سريتي بي يابنت الاجاويد

البارت الثامن

فلاح : شفتي مشتاقين
نوره : لاا والله شف وجه سعود ناوي شي
فلاح : هههههه معليس بجيب راسه
نوره ابتسمت ونزلت واتجهت للحريم

نزل فلاح وكلهم تجمعو حوله  الا ذيب صرخ بأعلى صوت : ي الذيبب ي ولد عميي ي المحزم المليانن
فز ذيب وجاء يركض وكلهم انحاشو وفلاح وذيب يلحقونهم والشيبان يضحكوننن وقفو فلاح وذيب
وقعدو يضحكون على العيال الي انحاشو بعيددد

.......•.......•......•.......•........

عند الحريم

الي استقبلو نوره بحضن وشوق لها وفاقدين حسها بالحيلل وبعد السؤال عن الحال نوره وقفت
نوره : عندي لكم بشاره !
البنات : وشهيييي؟
نوره ابتسمت وقامت نتاقز : انا حامللللل
فلاح سمع صراخها : يانوريي اقصري صوتس
نوره ابتسم وسكرت منطوقها : ابشرر ي فلوحي
ابتسم فلاح وراح لرجال والبنات كلهم قامو حضنوها وباركو لها والابتسامه شاقه وجهها

...........•.........•.........•.........•.........

عند الرجال

والعيال رجعو وجلسو وقعدو يسولفون وشوي الا وعايض طاح يضحك والعيال يناظرون بأستغراب
محمد ابتسم : وش فيك ؟
عايض قعد يشرح سالفه سعود والحليب الي انكب عليه وكلهم طاحو يضحكون
والشيبان يسولفون ويتقهون وسعود يطقطق عليهم

البنات الي راحو يتمشون وكانو :
جود واريج وامل واريام وغزيل وتوق وسلمى
اريج لفت لجود : نتسابق
جود بتحدي : قدامم
راحو يتسابقون وجود اختفت بظلام وصقعت بشي
والبنات اختفى حسهم وجود خايفه وبكت حضنها
خوي عايض منذر  الي كان على اتصال وماانتبه للمسافه ولف وشاف ان بعد عن العزبه وكان راجع
منذر : من انتي ووش جابك ؟
جود : ا.ا. انا الجود  منن انتتت بعدد
بعد منها وانتصقع اول م شاف ملامحها ودموعها
منذر : انا خوي عايض
جود  مسكت بيده  بخوف وهي ترجف شد على كتفها وراح عند العزبه وراحت للحريم وهي تبكي وكلهم قامو لها وحضنوها وقعدت تصرخ وتقول ليهه سحبتو علي وهو يحسبون انها رجعت وسحبت عليهم وصار العكس وقعدو يهدونها ومحمد جا
محمد بخوف من بكيها : جوددي تعالي ي اخوس
اتجهت جود لمحمد وحضنته وهي تبكي ومنهاره بحضن اخوها وهو انتظرها لين هدت
محمد : وش فيس ي عين اخوس
جود بصوتها الباكي وصار به بحه : ضعت بالبر ورجعني رجال
محمد فز : منهو ؟ وكيف شكله ؟
جود : مدريي مدرييي  
" هي كانت خايفه عشان ظلام وبعدت من العزبه
وفيه اصوات كلاب انهارتتت"
رجعت تبكي ومنهاره وهو يهدي فيها الين م هدت
واتجهه لرجال
وجلس جنب عايض بهمس : عايض خويك طالع قبل شوي
عايض بهمس : اي ليه ؟
محمد : بعدين بقولك
اعتلا صوت منذر : مدامنا جالسين ومستناسين انا جايك ي عمي عبدالله اطلب بنتك على سنه الله ورسوله ادري اني فاجأتكم وبدون ابوي. اعذروني
ابو محمد : نتشرف فيك ي ولدي من بغيت منهم
منذر سبق قد سولف له عايض عن بنات عمه وعرف اسمائهم و ماكان يعرف ان عايض ميت على الجود
منذر : الجود
فز عايض بغضب الدنيا وطلع من الخيمه ولحقه محمد
ابو محمد : ابشر بالي يرضيك
منذر ركب سيارته وطلع من العزبه وهو يضحك ومشغل اغاني ومااهتم لعايض
محمد : عايضضض انتظر
ركب السياره وحرك عايض وهو مسرع ومحمد يهديه وعايض يلعن نفسه ليه عزمه وليه سولف عن بنات عمه هو يعني قال اسمائهم فقط وليه اختار الجود بيموتت ومعصب وماكان يرد على محمد ومسرععع شويات الا طلعت لهم ناقه وصراخ محمد وعايض الي يدعس على الفرامل  لاكن مارضت  توقف السياره وصدمو فيها تجمعو
الناس  والاسعاف نقلو محمد وعايض للمستشفى