تِهت مابين شَعرج ودِجلة
ونَخل الجنوب وسوالِف بغداد ♥.
:أنَا رسُالة لبريد ضائِع .
بقلم الڪاتبه ٱِٕيــآࢪ
@aiar_21
غابو وقت رجعو وصفنو بوجهي صفنه خوفتني
شفت الخوف والقلق بعيون رواد
وشفت نضرات امي وهيه كازه على اسنانها
شبيه شنو بوجهي غلط ياستاار
فتحت كاميرا التلفون وشفت وجهي
كله احمر ماعرف شنو السبب
بس عباره عن كل مكان بوجهي احمر يريد يطگ
يمكن بسبب الشمس لان مايصير اوكف ب الشمس
ورواد حذرني من هالشي لان العلاج
يدفع طبقه الجلد الخارجيه ويذبها
وتضل فقط الطبقه الي قريب من الدم والاورده
والشي يسبب سرطان ب الدم
شفت الخوف بعيونه بس مادري شون ضل ساكت
كتلهم تاخرتو والشمس حركتني
التفت عليه وليش مارحتي هناك كعدتي
حچه بابا گله لا هيه مايصير عليها الشمس
والله ليعلم شنو صار بيها هسه
سوه نفسه مايدري بشي وكعد يتسأل
بعدين طلع بطل ماي ثلج وگلي غسلي بي
حتى يبرد وجهج راح نطيح بمصيبه
راح اتخبل يلا
اخذت بطل الماي وحسيت راح ينغمي علي صدك خفت
معقوله هسه شكل وياي السرطان
انقمت كلبي
تمشو كدامي اهلي وانه ضليت اغسل
ضلت يمي سيلين وهما يمشون قريب من عدنه هوا واكف ويباوع على رجفه ايدي
نتر بصوت خرعني ليش ترجفين
ما ماكله
ليش هيج صار بوجهج هاي مو من الشمس
الشمس بضهرج جانت
هاي بسببي ليش تضمين بكلبج ليش ماتردين بوجهي
ليش هالبرود ليش ساكته
ماحجيت ويا حرف ولا اباوع بعيونه ابد
ضليت اباوع لملابسه لان واكف كبالي
تبعدت عنه وعيوني على الكاع كتله خلي اروح هسه اهلي يشكون
رواد: انعل ابو هيج ناس
روح: تخبلت
رواد: النبي من يكعد يمج يكفر
روح: والله يا الله هاي جاي تشوفني وعشتو فرحان على شوفتي وكل ساعه تعاركني وخر من يمي
عفته ومشيت وضل واكف بمكانه تبعدت عنه
مااجه وراي معقوله زعل وراح يرجع
مستحيل يسويها
ضليت امشي وبالي يمه شنو وينه
التفتت لكيته يمشي ورانه وبيده علاكه ويأشر بيده حتى اوگف
قللت من مشيتي وصار يمي انطاني كيكه وياها عصير
طبيعي والكيكه مثل الصمونه وبيها حشوه
كتله اعتقد ماكاعدين ب امريكا ترا خواني وياي
انته شبيك
همس بعصبيه مادري شون يحجي هيج وانه
مااغتص...* انطيتج اكل
