اصبحتُ ضعيف في أدق تفاصيلها.
الفَراشات تَحُط على يدَها ظناً منها أنها " زهره "
لا يهون علي حـَزنها في أشد لحظات الخصام أجدها بَجانبي كانت حياتي مَليئة بالأخطاء وأصبَحت هَي أول شيء صحيح
الڪاتبه ٱِٕيــآࢪ
aiar_21
روح: انتهت علاقتي بهاجس وكل يوم يدز رساله
تعبني شكد يلطش يييعع
دخلت على ستوري رواد ولكيته ناشر صوره
هاجس وكاتب على ألف ألف مبروك الخطوبه تستاهل
ضحكت متت من الضحك وادري جذب
بس عبالهم انقهر
دزيت لرواد مبروك
رد علي رواد الله يبارك بيج يوم الج
روح: شكراً
رواد: مامقهوره حبيبج خطب
روح: بتاتاً
رواد: شكد عميقه وماتبينين
روح: ههههههههههه يماا متتت
رواد: هاي من قهرج موو
روح: والله عايشين الدور
رواد:ترا هوا ماراد يخطب بس امه خطبتله هوا ماقابل
ضحكت ودزيتله ڤويس وگتله
مخطوبه وغصب يفلان خطبوني ورضيت انه ..
لبست الخاتم بايدي ويأيدي حيل زعلانه...
وضحكت ضحكه شطولها بحياتي ماضاحكه هيج
انه من النوع ضحكتي مابيها صوت بس جره
😂😂
رد علي هاي شنو ترا والله العظيم جاي احجي
هوا ماقابل يتزوج بس اهله واخوانه لاطشين علي
وهما اكبر منه ف مايكدر يسوي شي وزواجه بعد كم يوم حتى ماقبلو الخطوبه تطول
رديت علي بڤويس ثاني وانه مختنگه من الضحك
گتله
حددو يوم العرس والطيره محبوسه
يتصورون الاهل يسعدها بفلوسه
وفطست من الضحك
تفاجئ مني ودزلي ايموجي مصدوم وبعدين كال
صدك عجبتيني اكو وحده هيج حبيبها يخطب غيرها
وتضحك وتدگ مواويل وميته ضحك شبيججج
ماحجيت كتله كلشي مابيه بس صاحبك اثبتلي رجولته
عفته يدز ورحت سبحت وصليت الدنيا مغرب
استمرت علاقتي برواد كصديق لـ روح
وحبيب لـ زينه
طكت روحي ولازم اعترفله انه روح ماريد اكمل بهالجذبه اريد يحب روح مو زينه قررت احجيله وشنو يصير يصير
كتبتله جريده وحجيتله كلشي صار من بدايه معرفتي
بهاجس لهاي اللحضه
بقلم الڪاتبه ٱِٕيــآࢪ
@aiar_21
رواد: اجه هاجس وكالي رجعها الي جنت ب البصره وكتله ارجع ويصير خير
حتاريت شسوي وماريدها ترجعله ولا اريد اغدر بصاحبي
مرت الايام وانه اشتغل وروح تطلع واشوفها
ويفرفح كلبي عليها واضوج من اشوفها تحط مكياج
من تطلع ماريدها تتزين لغيري هيه ملكي انه
شسوي وين اخذها واشرد وين
خلص شغلي ورجعت للمثنى
تلگاني هاجس وتوسل حتى احجي وياها وارجعهم
كتله نشوفها اذا تحبك لو لا
كال خوش اهم شي ترجعلي
كتله انشرك خاطب ونشوف رده فعلها واذا ضاجت
لو بجت ارجعلها واذا لا تعوفها خلاص
كال خوش
وقررت اذا اشوف منها رده فعل تحبه اعوفها خلاص وادوس على كلبي ومااوصل يمها
