سريتي بي يابنت الاجاويد

البارت الاول

تنطلق روايتنا في صباح جميل واجواء جداً جميله

.......في بيت ابو فلاح .....وتحديداً المشب ..........

قامو الظهر ابو فلاح وعياله وراحو يصلون ورجعو على ريحه اكل تاخذ العقل والقهوه والقدوع في المشب

سعود ابتسم : يوههه انا جوعاننن
غزيل ضحكت : هههههه يالله كل جعله عافيه
سعود تقدم وباس راس غزيل : الله يعافيسس يوههه احبسس
عايض ضحك : ايي عشان العيشه ولا كذاب
ضحكو كلهم
ابو فلاح ابتسم : ايه هذي العلوم الزينه تسلم يدينس ي غزيل
غزيل ابتسمت : الله يسلمك يبه
ام فلاح : ي زين لمتنا والله يجعلني م انحرم منكم
الكل : ولا منس
فلاح : يبه وش رايك نسويه عشاء ونعزم عماني من زمانن عنهم
ابو فلاح : تم
عايض : بروح اذبح الذبيحه
ابو فلاح : اقديت ي ولدي وانا بكلم عمانك ومعارفنا
ام فلاح : وانا بكلم خواتي

..........•.............•............•.............•............

- الساعه ٨

بيت ابو فلاح امتلى بالناس
دخل ابو محمد : ارحبوووو
الكل : الـــبــقــى
جلسو محمد وعايض جنب بعض
" عايض ومحمد علاقتهم مع بعض قويه "
عايض : ارحب ي حمود وشحالك
محمد : بخير جعلك بخير
جا سعود و سعد
سعود ابتسم : ارحب ي حمودي شحالك
محمد بدلع وغنج : البقى بخير وشحالك ي سعودي
ضحكوا عايض ومحمد وسعد وسعود ومن الضحك م قدرو يوقفون وطلعو برا المجالس
سعد وهو يتنفس بصعوبه من الضحك : الله ينكبكم ي عيال لو تشوفون كيف الرجال عطونا نضره
سعود يمسح دموعه من الضحك : ي رجال وش عليك منهم حتى الضحك ممنوع
عايض تغيرت ملامحه لجديه : خلونا نرجع بس
الكل : يلا

دخلو المجالس

فلاح ابتسم : عايض تعال خذ الدلال ودها
عايض : ي عيال تعالو ساعدوني
محمد ابتسم : ابشر بي ي ولد عمي
الكل الي بالمجلس من هيبه عيال واحفاد منيف ال عبدالعزيز : ونعمممم
ردو عليهم عيال منيف واحفاده بكل ثقل ورزانه : ونعم بحالكم
دخلو عايض ومحمد : ي ولددددد طريق
غزيل : ادخل
عايض : تغطي ي غزل حمود بيجي
غزيل خذت ارداها " طرحتها " وتغطت
لف عايض وشاف الجود وراه سلم بيده ولامس اصابع الجود وحطها على صدره " احترام "
عايض : ارحبي ي الجود شحالس
الجود ابتسمت : البقى بخير ي ولد العم
محمد : السلام عليكم
غزيل : وعليكم السلام
" عايض مع بنات عمه م يستحي لاكن محمد يستحي "
محمد قلبه اوجعه بعد م سمع صوت غزيل محمد يكلم نفسه ( محمد شفيك ترا مهب اول مره تسمع صوتها وش جاك هذي المره لا تكون خفيف )
عايض : وين وصلت ي محمد
محمد ابتسم : موجود يلا ترا تأخرنا
عايض : يلا يلا

..........•.............•............•.............•............

راحو المجالس

فلاح : كان نمتو
عايض : ي رجال خذها بس
محمد كان يتأمل كيف علاقات عايض وخوانه
وهو وحيد لاكن فرحان جدًا ان عنده عيال عم ويعتبرهم خوانه
عايض سحب محمد وراحو يجلسون
ابو فلاح : تفضلو على العشاء