" روايه يقين فتاه"
"الفصل الثالث"
" عريس صالونات"
______________________
ف صباح اليوم التالي كانت تجلس مريم ف البلكونه تشرب بعض الشاي هي ووالدها قال الاب
- اي ي حبيبت بابا عايزه تسألي ع اي
- عايزه اسأل ع كل حاجه اسمه اي عنده كام سنه وبيشتغل اي وازاي هنخطب وهو مش هنا
- طيب براحه بس هو اسمه رامي من منطقه بعيده شويه عننا بس شاب كويس وأهله ناس محترمه جدا عرفه ام سعاد الي ف التالت يبقي ابن عمها هي الي عرفهم بكي يعني هو شغال ف السعوديه ف مطعم هناك وعنده خمسة وعشرين سنه وهتنخطبو ازاي انتي هتكلميه الاول فديو كول عجبك الوضع ماشي معجبكش خلاص
- طيب مين الي هيجي الليله
-ابوه وابن عمه وأخوه الصغير
-طيب ي بابا والكليه وهو احمد اخويا موافق
- الكليه انتي هتقولي عليها وافق ماشي موفقش خلاص وأحمد ايوه موافق بس برده الرأي الأخير ليكي
- طيب يا بابا الي فيه الخير يقدمه ربنا
بابا بااااابا
كان هذا صوت محمد
- اي ي محمد بتنادي كده ليه
- يلا عشان ناكل احمد جه اهو
- طيب جاي اهو
__________________
بعد وقت من ذلك كانت مريم تحدث شمس ونور كانت تخبرهم بأمر هذا الخاطب
قالت لها شمس
- ايوه ي بت وفقي عشان نلبس فساتين
قالت نور
- بس ي شمس بسي ي مريم انتي اقعدي الاول معاه اه صح مش هنا انتي كلميه الاول لو ارتحتي ماشي اصل مفيش سبب يخليكي ترفضي هو لو كويس وافقي انتي ولا بتحبي حد ولا حاجه ف وفقي
قالت مريم بعد صمت
- فعلا أنا هكلمه الاول لو كويس هوافق ويلا بقي باي اروح اشوف ماما عشان قولتكم تعالو انتو الي فقر
قالت شمس
- مينفعش احنا نجي النهارده يوم قراءه الفاتحه هنجي أن شاء الله
- خلاص ماشي يلا سلام
أغلقت الفتيات الهاتف من ثم ذهبت مريم الي والدتها وقالت
- اي ي ماما اي مساعده
- لا ي حبيبتي روحي انتي البسي خلاص المغرب هيأذن اهو
- طيب يا ماما رايحه بس البس اي
- البسي اي فستان
- فستان اي ي ماما من أمتي وانا بلبس فساتين انا هلبس بنطلون
- يلهوي بنطلون اي مريم البسي فستان مينفعش بنطلون
- ي ماما
قطعتها الأم وهي تقول
- امشي البسي الي قولت عليه
ذهبت مريم وهي تتذمر لا تريد أن تلبس فستان فهي لا تحب الفساتين تقول لا أعرف أن امشي بهم بتقعبل فيهم
____________________
أهلاً وسهلاً اتفضلوا
كانت هذه كلمات الحاج مدحت والد مريم كان يرحب بأهل العريس دلوف الي الداخل وبعد تحيات جلسوا وبعد قليل دلفت مريم ب الضيافه وكانت ترتدي فستان باللون الازرق الفاتح وطرحه بلون الابيض وقليل من مساحيق التجميل فكانت جميله جدا ابو العريس رحب بها ألقت عليهم السلام ثم خرجت وبعد حديث دام قرابه النصف ساعة انصرفوا أهل العريس دخلت مريم بعد أن بدلت ملابسها الي بنطال بيتي وبلوزه وصففت شعرها
قال الاب
- اي ي مريم اي رايك في العريس
- عريس مين ي بابا صلي على النبي كده هو انا شوفت عرسان لسه دا ابو العريس وأخو العريس
- اي ي بنتي براحه وبعدين الناس قالو أن هما موافقين فاضل بقي العريس لما يكلمك وانتي تكلميه وان ارتحتو لبعض خير وبركه
-......
