Unicode
တဖြည်းဖြည်း နက်သထက်နက်လာတဲ့ညအမှောင်နှင့်အတူ အချိန်တွေက ကုန်လွန်လာခဲ့ပြီးနောက် ည ၁၁နာရီ ထိုးလုပြီ ...
အခုချိန်ထိ ခေါင်ကပြန်ရောက်မလာသေးပေ ...
စက်ပိတ်ထားခဲ့သည့်ဖုန်းက ပြန်လည်ဖြေဆိုနိုင်ခြင်းမရှိခဲ့ ...
အိမ်ထဲတွင် ခတ္တာရှိနေသဖြင့် ခြံထဲသို့ထွက်လာကာ ခေါင့်ကိုစောင့်နေခဲ့ပေမယ့် ယခုအချိန်ထိအရိပ်အယောင်ပင်မတွေ့ရပါ ...
သိပ်မကြာခင်မှာပင် ခြံထဲသို့ မေမေနှင့်ခင်ပြည့်တို့တူဝရီး ဝင်လာသည်ကိုတွေ့လိုက်ရသည် ...
"ဟယ် ... သား ခြံထဲမှာဘာထွက်လုပ်နေတာလဲ
ခေါင်ရော ပြန်မရောက်သေးဘူးလား ဘာဖြစ်ထားတာလဲ ... "
သူ့ကိုတွေ့တော့ အလောတကြီးမေးလာတဲ့မေမေ့ကို ဟန်ဆောင်ပြုံးပြလိုက်ရင်း ...
"ဘာမှမဖြစ်ပါဘူးမေမေရဲ့ ... ခေါင်က ကားတင်နောက်ကျနေလို့ ပြန်မလာသေးတာ ...
အိမ်ထဲမှာ ခတ္တာတစ်ယောက်တည်းမို့လို့ သားအပြင်မှာပဲထွက်စောင့်နေတာပါ ... "
"ဪ ... သားလေးရယ် ... မေမေ့ကိုဖုန်းဆက်လိုက်တာတော့မဟုတ်ဘူး ၊ ခင်ပြည့်ကိုပြန်လွှတ်လိုက်မှာပေါ့ ... ထမင်းရောစားပြီးပြီလား သား ... "
"ပြီးပါပြီ ... မေမေတို့ရောက်လာပြီဆိုတော့ သား ခေါင့်ဆီကိုလိုက်သွားလိုက်ဦးမယ်နော် ... "
"ဒီအချိန်ကြီးသွားမလို့လားသားရဲ့ ... မိုးအရမ်းချုပ်နေပြီလေ ... "
"ဟုတ် မေမေ ... ခေါင်တစ်ယောက်တည်းမို့လို့ သားလိုက်သွားလိုက်ဦးမယ်နော် ... "
"အင်းပါ... ဒါဆိုလည်း ဟိုကိုရောက်တာနဲ့မေမေ့ကိုဖုန်းဆက်ဦးနော် ... တခြားကိစ္စကြီးငယ်တော့ မရှိဘူးမလား... "
စူးစမ်းသလိုကြည့်လာတဲ့ မေမေ့ရဲ့မျက်လုံးများက အရမ်းကိုလျှင်လွန်းနေ၍ မနည်းဖုံးကွယ်နေရသည် ... ။
" မရှိပါဘူးမေမေရဲ့ ... သွားပြီ ... "
သူမကိုနှုတ်ဆက်ကာ အစောတလျှင်ပြေးထွက်သွားသော သားဖြစ်သူကိုကြည့်လိုက်ပြီးနောက် ဒေါ်မြတ်ဝန်းရံတစ်ယောက် ခေါင်းကိုဖြေးညှင်းစွာခါရမ်းလိုက်သည် ... ။
ŞİMDİ OKUDUĞUN
မိုးကောင်းသောအရပ်၌ ခေါင်
Genel Kurguဘယ်အချိန်မှာစပြီး လွဲမှားခဲ့ရတဲ့ရေစက်လဲ .... ပြေးလမ်းတစ်ခုပေါ်မှာ ခေါင်ဟာ တာတိုပြေးနေခဲ့ပေမယ့် ကျွန်တော်ကတော့ တာဝေးအပြေးသမားတစ်ယောက်သဖွယ် တဟုန်ထိုးဝင်ရောက်လာတဲ့ ခေါင့်အမုန်းတရားတွေကို လက်ခံရရှိခဲ့ပြီး ..... တမြေ့မြေ့ကျွမ်းလောင်စေမယ့် ကို့ချ...
