سريتي بي يابنت الاجاويد

البارت الرابع

عند الحريم

قامو البنات والحريم  الا الجود وغزيل وامل
كانو نايمين بالخيمه الصغيره جتهم اريام وسلمى
سلمى : بنات يلا قومو 
الجود :هممم
سلمى : يلا تكفين قومي
اريام : بناتتت
امل وغزيل : هممم
سلمى : يلا خلونا نتمشى ونسوي جلسه برا لحالنا ونسولف ونحش برايح والجاي
غزيل ابتسمت : مدام فيه حش قدام
طاحو من الضحك  والجود تعبانه من الم راسها بس م كانت تبين لهم عشان م يتمشكلون مع نوره
وتضحك معهم قامو وتوضو وصلو واريام وسلمى جهزو الجلسه والقهوه وجلسو ينتضرون البنات جو البنات وجلسو وكانت اعضاء الجلسه : الجود _ غزيل _سلمى _ اريام _ امل _ اريج  
  و غلا ولين وتوق نوعًا ما زي جو بعض ومب حقين مغامرات وكذا ونوره الوحيده الي الكل يكرها من انانيتها

................•.....................•................•............

عند الرجال

ابو سالم : فلاح ماودك بزواج
فلاح : النصيب عند ربي 
وراح فلاح  لانه طفش من الموال ولحقه ذيب
ذيب : فلاح انت تحب
فلاح : لا والله وانت
ذيب : لا والله 
جاو العيال وجلسو معهم لانهم طفشو من جلسه الشيبان  وكانو : عايض. محمد.  سعود. سعد.
سالم.  فارس. (فهاد. مشاري. بلال.  الصغار والي جوهم حول بعض )
ذيب : واحد يجيب قهوه م فيني حيل ولا ودي ادخل
فلاح : اي والله انسدت نفسي م ودي ادخل
سالم : افا لا يكون زعلت من ابوي ترا ابوي م يقصد شي بس سألك
فلاح : لا ما زعلت ولا شي عمي واعرفه زين
فهاد وبلال قامو يجبون القهوه والقدوع
عايض : ودي بحلى مع القهوه
فارس : اهلي جابو حلى واجد م ظني خلص
سعد : بروح اجيب اذا فيه
سعود : دقيقه انا معك
راحو سعد وسعود لقسم الحريم يجيبون الحلى 
سعد : ياولدددد
اريام : لبيه ي السعد
سعد ابتسم تذكر امل : لبيتي حاجه بس ابي حلى اذا بقى
اريام : اييي بقى كثيررر  بروح اجيب واجي
وخلت الباب مردود مرت توق تمشي وتكلم صديقتها الي بالجامعه  سعد جته مكالمه وراح وقعد سعود عند الباب  وشاف توق  الي تمشي ( ياويلي صدق ي لبيههه وش ذا الزين ) استوعب على نفسه وصد
اريام : توقي ترا العيال عند الباب
توق رفعت راسها وشافت سعود ( ي حلوه مشالله )
وراحت تركض لامل
امل : بنت شفيس
توق  وهي مهي قادره تتنفس  من الركض : يجننن
امل : منهو
توق : اتوقع سعود ياويلييي
امل قامت وسحبت معها توق وراحو الخيمه الصغيره  وجلسو  وم كان فيها احد
امل  بهدوء : حتى انا امس شفت سعد ي حلوه يجنن مشالله الله يحفظه
توق الي مخروشه وخايفه انه شافها بشكلها المحيوس : تخيلي شافني وشكلي كذا 😭
امل : اقول اسكتي شكلس يجنن وين المحيوس
انا شافني وانا اتهاوش مع نوره اخته  امس وانا معصبه اخ ي راسي
وبعد انهيارات وحلطمه على اشكلهم اطلعو
وكملو جلستهم مع البنات

................•.....................•................•............

عند الحريم

نوره الي طفشت من القعده لحالها ومحد معطيها وجهه وطفشت من روتينها الخايس وان الكل يكرها
حبت تعدل من نفسها وتصير حالها حال نفسها وان م فيه امل في عايض وخلاص هو زوج الجود ويحب الجود وهي تحبه