مضجع الملاك

البارت الاول

#الكاتبه
مشتهي أبعد
عن شكو واحد أعرفه
وأشمر عظامي بوطن
مابي حبيب ولا صياح ولا ترابة
مشتهي الموت بغرابة

لكل قصه حب عواقب و مشاكل هواي بس الشاطر الي يكدر يتغلب عليها وما يستسلم ملاك بطله قصتنه بنت قسور وشامه الي قصه حبهم تحدت كل الصعوبات وكدرو يكونون عائله سعيده بس ماكو اي عائله سعيده خاليه من المشاكل ملاك بنيه هادئه رزنه وثكيله تدرس بكليه ******* هي ونسمه واحمد وملاك واخوها ضرغام بس كل واحد بقسم مختلف جانو مخلصين ايامهم طلعات و ونسه وضحك ملاك جانت انيقه جدا بحيث مو اي واحد يقترب منها معروفين بولد الشيوخ وبنات الشيخ البنات كلهم يغارون منها والولد يريدون يصارحونها بس يخافون من الي وياها الأولى تطلع كل سنه على القسم بحيث ابوها القسور رافع خشمه وراسه بيها وكل ال يشوفونها هي وضرغام عبالهم ضرغام اخوها الجبير مو هي لان مبينه مثل الطفله لا تحب المكياج الهوايه بسيطه وحلوة بكل شي دائما تشمر حجاب على رأسها متخلي شعرها يبين الي شعرها يوصل لخاصرتها متغطي كل شعرها من كدام بس تخلي الحجاب ومتخلي احد يشوف طوله إلى أن اجه هذاك اليوم المنحوس الي تغيرت بيه حياتهم بشكل لا يصدق بحيث الكل جان يحسدهم على لمتهم من يكعدون ويضحكون صارت حياتهم كابوس تغيرت ملاك من شخصيه إلى شخصيه ثانيه ذاك اليوم ملاك جانت طالعه ويه ضرغام واحمد ونسمه قررو يتعشون بره البيت بالطريق وكفو السياره بس شافو عيسى نزلو يسلمون عليه فجأة من كل مكان طلعو زلم الهم وسيارات صارو دائر مدائرهم وصاح ضرغام للبنات يفوتون بالسياره اتصل احمد بسرعه على ذو الفقار الأكبر ب عائلتهم وجان نازل بالبيت

ذو الفقار :ابن الخال شميت ريحتي راد للديره
أحمد :عزيز كلبي لحك علينه البنات ويانه احنه بالطريق العام وعيسى ويانه كبال الشط
ذو الفقار:ثواني يمكم شكوة
احمد :وليه مخانيث

سد ذو الفقار التليفون واتصل على كل ولد العائله والشيخ وطلعو بسرعه من البيوت مده عشر دقايق هم وصلو للمكان ضرغام بالكاع متروس دم وعيسى متصوب احمد خشمه مضروب وينزف ونسمه حاضنته تبجي نزل قسور من السياره يركض و وراه حسام وفاروق ومعاذ قسور وضرغام الصغير وكلهم الاسلحه بيدهم قسور مشه يباوع بالوجوه ركضت نسمه لحضن ابوها تشهك وترجف من الخوف وكال قسور والسلاح وكع من ايده وهو يمشي لضرغام وكال اله

قسور: وين... وينها حبيبه قلبي وين بنيتي لك ضرغام وين.. وين ملك
ضرغام :ما .. ما اعرف اخذوها ك.. كبالي

ضربه قسور راشدي ولزمه من ياخته وضربه بالسياره وهو يصيح فاقد اعصابه

قسور:لك اختك.. اختك كتلك بأمانتك انا كتلك هاي اختك يا خنيث اخذوها كبالك
عيسى :عمي شالو سلاح براسه خلوه
قسور :عسى ما طشرو مخه هذا شرفه الي اخذوه ولك خيتك