يا كثر الحُزن في قلبي.
كُل شيء مُعقد ومُؤلم.
أشعر وكأني ضائعة بين تعّب وحُزن.
ليتَني أستطيعُ وصف كُل ما بداخلي.
ليتني أنتزع قلبي و أدفنه، و معه كل الآلام.
༆༆༆༆༆༆༆༆༆༆༆༆༆༆༆༆༆༆
اشرد بيج
انته شبيك رواد شهلكلام هذا
هذا حلنه الوحيد روحي اموت بدونچ
شلون تقبلها علي وشون اقبلها على نفسي مستحيل رواد مستحيل
ومحمد ولعباس لو تنطبك السما ؏ الكاع ابوج ماينطيج
*~~~~~~~~~~~~~~~~*
احبها بشكل مجنون
ذالك الشاب الذي رفض الحب بعد كل الطعنات الذي مر بها
اغلق بوابه الحب بعد خيبه امل وخيانه كبيره
اصبح وحش لا يهاب الخوف
يمشي وكفنه معه لا يهاب احد ولا يرجف قلبه ولا يشعر بوجوده .......
الڪاتبه ٱِٕيــآࢪ
@aiar_21
وديني لهلي ماريد اضل يمك الدنيا مغرب خلي يخلص الاذان ونروح
مااضل ولا لحضه هسه نروح
امشي الله يخلصني منج وارتاح ساعه السوده الي عرفتج بيها
روح: وين رايحين محد جاوبني شبيكم
امشي ولا صوت اسمع منج
ماروح اريد اضل يم ابوي والله ماروح
جرتني امي من ياختي وكلتلي غصبن عليج تجين وياي
بجيت بحركه وعمري جان 5 سنوات مااستحق هيج معامله منها
رحنه لبيت خوالي الاذان ياذن والدنيا مغرب دخلنه فرعهم وانطفت الكهرباء والدنيا صارت تخوف بالنسبه لطفله بعمر ل 5 سنوات
وتمشي وحدها امها بطرف وشايله اخوها بعمر السنتين (روناك) حبيب اخته الي تتنفس هوا
وبابا الي يمشي قبلنه وروحه طالعه وماداير النه بال
دخلنه لبيت جدي وطلعت ام امي وتسال شبيكم محد جاوب منهم واصرت على بابا يدخل ويتفاهمون ورفض وضلت تحجي ويا ب التواسيل يلا دخل
ونفس كل مره طلع صوتهم وتعاركو وطلع من البيت يركض طلعت ورا انه وابجي وتقريبا الساعه ب 8
والدنيا ضلمه محد يشوف الثاني
طلعت اركض واصيح بابا تعال اريدك بابا وينكك واركض مثل الطير المذبوح
ماله اي أثر باوعت وراي ماشوف شي غير ضلام وكدامي نفس الشي
ومالكيت اي احد يمي حسيت كلبي راد يوكف من الخوف ومحد يمي صيحت بعالي صوتي وماكو اي صوت غير صوت الجلاب البعيده ركضت بدون مااشوف وين رايحه بس غيرت اتجاهي
رجعت من الجهه الي اجيت منها واركض وابجي وكلبي يوجعني
طحت ع وجهي ومادري شنو صار بعدين غير كعدت بيت جدي ماتذكر منو جابني ورجعني
ياترا ابوي الي عافني بدون مايسال وكال صوت بنتي ماكدر اعوفها لو امي الي ماتدري وين الله ذابني
نمت بليل وكعدت الصبح على بوسات بكصتي
من ام امي الي جانت تموت عليه فتحت عيوني كتلها وين ابووي انطتني مميه لان جنت اشربها واعترف بهالشي 😂😂
بس امي ماجانت تقبل وام امي تنطيني ب البوگات كلتلي شربي هاي بسرعه قبل لا تجي امج شربتها وطلعت الدنيا صبح وكاعدات يتريكن
بنتي شنو هاي بوجهج تعالي بلا
روح: وين ابوي
بان: مات انشالله تعاي شنو هاي بكصتج تعاي
روح: اريد ابوي ماا اريد ابوي
جرتني عليها وكعدت تمسح بكصتي مادري شنو جان بيها
ضلت تحجي كلتلي ماتكعدين وكيحه شوفي هاي امس من طحتي شوفي الاثر ماباوعت علي بس ماجان يوجعني مجرد اثر
اجن خالاتي وجهالهن وكعدنه نلعب جنت كلش احب جهال خالتي حور وخصوصا (زاي) جان عدها 3(زاي وجاد وجان) جان بعمر روناك اخوي
كعدنه نلعب ونضحك قررو يروحون لزياره الإمام الحسين
وصار يومين وحضرو كلشي وابوي اجه وتصالحو هوا وامي مادري شون بس مايكدر على فراكها
بوسني وكلي انتي فرحتي وصه امي بيه وكلها شبيها كصتها كلتله على الي صار حاول يمسح الاثر بس ماراح
المهم عبالهم لان طحت وهذا اثر الطيحه
طلعنه للزياره والوضع حلو جنت العب واضحك ويه زاي وجان
كلش كلش احبهم رغم هما اكبر مني زاي اكبر مني بسنتين وجان بسنه نمت واحنه نلعب ب السياره كعدت على صوت جان يلا روحي وصلنه راح يزورون الكاع يقصد المقبره
كعدت ونزلنه وكالعاده امي ماتدري وين الله ذابني راحت تمشي وتبجي على موتاهم وانه ويه بيبي الي ماتفاركني عافتني وكتليل ابقي هنا حتى نشوف
موتانه لا تتبعدين تضيعين وبعد مانلكاج كعدتني على رصيف قريب منها وكعدت بصفي نست روحها وهيه تبجي وتعاتب موتاها عبالك ب دبي ومارجعو 😂😂😂
المهم عفتها وكمت امشي وصلت لحفره طويله محفوره تتسمى قبر دنكت عليه ودخلت راسي ..........
البارت طويل بس اخذني الواهس وانه اڪتب احداث البارت الجاي مشوقه
حساب انستا نتواصل هناك تمام 🥲
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
