وشهقت تحاول تبعد عنه وسط ضحكات جدها وجدتها وامها وابوها ويوم حست انه قرب منها نطت بالمسبح ووقف جواد مذهول من تصرفها ولف نظره على اخوه اللي يناظرها نظرة فخر وقال جواد : والله يا اخوي ربي عوضك بدل الولد عشر بالبنت ذي
صرخ ابوه فيه : قل ما شاء الله ياولد
انخرش جواد من ابوه وقام يدعي لرنين اللي خرجت من المسبح: ما شاء الله ما شاء الله الله يحفضك زينه البنات يا رنين وهيبة رجال ما شاء الله الله يجزيك وينصرك
ضحكت على خرشته وجات العاملة تجري تعطي رنين منشفة وبعدت تمشي ناحية نخله وحيدة وطلعت جوالها اللي حطته لجل تصور الموقف كله وناظرته نظرة سخريه وطلعت جمله وحيدة منها: هذا الفيد بيكون بيدين العائلة كلها الله يحفظك ياجوادي
وجات رسالة على جواله رفعه ولقاها راسلة بقروب العائلة ولف بفقدان امل على اخوه وقال:ريان بنتك ما توفر أبد الله يحفظها
ضحكت تدخل للداخل تاخذ شاور سريع وخرجت تسوي شعرها قعدت نص ساعة تقريبا انتهت وتركته يجف عادي ولبست تيشيرت اوفر سايز لونه بنفسجي وجينز هاي وست اسود وخرجت بعد ما توضت تصحي ريام ورنيم عشان يصلون المغرب صلو وخلصوا وكل وحدة دخلت غرفتها نزلت رنين لجدتها في المطبخ: امي حبيبتي يوم يجهز العشا خلي العاملة تطلع تصحي رنيم وريام تقولك بقولها من الاكل اذا ما تبينها تاكل اكل اليهود
وأنا بطلع أنام يا امي لا تصحوني صاحيه من خمسة الفجر.
هزت نورة رأسها بزين وسلمت رنين على رأسها وخرجت دعوة من نورة لرنين : روحي ياامي الله يباركلك ويكتبلك الاجر يا حبيبتي انتي ابتسمت رنين وطلعت غرفتها تنام .
(الساعة 1:30 الليل عند ريام)
رن الجوال وهي مو مستوعبة شي فتحت بدون ما تعرف مين: الوو
رد عليها:اجل صاحية وما بتنامين ها؟
فتحت عيونها باستغراب تناظر الجوال اللي له 4 مكالمات فائتة من عدي والساعة اللي تأشر على 1 الليل
رجعت الجوال لاذنها: والله اسفه عدي راحت علي نومه الحين اقوم أنت وين ؟
رد عدي : أنا بالحوش افتحي الباب
ريام وهي نازلة بسسرعه: طيب طيب ثواني واجيك وقفلت منه تركت جوالها على طاولة الصاله
وفتحت الباب له وهو متكي عليه : لي نص ساعه بردان خافي ربك
دخل وقفلت الباب وراه: طيب قلت اسفه ما ينفع
ناظرها وابتسم لان باين انها لسا ما استوعبت من النوم ونطق : معذورة كيف ما اسامحك يا بنت ماهر ؟
ابتسمت وسلم على رأسها وقالت وهي تتأسف : طيب فتحت لك الباب ممكن اطلع فوق؟
ضحك على اسلوبها ورد : روحي الله يخلف عليك
