شگد شايل بگلبي واحاجيچ بردان ما بردان اغطيچ انه الفطير الميت عليچ الـمن نومته يفز ويتانيچ".
أُحبُّكِ ..
بِتلك الجُرأة التي يَنموّ فيها العُشبْ بينَ الجُثث في أرضِ المعركة !
بقلم الڪاتبه ٱِٕيــآࢪ
امي جانت كل يوم عند اهلها علمود وفاه اخوها
وابوي ب الدوام
انه واختي وبيبي ام بابا بس بالبيت
نزلت يمي بنت عمي وحجيتلها وكالتلي اني منج
انتحر واخليهم يموتون من وراي
وهوا اذا يحبج يموت وراج
خليت ورحت شربت مزيل دهون
اختنكت متت ماشفت بعيوني شي وضليت اتقيئ
دم ويه الدم قطع لحم تنزل من بلعومي
اسودت الدنيا بعيوني وماشفت غير اني ب المستشفى
فتحت عيوني ولكيت يمي بابا وعمي وزوجه عمي
ماكدر احجي حلكي ملين شكوك ويطلع دم
ماكدرت احجيلهم خفت يحجون علي عبالي كم يوم
واصير تمام
مشت الايام واني روحي تتكطع لا اكدر اكل
ولا حتى اكدر اشرب ماي
ضعفت كلش هواااي وضليت أفقد الوعي
من غير الرجفه الي ماتركد بيدي قلم
طلعت خارج العراق حتى اتعالج
رحت لامريكا هناك صار علاجي ضليت 6 ايام بس على المغذي حتى يقوه جسمي لان وراي عمليه
او بـ الاحرى مجموعه عمليات لان احشائي
متدمره معتددي محترگه ومايعه وبلعومي
لازگ شي على شي
المريئ همات محترگ وحتى الماي مايعبر من اشربه
يتجمع ويضل يطلع من خشمي
صار يوم العمليه جان يوم خميس اتصلت عليه روح
وهيه تبجي وتحجي علي وترزل بيه خوفها عليه بطريقه مجنونه
بعدين خلصت اتصالها وهيه صوتها ماينسمع من البجي
دزتلي ڤويس وهيه تحلفني انو اصير قويه
وماعوفها حنيه هلبنيه جانتني
كلفت عمليتي هواي شغلات جان الخطر محاوطني
وقعو على وفاتي لمن دخلت العملية
دزتلي روح قبل دخولي لغرفه العمليات دعاء
قريته كالت اقري لمن ما تتخدرين وانشالله خير
قريته والدكتور واكف على راسي يحطلي البنج
شفت مره لابسه عبايه سوده وجها بس ضوه يطلع منه
حطت ايدها على راسي وكلتلي انه وياج لا تخافين
دخلت للعمليات وانه اردد ب الدعاء والمره لازمه ايدي
ماكعدت الا بعد اسبوع من يوم الخميس ومادري شنو صاير
كعدت وانه بغرفه مستشفى وبدون ملابس بس اجهزه على جسمي الغرفه مثل الثلج
وماكدر احرك راسي احس بصوندات بركبتي
ومكان كلياتي وجهاز اوكسجين على وجهي
ومغذيات حتى برجلي وماكدر اتحرك
