مضجع الملاك

البارت الرابع

#الكاتبه

- مؤلــٰٰــــٰم ان تعيــٰٰــــٰش فــٰٰــــٰي وجــٰٰــــٰع ولا تــٰٰــــٰدري متــٰٰــــٰى نهايتــٰٰــــٰه....

مر اسبوع كامل حياة ملاك بالكامل تحولت لفلم رعب مداوم كليه متطلع من غرفتها شكد حاول يحجي وياها أشتر بالموضوع متحجي  تخلص وكتها بغرفتها من تشوف ضرغام اخوها أدير وجهة منه من يتقرب منها تفز وتبتعد منه مرات يتصلون ب الأشتر حته يجي بالليل يلكونها نار مصخنه لو تكعد بنص الليل تبجي وتصيح من يتقرب ابوها وامها منها تبقه تصيح حته يتركونها وما يطخونها ما تلتزم بأدويتها من يكلولها شربي تشمرهم بالكاع وتكوللهم اني مو مخبله جانو كاعدين معاذ ونوال والأشتر و عيسى ودينا وشامه كامو البنات يسولفون يم ملاك كاعدين بالمطبخ ملاك تنظف الخضره وصافنه عليها بالها مو يمهم باوع قسور من بعيد على بنته ونزل راسه وكال

معاذ :راسك دومه مرفوع خويه احجي شبيك

قسور:رايدك بطلب

معاذ انت تكول وأنا انفذ حدر رجلك انا والولد

قسور:سندي وابن ابوي ما تقصر لا انت ولا ولدك ارجع انت ونوال والولد عيشو هنا وعيسى انا ابني اله جناح كامل هو ومرته وانت اختار الي تريده من الغرف و الأشتر ياخذ غرفتي الي يحبها كل ما ينزل من بغداد يجي هنا

ضحك معاذ وضرب ضهر قسور بقه يباوع عليه قسور وكال اله

قسور:انا بعازتك وياي محتاجين لمه بريوكنه وغدانه وسالفة منا منا الليل طويل وشامه يطك قلبها وحدها بدون نوال وانا اعتازك خويه

معاذ:نوال أم إشتر تعالي

صاح معاذ الها وكامت هي وشامه ودينا وملاك كامت تغسل ايدها بقت بالمطبخ كاعده لوحدها فاتو للغرفه مال استقبال وكالت

نوال :عيوني كول

معاذ :البارحه بالليل شطلبتي مني اكول لشامه وقسور حته اكلج شكال الشيخ

نوال :معاذ كتلك لا تحجي

معاذ :بس كولي

نوال :كتلك اريد ارجع اعيش ويه شامه بالبيت اختنك بوحدي من كلهم يطلعون اضل بوحدي

شامه :وانا كلت لقسور تجون يمنه حته اذا جم شهر اذا رضو الولد

معاذ :قسور يريد منه نرجع لبيت ابونه

الأشتر:عاد اني موافق وهيج اشبع من أكل العزيزه وابطل اكل امي انا راضي

نوال :اي سرسري تعلم على أكل بغداد ونسه اكلنه شوفي بعده يبدلني بيج