سريتي بي يابنت الاجاويد

البارت الواحد والعشرين

الصلاه ي راغبين الجنه 👌🏻❤️✨

.........•..........•...........•..............•................

في بيت ابو مرام

ابو مرام واقف : يلا ي حلوات مشينا
لفت ريم : بابا شكلي حلو ؟
ابو مرام تقدم وباس خدها : احلف انك ازين منهم كلهم
حضنته ريم : شكراا بابا
مرام ومعها دواء الضغط ومويه : بابا امسك اكله قبل نروح
اخذه وشربه واعطاها : انا انتظركم برا
ريم : اوكيي
مرام راحت تلبس عبايتها وريم مثل واتجهو لابوهم

.........•..........•...........•..............•................

عند القاعه في الخارج  وقفو عائله ابو فيصل وعائله ابو مرام وخرجو البنات وفيصل سلم على ابو مرام لانه سبق وشافه بالمناسبات ودخلو ومالقو الا الترحيب والضيافه  الي تفتح النفس
اتجه فيصل الى عند العيال وعايض فز لانه يحب وحضنه وذيب قعد يرحب فيه والعيال نفس الشي
عايض : ي حمارر حسبتك منت بجاي
فيصل : اخروني البنوتات
ضحكو العيال : البنوتات مرهه وحده
فيصل : يستاهلون حبيباتيي
عايض : الله يخليك لهم
فيصل : امين
اتجه ابو محمد لهم : ي ولدي ي عايض
عايض فز : لبيه ي عم
عبدالله : رح شف العشا فيه شي ناقص ولا شي عشان بنضيف العربان
عايض : ابشرر ي عم الحين
ابتسم محمد من شاف عايض متكفل بكل شي وفرحان لعرسه ويحبه ولا قد مر يوم واعتبره ولد عمه بالعكس اخوه واكثر من اخو

في قاعه الحريم ~~

تقدمت ام محمد : ي بناتي
البنات : لبيه - هلا خاله : لبيه ي عمه
ام محمد : وحده تروح تشوف   العشا بيدخلون الرجال الحين شوفو فيه شي ناقص شي
جود : الحين ي امي الحين
اريام : وانا معك
ام محمد : الله بعطيكم العافيه
ابتسمت الجود واتجهت هي واريام لقاعه العشا
اريام فتحت الباب : مشاللهه والريحه
الجود : احس اني مرهه جوعانه
اريام ضحكت : عادي ناكل
الجود : لا وينن عادي بعد الرجال ولا نطلب شرايس
اريام : والله انس مجنونه نطلب من مطعم بالعرس عادي اذا رجعنا من العرس
الجود : الا تكفيننن 
اريام تنهدت من عناد جود : ابشري
جود باستها : ي حلوس
ضحكت اريام: شوفي كل شي ضابط خلينا نرجع لايدخلون الرجال بس باقي شوفي العصيرات بالاخير بروح انا
جود هزت راسها وهي متجه للعصيرات : زين بجي الحين
اريام وقفت عند الباب وتكلمت بخوف من سمعت صوت الرجال قرب ومقبض  الباب انفتح : جوددد
جود لفت وشافت الباب انفتح خافت ودخلت تحت الطاوله ونزل نظره عايض من شاف وحده تدخلت تحت الطاوله فز وركض لها ونزل شماغه الي على كتفه ومسك ذراعها سحبها بقوه لصدره وغطاها بغترته وركض بها لين عند الباب ودخلها وقعد يناظرها وهي تناظر بالشماغ الي عليها هي م ستوعبت شي كل شي صار بسرعه يناظرها يتأمل جمالها وحلف انه م يمر الليله الا وهي حلاله مدت له الشماغ ويدها ترجف واخذه منها وباس يدها وابتسم وقفل الباب
اريام مسكتها : بنتت
جود : احسس بدوخ امسكيني
اريام : بسم الله عليس
مشتبها الين وصلو لطاولتهم وام فلاح شافت جود وجت تركض : ي حبيبتي شفيس؟
جود : عشاني م كليت واحس بدوخ
ام فلاح فتحت جوالها ودخلت رقم عايض : الحين 
جود عقدت حاجبينها بعدم فهم
ام فلاح : الو
عايض : لبيه يام
ام فلاح : جب لجود صحن من العشا نوع من كل شي
عايض استغرب : ابشري بس ليش؟
ام فلاح : داخت علينا عشانها م كلت
فز عايض : وشش لبسوها عباتها
ضحكت ام فلاح : بسم الله عليك لا م فيها شي
عايض : الحين جايبه الحينن
فقلت ام فلاح ونزلت الجوال على الطاوله ومسحت على راس الجود : الحين يجي الاكل
الجود : ما كان له داعي ي اميي
ام فلاح : صحتس اهم عشان وليدي
بققت عيونها جود وضحكت ام فلاح " يعنيي كشفتنا" ابتسمت الجود وحطت راسها على الطاوله وام فلاح اتجهت لطاولتها وخلت الجوال عن الجود
رفعت راسها الجود من الجوال يتصل عندها شافت قفى الجوال وعرفت جوال عمتها جت بتقوم ومن شافت الاسم جلست وابتسمت وماتدري بالنضرات الي عليها من ام فلاح ردت وحطته على اذنها
عايض : يامم جبت العشا من باب الحريم وينس
؟؟
الجود : عايض انا الجود
فز عايض وابتسم : تكفيننن ي الجودد
الجود : وش فيك ي عيوني
عايض : ابوسهمم بس وينس
الجود : اجي ؟؟
عايض : ايي يلاا اصلا حلالييي
م فهمت الجود واتجهت للمرايه تعدل شعرها وروجها واتجهت لباب الحريم وفيه غرفه خاصه لأهل العروسه والعريس فاضيه اتجهت للباب
الجود : عايض ؟؟
عايض رجف قلبه من صوتها : عيونهه وقلبهه هنا اجي
الجود : اي تعال
دخل واتجهت للغرفه ومشى وراها نزل الصحن على الطاوله وسكر الباب وناظرها وابتسم : م استعجل الليله تصيرين حلالي بس انا معاد بي قدره
تقدمت الجود وباست فكه بقوه ومسكت يده وباستها ترجع بوسته الي دوختها تبي تدوخه بس بطريقتها وقربت تهمس بأذنه : والله ؟
عايض ايدينه نازله ويناظر فيها بهيام : ايي والله تكفيننن معاد استحمل بروح لرجال لاني بسوي مصيبه
ضحكت وناظرها بهيام وانحاش ابتسمت تجلس تاكل وماهي الا دقايق خلصت واتجهت تعدل روجها وشكلها واتجهت تاخذ انظار اناس جمال وغرور ونرجسيه م ينقصها شي ابتسمت تتجه لـ اريام  تناديها ترقص معها بكل راحه بصدرها فرحانه والضيقه معاد لها مكان بصدرها رقصت والكل اقوالهم م بين : مشاء الله تبارك الله ، بسم الله عليها
خلصو رقص واتوجهو البنات  لغزيل والحريم قلطوهم ام محمد وام فلاح