهوه العربيه وجميع من في المنزل ب كامل زينتهم ليستقبلوا ضيوفهم
الجوهره :" ماري شوفي المجلس حق الرجال لا يكون وجد لعبت فيه "
فارس :" اي والله انها لعبت في البسكوت كبته ع الفرش "
الجوهره :" سريع روحي كنسيه قبل ما يجون الضيوف "
ماري:" تمام ماما "
بعد مده وصلوا اغلب الضيوف ،وكالعاده اخر من وصل هيام و وريد واستقبلتهم فاطمه و الجوهره
فاطمه :" ياهلا حياكم الله "
هيام :" اهلاً فيك ، الله يبقيك "
الجوهره ل وريد وهي منعجبه بجمالها وانوثتها
:" ياحلوه هاتي عبايتك "
وريد اعطتها عبايتها :" تسلمين ي قلبي "
ابتسمت الجوهره واخذت عبايتها وعباية امها ، دخلت وريد وامها بكل فخامتهم ونعومتهم الكل انظاره على وريد ،فيه الي معجب ومن بينهم آل تركي وفيه الي غيران .

/
جالس وسط الرجال وهو ضايق من كل شيء وكل شيء في هالبيت خانقه مو عارف كيف يتنفس ،خرج برا يبي هواء ويبي يهرب من كل حاجه بس انصدم من
الي شافه ......

~ايش صار وايش شاف .......؟!~

ان شاء الله يكون عجبكم البارت ،البارت الجاي ان شاء الله بيكون حماس بس ابيكم تشجعوني عشان اتحمس واكتب لاتنسون تعطوني رايكم وتحطو لايك🫶🏻