يتذكر مكالمته معها وانه يبي يجيها لكنها ما علقت بوقتها
وقف امام باب البيت يدق على سليمان يفتح له الباب يسلم علبه ويدخله مجلس الرجال وطلع تاركه بعد ما استأذنه ينادي على اسمها من شافها بالصاله :بنت روان
رفعت نظرها تطالعه وهمهمت له ترد نظرها لجوالها :هممم
سليمان : ليه ماقلتي ان زوجك جاي ؟ قومي سو
قاطعته توقف :عمر هنا ؟
ناظرها سليمان : اي هنا قومي سوي قهوة بسرعه
هزت راسها ورد اخوها جهة مجلس الرجال وراحت تجري تقول للعاملة تجهز قهوة وطلعت تلبس شي مرتب غير البجامة اللي عليها لكنها استوعبت امام باب غرفتهاانها زعلانه منه وردت تناظر ملابسها ورجعت جهة الدرج تنزل ترفع شعرها على شكل كيكة عشوائيه وتدخل المطبخ تحط فناجيل قهوة وتجهز القهوة ومشت لمجلس الرجال دقت الباب بطرفها لان بيدها صينيه القهوة ونطق اخوها : ادخلي ما به احد
وردت هي ترفع صوتها لجل يسمعها : سليمان افتح لي الباب لا هنت
قام يتأفف وهو يفتح لها ومن رفع عمر نظره تجاهها وشاف شكلها ابتسم يعرف تفكيرها وطفوليته
حطت القهوة تصب لهم تحت انظاره اللي ما فارقتها وشرب سليمان الفنجال حقه سريع وقام يوجه كلامه لها : اجلسي مع زوجك شوي يبي يحاكيك !
وطلع تاركهم لحالهم وهي واقفه ماجلست مالت بجذعها تحط عينها بعينه تتركه يتكلم : شلونك؟
روان ببرود : بخير ونعمه من الله
ابتسم عمر يناظرها من راسها لين رجولها وهي من شافت نظراته عدلت وقفتها تسأله : ماظنتي جيت تبي تسأل عن اخباري !
قام عمر من مكانه يقرب لها توترت من قربه لها لكنها كتمت الشعور داخلها ما تبينه : ما تسألين وشلون زوجك ؟
ردت عليه تعطيه مطلبه : وشلونك
وتبعد انظارها عنه الى كل مكان الا مكانه : بدونك ماني بخير والله
رفعت نظرها له تتوتر عروقها ترجع تشيلها من عيونه : مدري شلون خذيتيني مني يا بنت محمد !
سكتت ما تناظره تتركه يكمل كلامه : تردين معي واصير والله بخير واموري تمام وانتي يمي ؟ تردين واعتذر لك سنيني اللي فاتت وسنيني الجايه واياك ؟ ادري ما اقدر اردلك اول ايامنا واصححها لكن لسا به وقت اعوضك ولا ؟
رفعت نظرها له : مايمديك!
فاجأها ما يقرب لها ولكنه يسحبها يقربها له يتركها تخجل تتوتر ما تناظرها : وليه مايمدي ؟
ردت عليه بدون ما ترفع نظرها له : ما تصبرني عمر ما تقدر
عمر : اصير مثلك واصبر مثل ما صبرتي علي !
سكتت ماتناظره ابدا لكنه رفع باصابعه وجهها له يجبرها تطالعه : بخلتي علي حتى بالنظر ؟
كانت بترد لكنه ماترك لها مجال من فاجأها يقبلها يخجلها يترك لها كل اسفه يسطره بفعلته الي تركتها تغمض عينها بعد ما ابعد عنها ومن طالعها ما تتحرك يمه وابتسم يناظرها : يعني افهم يافهيم ؟
نزلت راسها على صدره تستر نظرها عنه فيه لكنه ما تركها يبين لها ندمه يحاوطها بايدينه : ماتخليني ولا تخلين عنود تفرح بدونك صح روان ؟
____
(بعد شهر تقريبا يوم زواج عنود )
الكل مستنفر يلم اغراضه لجل يحركون للقاعه يجهزون هناك وعنود طلعت من الصباح ويا رنيم لجل توتر العروسه وكذا
اما رنين كانت ببيتهم الجديد تتجهز اغراضها ودقت ريام عليها تبلغها بأنهم بيعدون عليها لبست عبايتها فستانها معلق تناظره وقامت تلم احتياجتها هناك ماكملت عشر دقايق تجلس من انتهت الا يجيها اتصال ريام تطلبها تنزل لهم .
نزلت تركب وياهم وكان اللي بياخذهم للقاعة عدي ركبت خلف مقعد السواق تسلم بخفوت : السلام عليكم
ردوا السلام عليها بتفرق ترد تعدل جلستها تحط سماعتها تفتح ماعلمك صوت المطر
ولعلوا صوت السماعه اللي كانت تحجب عنها كلامهم سمع اللي جالس امامها هي وش تسمع يسمع معها خفوت الصوت اللي خلفه
ماحس بالوقت الا يوم قاطعته ريام اللي بجنبه : هلا امري
رد عليها ترد تسأله : ممكن تعدي كوفي ناخذ قهوة ؟
رد عدي وهو يناظر الطريق : ابشري خذي طلبات البنات
لفت ريام تكلم البنات وناظرتهم رنين من اشروا لها ووقفت الاغنية تسمعهم: لبيه
ريام : تبين قهوة شي بيوقف عدي ياخذ لنا !
رنين ابتسم ترد بهدوء : لا تسلمون
ريام : خلاص تمام عدي ارسلك الطلبات
هز راسه عدي ووقف ياخذ طلباتهم ويجيبها لهم ركب السيارة يوزع لهم اغراضهم ولف لـرنين واشر بيديه تستوعبه ترد عليه :هلا
ناولها كاسة الشاي واخذتها من يدينه : تسلم
هز راسه بصمت وناظرته ريام ورجعت تلف على رنين اللي جات عينها بعين ريام واشرتلها بمعنى" وش"
لكن ريام صدت تفكر