قال محمد عندما لم يجد من مريم رد
- ي بابا عريس مين بنتك موافقه هي بس الي مش فاضيه ترد شوف شوف بتاكل الجاتوه ازاي
انفجرو جميعا ف الضحك ف مريم كانت تاكل الجاتوه وفمها ملطخ ب الشكولاته
- بتضحكو عليا طيب مش قاعده فيها وانصرفت الي غرفتها ولكنها لم تنسي أن تأخذ قطع الجاتوه معاها
ضحكوا عليها بشده
بينما هي ذهبت الي غرفتها وتحدثت مع نور وشمس تخبرهم بم حدث
____________________________
عند محمد
انهي عمله وكاد يذهب للمنزل ولكن رن هاتفه وكان صديقه يوسف
- اي يوسف عامل ايه
- الحمدلله ي باشا انت عامل ايه
- انا بخير الحمدلله اي ف حاجه ولا اي
- لا مفيش كنت قاعد انا و الواد مازن عندي ف البيت لو كنت فاضي تعالي اقعد شويه
- مش عارف والله انا لسه مخلص شغل هروح كده اغير ولو عرفت هبقي اجي
- طيب ماشي
- ماشي سلام
انهي المكالمه واغلق وثم صعد سيارته وذهب للبيت
لم يكن ف البيت سوا مرام سأل محمد وهو يبحث بعينه عن أبيه وأمه
- اي ي روما امال فين بابا وماما
- يوه ي محمد قولتلك بلاش روما دي عشان دا اسم مرات اخوك ماشي وبعدين ماما وبابا راحو عند صاحب بابا عشان مراته تعبانه راحو يزروها
- طيب يا اختي براحه وانتي بقي قاعده بتعملي اي كده
- ولا حاجه كنت قاعده بسمع التلفزيون تعالى اسمع معايا
- لا انا هطلع اغير وكنت هطلع اقعد مع يوسف ومازن بس مدام بابا وماما مش هنا بقي مش طالع
- ماشي هتاكل اخلي الداده تعمل الاكل ولا أي
- مش عارف والله ي مرام اقولك لا متعمليش حاجه مش جعان
انهي حديثه وهو يذهب من أمامها
دخل الي غرفته من ثم الي المرحاض لكي يستحم أخذ يفكر في هذه المريم التي رآها اليوم لماذا يفكر بها هكذا أخذا يسأل نفسه كثيرا ولا يعرف الاجابه
ابعد هذه الأفكار عنه ثم خرج وابدل ملابسه ونزل للاسفل عند مرام وجلس يشاهد معها التلفاز
________________________
دعواتكم ل اخواتنا ف فلسطين
البارت ده قصير معلش بقي عشان مكنتش هنزل أصلا عشان مشغوله اوي الايام دي بس كتبت ده بسرعه ونزلته
انا لسه ببين الشخصيات لسه الأحداث التقيله قدام بس عايزه دعم عشان اقدر استمرة ولو مش حلوه مش هكمل 🥺
دمتم سالمين ❤️
أنت تقرأ
يقين فتاه
Mystère / Thrillerابتسم ابتسامه هادئة ، وبنظرة هائمه قال بهدوء : - "حسناءُ في درب الهوى لاقيتُها تشكو إليّ من الحظوظ العاثرَةْ أعطيتها مفتاح قلبي مرةً لتقيمَ فيه ليلةً وتغادرَهْ لكنها مِن دون أن أدري بها كسرتْه ، وانفردتْ بقلبي الماكرَةْ" _______ ابتسمت بشرود وهي تري...
