أنا حزين جداً لأن بيني وبين شَخصي
المفضل مسافه طويله
لقد عاد
ماالذي عاد؟
ذاك الصدا؏ الذي ينهش عقلي
*ـــــــــــــــــــــــــــــــــــــــــــــــــــــــ*
بقلم الڪاتبه ٱِٕيــآࢪ
طلع وانه روحي تصيحله
لا تعوفني ضل يمي اريد اشكيلك عليهم
بجيت لحد ما راحن عيوني
بعد مرور ساعه اتصل بيه رواد
وگلي هذا حدنه موو هنا تردين ينتهي كلشي
خلاص ادوس على كلبي وروحي واعوفج بحالج
ماريد تبجين بسببي
ماريد عيونج يحرگهن الدمع بسببي
انعل ابو گلبي الي يأذيج
هاي اخر مره تشوفيني وتسمعين صوتي
من هالحظه واعتبريني متت
مو انه الي ابچي الاحبها حبچ بكلبي بس ربچ يعرفه شگد بس الضاهر المحبه الزايده تأذي
راح ابتعد وانه گلبي ملچوم
مالي ذنب بكلشي صار
ماراح تصدكين ادري وحقج ماتصدكين شنو طفل انه
ويصير هيج واضل ساكت
بس صدك كالوها الي انه جبان
جبان وحيوان لان خليتج تعيشين هالموقف
كسرت كلبج وخطفت فرحتج إلي تسوه الدنيا عندي
مستعد ادفع روحي ثمن وارجع اسمع ضحكتج واحس بفرحتج
ااخ يا عزيزه كلبي شكد احبج
وداعت الخلق عيونج اندمهم واخذ بثار كل
دمعه نزلت من عيونج واشرب من دمهم
بچيت وانه اسمع كلامه الي يذبح بيه صوته التعبان والواضح مريض
صوته مثل صوت الي يبچي صوته مخنوگ
اول مره اشوفه يحجي هيج على اهله
الي اعرفه كلش هواي يحب اهله
بجيت وبصوت عالي مادري شبيه تخبلت ليش صوت بچي يطلع شنو جاهله قبل جنت اموت من البجي بدون نفس حتى
ضليت ابجي واعاتبه
گتله تريد تعوفني موو؟؟
تمام روح عوفني
هوا هذا املي بيك من كعدت واتصلت بيك ومارديت
عرفت راح تعوفني
حط نفسك بمكاني وانه طايره من الفرح وبلحظه
اشوف هواي كلام منك وكلام ما ينحچي
وبعدين تطلب مني اروح واكلهم ماريده
فوگ صدمتي ب الي سويته
بعد ما كفاك وخليتني اروح انه واكلهم ماريده
لا تحجي حرف ولا تكول مو انه
انته الي تحجي اعرف كتابتك
اعرف كل حرف تكتبه
اعرف كلشي كلشي انته صدك ضحكت عليه
ليش شنو سويتلك بشنو اذيتك شنو طلبت منك
وتكلي علمود فلوسي ترديني
احجي كول ليش ساكت اكو مره طلبت منك شي
كتلك اله تجي تخطبني نفس البنات
