" أشعر أنني أُريد أن أقول لك فقط أحبّك ومن ثمَّ أبكي لأنّها تعبّر الكثير ولأنها تختصر الكثير، ولأن الأطفال حين يعجزون عن التعبير يبكون ويرددون كلمة واحدة غير مفهومة ومُبهمة.
«~~~~~~~~~~~~~~~~~»
الڪاتبه ٱِٕيــآࢪ
روح: فتحت عيوني عبالي طلع وشفت وجهه بوجهي
لطش كلش
ماكدر احرك ايدي بيهن كانونات وراسي ملفوف
كتله شنو هاي شبيك
ولك وخر راح تشوفك بيبي
رواد: مايهمني
روح: انه يهمني عووع وخر
رواد: چؤؤؤ شحلات وجهجج
روح: وانته تخرع
رواد: اشبهجج يعني
روح: يااا شحلاتني انه اخبل
ولك وخر عوووع ريحه الجكاير تطلع من عيونك
اكره احد يتنفس بوجهي وخر شبيك چلبت حرام عيب
هسه تكعد بيبي صخام انفضحنه وخر يييع
رواد: بشواربج تخبلين موو
رفعت ايدي الي بيها المغذي حتى اتلمس
فوگ حلگي وطگت الكانونه وصب الدم على وجهي
ماهتميت اهم شي اشوف صدك اكو شوارب
كتله هاا ولك جذاب وين شوارب هااا ماكو شعر
شبيك وين الشعر
وماتشوف والله يا الله
ضل يمسح الدم من وجهي وخربان ضحك
وعدل الكانونه كتله صاير دكتور
مافتح حلگه بكلمه شبي هذا
باوعلي متغيره جنتي ماتفتحين حلگج بكلمه وياي
شوفي هسه شكد تجاوزين
كتله من جنت ماافتح حلكي بكلمه على كولتك
شنو حصلت
رواد: ليش تحسسيني مدخلج تعذيب
لو كاتلج وسابج ومعذبج وحارگج
ولاعب بحالج لعب يابنت الناس ماسويت شي
حجيتلج كلشي ليش هالحقد كله مامتعلم عليج هيج
باوعتله كتله ماراح تحس بيه
لان مو انته انطعن بيك من اغلا شخص بكلبك
من الشخص الي تستند علي الشخص الي تاخذ قوتك منه مو انته الي سحبو اهله وسووله فحص حتى يشوفونه شنو بي مو انته الي هسه نايم هالنومه
وبراسك اوروام وماتدري نجحت العمليه لو لا
مو انته الي كل يوم تصبغ رموشك من الشيب
ولك انه يم امي ماا ابدل خلوني كدام غريبه
انزع ولك نضراتها الحقيره لهسه براسي
نضراتها الرخيصه الي لهسه اتذكرها
رجفه ايدي وفرفحه كلبي وانه محتاجتك لهسه
اتذكرها ماانساها للموت
اهلي الي شككو بشرفي بسببك كرهتهم
وكرهتك وكرهت الكل اذوني وانه لا يمهم
ولا بگرباهم
شوف صوابات امي لهسه نايمات بصفحتي
رفعت التشيرت وشوفته صفحتي الاثر
الوحيد الي ماراح بعد مرور وقت طويل بس ضل
معلم لان المكان حساس وسببلي هواي مشاكل
هالضربه قويه
