(في سيارة جواد):
البنات خرجوا من الصالون بدري لأن شروق موصيتهم يجون من بدري عشان يكونون معها يوم اهل مازن يكونون موجودين .
دق جوال ريام وناظرت الاسم وردت : هلا شروقي
شروق : ريام وينكم ؟
ريام : خلاص عند القاعة
شروق : يا بنت من اول وانتي تقولين قربنا قربنا
ريام تنهدت تناظر جواد : والله يا قلبي الكلام مو مني بس خلاص اول ما اوصل ادق لك رنة
شروق : تمام توصلون بالسلامة ، وقفلت التفتت ريام على جواد : ولدد
جواد : نعم
ريام : كم باقي فشلتنا مع البنت
جواد : خلاص المفروض ذي اللفة
وفعلا ظهرت لهم القاعة ووقف جواد السيارة ونزلوا البنات بسرعه .
فتحت رنيم باب غرفة شروق اللي تتجهز فيها شافتها تلتفت لهم بروبها الأبيض وتسريحة شعرها ويدينها اللي متشابكة اصابعه مع بعض وتطقطقها تنهدت بتخفيف لتوتر : أخيراً الحمدلله
دخلوا البنات وحدة ورا الثانية وسلموا على شروق .
ريام: الحين مشغلتنا ويبنات تعالوا واخرتها انتي لسا ما خلصتي ؟
شروق : اقول اسكتي انا ادوركم ما ابي اتوتر لا جو عمي وعمتي
ضحكت رنين تقاطعهم وهي تناظر جوال شروق ورفعت الجوال : رسالة من ايموجي خاتم الماس
حمرت خدود شروق تسحب الجوال من يدين رنين
وابتسمت رنيم بخبث : يمه يمه الحب خلاص معد صار خاتم اكتبي زوجي او ماي هزبن او سويت..
ما كملت من رمت شروق المناديل عليها والبنات يضحكون على خجل شروق .
(بالصالون):
دق فراس على زوجته أروى وقال لها انه يستناهم برا :امي نورة فراس يقول انه برا
نورة : زين سارة حبيبتي جيبلي عباتي
لبس الكل عباياتهم وراحت سمر تكلم أروى: أروى اسبقوني بدخل الحمام
مسكت أروى كتفها ؛ ليه تعبانة؟
ابتسمت سمر بتعب : لا بس معي غثيان اذا تأخرت عليكم روحوا اخلي ريان يجيني
اروى: تمام
دخلت عالحمام تحس ان الدم موقف براسها ابعدت الطرحة عنها وهي تمسك عنقها وترفع رأسها لفوق حست بألم وجلست تكح الى ان بدأت حنجرتها تنزف أخذت مناديل بسرعه ووقفت الدم وخرجت لقت سيارة فراس موجوده ركبت وحركوا عالقاعة.
(القاعة عند البنات ):
نزلت روان ورنين يشيكون عالتجهيزات وراحت روان تشوف العاملات وترتيب الحلا والقهوة عالطاولات اما بالنسبة لرنين ارسلت لها ريام تشيك على قاعة الطعام ودخلت تشوف الاكل بس كان فيه صحنين عالطرف جات تبي تقرب منهم لكن قاطعها جوالها اللي رن بأسم استاذ عناد
ردت بهدوء بعد ما القى عناد السلام : وعليكم السلام والرحمة تفضل استاذ عناد
عناد: رنين حبيت أأكد عليك تقرين ملف ارسلته PDF
فيه جميع المعلومات عبي الاستبيان ووقعي واطبعيه
رنين : تمام يعطيك العافية استاذ
ابتسم عناد : يالله الله يكتب اللي فيه الخير وعساك عالقوة ان شاء الله
رنين : ماتقصر
عناد : يلا بحفظ الرحمن
رنين : سلام
قفلت المكالمة ولفت ترجع للصحون وانصدمت مالقت شي تستر نفسها فيه الا الطاولة اللي قدامها ونزلت تجلس تتوزى خلفها
(عندالرجال)
مازن كان جالس مع عيال عمامه يسولفون ويباركون له ويضحكون وشوي يعرضون ويرقصون قبل يجون الضيوف وتبدأ الرسميات نادى مازن : ياعيال احد يجي بسرعهه
تقدم عدي وابتسم : أمرني يا عريس
مازن : ما يأمر عليك عدو وعقبالك ان شاء الله بس بغيت احد يدخل قاعة الطعام حقت الحريم العامل الله يهديه دخل الذبيحة هناك
أشر عدي على خشمه : ابشربي
وخرج رايح للبوابة اللي تفتح على قاعة الطعام فتحها وجا بيدخل وهو ما شاف احد ويعرف انه لسا ما وصل احد من المعازيم دخل اخذ الصحن الأول
ولفت رنين ترجع للصحون وانصدمت ومالقت شي تستر نفسها فيه الا الطاولة اللي قدامها نزلت تتوزى خلفها ونطقت بهمس لكن لخلو المكان من اي احد فضحها الصدى : ووجع ان شاء الله
سمعها عدي : يووولدد
فزت برعب : صد خلني اعدي
تكلم عدي : ماني بحولك اساسا
انقهرت رنين من كلمته اللي من بعدها حست انها مقرفة ومشت اول ما قربت من الباب ابتسمت : ما يتوثق فيك ياولد العم
لف عدي ونطق بحدة : اععققبب
شهقت رنين وخرجت تجري واستغفر عدي وهو بدا ينزعج من وجود رنين حواليه .
