Unicode
ခံစားချက်တိုင်းကို ဖွင့်ဟပြရပါလျှင်မူ သူ့အနီးအပါးတွင် ခေါင်တစ်ယောက်ရှိနေပေးနိုင်ပါဦးမည်လား ...
မျှော်လင့်ချက်ဆိုတာ မထားသင့်တဲ့သူအပေါ်မှာထားခဲ့မိရင် နာကျင်စရာတွေပဲ ဖြစ်လာတတ်တာလား ခေါင်ရယ် ...
"မင်းအခုဘယ်သွားမှာလဲ ... "
"ငါ ကားတင်ရှိလို့ ပွဲရုံကိုပဲ သွားမှာ ... "
"ဘယ်အချိန်ပြန်လာမှာလဲ "
" ပြီးတဲ့အချိန်ပေါ့ ... အတိအကျတော့ပြောလို့မရဘူး ... ကားထွက်ရင်တော့ ပြန်လာလို့ရပြီ "
"ညအိမ်မှာထမင်းစားမှာ ... အရမ်းနောက်မကျစေနဲ့ ... "
"အင်း ... အလွန်ဆုံး ၈နာရီလောက်ပေါ့ ... အရမ်းကြီးမိုးမချုပ်ပါဘူး ...
ဒါနဲ့ ... မင်းကို ဘယ်လိုက်ပို့ရမလဲ ... "
"ဟိုရှေ့က အအေးဆိုင်မှာချခဲ့လိုက် ... "
"အပြန်ကျတော့ရော ... "
"ရတယ် ... ဖြစ်သလိုပြန်လိုက်မယ် ...
ငါမပြန်ခင်တော့ဖုန်းတစ်ချက်ဆက်ကြည့်မယ်လေ ... မင်းအိမ်မရောက်သေးရင် ငါ့ကိုဝင်ခေါ်ပေါ့ ... "
"အင်းပါ ... "
လမ်းဘေးပလက်ဖောင်းနားသို့ ကားကပ်ရပ်ပေးလိုက်တော့ ခေါင်က နှုတ်ဆက်ဖော်ပင်မရပဲ ဆင်းသွားခဲ့သည် ... သူလည်း အလုပ်သမားများအတွက်မုန့်ဝင်ဝယ်လိုက်ပြီးနောက် ပွဲရုံသို့ပင် ထွက်လာခဲ့လိုက်တော့သည် ...
"ဒေါ်တင်ရွှေ ... မုန့်တွေဝေပေးလိုက်ပါဦး ... "
"ဟုတ်ကဲ့ ပွဲစား ... "
"ကားတင်တွေအတွက်ရောပါတယ်နော် ... သူတို့ပါတစ်ခုစီပေးလိုက်ပါဗျ ... "
"ဟုတ် ... "
တစ်လက်စတည်း ကားတင်နေရာသို့သွားကြည့်တော့ တစ်စီးပြည့်လုပြည့်ခင်ဖြစ်နေပေပြီ ...
"ဦးလေး ပြည့်တာနဲ့ တန်းထွက်ခိုင်းလိုက်တော့နော် ... ပိုက်ဆံရော ပေးလိုက်ပြီလား ... "
"နှစ်စီးစာတော့ ပေးပြီးပြီငါ့တူ ... တစ်စီးစာအတွက် လိုနေလို့ မပေးရသေးဘူး ... "
YOU ARE READING
မိုးကောင်းသောအရပ်၌ ခေါင်
General Fictionဘယ်အချိန်မှာစပြီး လွဲမှားခဲ့ရတဲ့ရေစက်လဲ .... ပြေးလမ်းတစ်ခုပေါ်မှာ ခေါင်ဟာ တာတိုပြေးနေခဲ့ပေမယ့် ကျွန်တော်ကတော့ တာဝေးအပြေးသမားတစ်ယောက်သဖွယ် တဟုန်ထိုးဝင်ရောက်လာတဲ့ ခေါင့်အမုန်းတရားတွေကို လက်ခံရရှိခဲ့ပြီး ..... တမြေ့မြေ့ကျွမ်းလောင်စေမယ့် ကို့ချ...
