سريتي بي يابنت الاجاويد

البارت الثاني

عند الحريم

كانو جالسين ويسولفون  وخرشهم صوت محمد كان كبير صوته
اريج فزت  : يمه صوته كبير
غزيل  بهمس : اي ويهبل
البنات :ععشششنااا
الجود : خلوني اروح بس راحت الجود لمحمد
محمد : الله الله وش هالزين 
الجود غطت وجهها بخجل وضمته : ي حلوك ي حمود عايض كان وراهم بس م شافته الجود عايض بنفسه ( ياويل حاليييي اخخخ متى اضمها وادخلها بضلوعي ) خرب عليه محمد : ي ولد شفيك صاير تهوجس وتكفر واجدد
عايض : اختك هي سبب علتي
محمد بضحك : اقول امش ادخل نجيب القهوه وتعبيها
عايض : انا اعبيها تبيني انهبل ي خوفي اشوفها
محمد : غبي انت اكيد انا معك
وراحو المجالس وخذو الدلال وراحو للبيت
محمد : ي ولددد
الجود : هلا حمودي
محمد : ادخلي البسي ارداس وتعالي عشان القهوه
الجود : ابشر وراحت ركض وجت حمود ادخل
دخل محمد : ي عايض تعال
جا عايض وكان منزل راسه يحسب كاشفه
محمد : خبل انت ارفع راسك شبلاك وتذكر محمد وضحك ههههههه اها متغطيه ترا
رفع راسه عايض : ارحبي ي الجود وشحالس؟
الجود : البقى بخير جعلك بخير
عايض بهمس بأذن محمد : صرت بخير بشوفتها وصوتها
محمد : اعقبب معاد تستحي
عايض بهمس مسموع والجود سمعته : وش اسوي ياخي احبها
ابتسمت الجود من تحت النقاب ( ياويلي وش اسوي اخخخ ي قلبي يارب اجعله من نصيبي ، هييي وش قاعده تقولين )
محمد : يلا خلصنا بنروح ولا ودك نقعد
عايض : ودي بس الشكوى على الله
محمد م كان يقول لـعايض شي عشان م يزعل ولا كان يموت غيره على اخته
ادخلو المجالس ونزلو القهوه وصارو القهوجين يصبون راحو عند العيال عايض: شوفو اليوم لاحد يروح بنسمر هنا وبكره بكيفكم
فارس : تعرف ابوي ي ابو محمد يعيي وعصبي
محمد وعايض : معليك ازهلها
والناس بعد العشا والقهوه وسوالف والوقت المتأخر بدو يروحون وم بقى الا ابو محمد وابو فلاح وابو سالم وابو مشاري وابو فارس
ابو محمد : ودي انكم تنامون عندنا الليله
ابو فارس : والله عندنا اشغ....
قاطعوه محمد وعايض : تكفى ي عم ' احترام '  اقعدو من زمان عنكم
ابو فارس ابتسم  : شوركم وهدايه الله
راحو الشيبان داخل المشب والعيال بالمجالس
فلاح : طفش
مشاري : اي والله
عايض ومحمد  جابو البلوت : افا طفش نكسر روس بعض
وبدو يلعبون ويسولفون سعود : طفشنا خلونا نطلع بالحوش ونشغل ضو ونسولف حول الضو
العيال : قدام وراحو يرتبون جلستهم برا والقهوه والشاهي

................•.....................•................•............

عند البنات

بعد م دق فارس على اريج وقال ترا بنام
راحت لامها وقالت لها وفرحت ان فارس وبنتها اريج
ودهم بالناس والجمعه من زماننننن واول م راحت من عند امها راحت عند البنات تبشرهم
اريج بفرح  : بناتتت تخيلو فروس دق علي يقول بنام والشيبان نامو كلهم
امل بطفش  : طيب وش نسوي الحين
توق الي تحب الافلام : نسولف ولا نتابع فلم
اريام وغزيل والجود ناضرو بعض وضحكو
غزيل : تفكرون بالي ببالي
الجود واريام : ايييي
امل وتوق واريج وغلا : وش السالفهههه
اريام وهي تضحك : ابد ودنا نغامر
اريام والجود وغزيل كانو مره قريبين لبعض وجوهم زي بعض 
غلا : طيب وش تفكرون فيه ووش مغامرتكم ذي
غزيل : ابد العيال برا بالحوش ليه ن نروح ونجلس معهم
امل و اريج   : قداممم
غلا  وتوق : لا وينننن
الجود : الي يبي يجي عاد انتو بكيفكم