مضجع الملاك

البارت الثاني عشر

وصرتُ أكرهُ من كرهي لك البلدَ
فقدت نفسي لما صِرتُ أتبعها
فعظم الله اجري في الذي فُقدَ

الأشتر :هيج اطلعين
_ل.. لا
الأشتر :شنو هل ثوب
_ص.. صوتك
الأشتر :خلي يسمعون هيج ناويه اطلعين ملاااك لا تخبليني

صوته جان عالي خليت ايدي على حلكه حته بس يسكت دفعني على الحايط نضربت تأذيت وكلت اله

_ب. بس بنات و. والله ما اخلي احد والله يشوفني ت.. تعرف والله بس كبال البنات وكلت ل. ماما إذا طلعنه البس عبايه وحجاب محد

الأشتر :تغيرين الثوب هسه

_ما مشتريه شي والله

الأشتر :كتلج تغيرين

بس عله صوته نزلت دموعي لازم ايدي بقوه بسرعه ابتعد جنت منزله راسي وكتله

_بس صوتك راح.. راح اغيره

مشيت للكنتور سحبني من ايدي حظني ايده على خاصرتي بارده وكال

الأشتر :متخلين احد ياخذلج صوره بيه ولا تنشرين صوره جسمج طالع ولا ولد يشوف جسمج احركج حرك اذا عرفت احد شايفج بهل لبس سمعتي

_ي.. يعني ابقه

فرحت من صدك سحبني على الجربايه دفعني ردت اكوم وخله راسه يم ركبتي وتمدد وكتله بسرعه

_ش.. شدسوي
الأشتر :أش. عشر دقايق بس اريح عيني
_الب.. الباب..
الأشتر قفلته

اشو دقايق مرت وهذا غفى صدك يحجي جزء مني يكول ادفعه واسوي مشكله وجزء يكلي بقي بقيت صافنه على ملامحه وهدوئه وهو نايم بقيت احرك بأيدي بشعره مرت ساعه ونص ما تحركت لحد ما ندك الباب جانت عمه نوال فتح الأشتر عينه

نوال :حبيبي خلصتي النسوان كلهم يسألون عليج يله فدشويه نروح لنسمه

_أي.. شويه ثانيه وانزل مبقه.. مبقه شي

نوال :عفيه بنيتي

سحب الأشتر نفسه ردت اتحرك بس ايدي خدرت سحبني وكعدت باوع على الساعه وكال

الأشتر :ساعه ونص نمت ليش ما كعدتيني
_م.. ما اعرف نمت

ابتسم عرف بيه جذبت كمت بسرعه لزم ايدي وسحبني وكال

الأشتر :شنو الأثر يا أثر
_هيج ق.. قديم
الأشتر :خلي اساعدج كومي جيبي
_لاااا مايحتاج
الأشتر :كومي احسن ما اشك الثوب عليج يله