You Should Love Me

7: Western Festival

After a week of planning the festival of the West with Ivan ay dumating na mismo ang araw na pinakahihintay namin. Which is ang festival. Naging busy ang buong mansyon sa pag-aayos ng mga dekorasyon.

Sa umaga hanggang hapon kasi nasa downtown ng West ang kasiyahan. May iba't-ibang mga stall ng pagkain at mga produkto, may mga performer sa gitna ng kalsada at parade. Kaya bata man o matatanda ay nagpunta doon para magsaya at ipagdiwang ang araw ng kanilang teritoryo.

Kasalukuyan akong nakatanaw ngayon dito sa bintana dahil tanaw mula dito sa office ni Ivan ang downtown. Napangiti na lang ako sa makukulay na dekorasyon na natatanaw ko.

"Want to go there?" Bulong ni Ivan na nasa likod ko na pala at nakatanaw na din sa bintana gaya ko.

"Aren't we busy, Suarez?" Sabi ko dahil marami pa kaming ipprepare para sa closing banquet mamayang gabi. After kasi ng sunrise festival, meroon namang sunset festival. Ang sunrise festival ang nangyayari ngayon sa downtown. Pero pag pumatak na ang dilim ay dito naman sa mansyon magpupuntahan ang mga tao para sa sunset festival. Which is also known as the closing banquet. Hanggang alas dose ito ng hatinggabi. Sa tuwing festival ng kada teritoryo ay sinasalubong ito sa pagsinag ng araw (sunrise festival) hanggang sa magdilim (sunset festival) at matapos ang araw pagpatak ng alas dose.

"We're allowed to have a break don't worry," he chuckled saka hinatak ako palabas ng office. Saktong pagkalabas namin ay nakasalubong namin ang butler at si Ivo na may dala pang mga papeles para sa amin.

"Jefe, we need to review the list of the guests." Sabi ng butler pero biglang tumakbo si Ivan habang hatak pa din ako kaya napatakbo din ako.

"Jefe! Wait! Saan kayo pupunta?" Sigaw ng butler.

"We're taking a break!" Sigaw ni Ivan at humalakhak.

"What the heck, Suarez?" I sighed pero natawa lang ulit siya habang tumatakbo kami sa hallway. Nang makalabas na kami ng mansyon ay agad kaming nagtungo sa downtown. At dahil kilala ko ito si Ivan, alam kong hindi siya magpapatinag ay nagpadala na lang ako sa hila niya. Since gusto ko din naman mag-ikot.

Lahat ng tao ay nahawi nang mamukhaan kami. Binigyan nila kami ng daan at kusa silang aalis kapag lalapit kami sa isang stall.

"This is awkward," sabi ko habang si Ivan naman ay kain ng kain ng barbecue. Nakatingin lang kasi ang mga tao sa amin na para ba kaming artista.

"That's the jefe, right?"

"Oo, at kasama niya ang prinsesa ng South."

"Hala, sila ba?"

"Hindi, they're best friends. At kaibigan din nila ang jefe ng North at jefa ng East. They're all close."

"Oh? They're the four knights who lead the war?"

"Oo, oo! Sila nga. Hihi!"

Napapikit na lang ako sa hiya. Nagbubulungan nga sila pero rinig na rinig ko naman. Itong si Ivan naman parang walang naririnig dahil busy kakatikim ng mga panindang pagkain kada stall na madaanan namin.

Nang mahinto na naman kami sa isang stall na nagtitinda ng mga sumbrero na may wig ay nagtataka akong napatingin kay Ivan nang magsuot siya ng cap na may nakatirintas na wig. Tapos sinuot niya naman sa akin yung cap na blonde ang wig.

"We'll buy this, thanks!" Sabi ni Ivan saka nagbayad na sa tindera.

"What is this for?" I asked.

"A disguise. Ayaw mo ng tinutuon sayo ang atensyon hindi ba? This is the answer." Sabi niya saka hinatak ulit ako para mag-ikot muli. Mukhang umepekto naman ang disguise namin dahil wala na ngang tao ang nakakilala sa amin. Kaya nga naenjoy na namin ulit ang festival. Dinala kami ng mga paa naman sa mga performer na sumasayaw sa gitna habang nagpapakita ng mga tricks. Napapalakpak na lang kaming dalawa sa tuwa kasabay ng ibang tao.