مضجع الملاك

البارت التاسع

الأشتر جان كاعد بصفه وعمو من الجهة الثانيه وبصف الأشتر ضرغام راد يكوم الأشتر بس لزم ايده ضرغام وكام وكال

ضرغام :اكعد مكاني وخليها هي تكعد بصف ابوي انا رايح اكعد بين عمتي وامي يدارني باللحم هنا ما الحك عليك

ضحك الأشتر وجان بين ثانية وثانيه يرفع عينه بس يشوفني يدير عينه وكفت مشيت لبابا تعثرت لزمني  الأشتر من ايدي سحبت ايدي بسرعه وكعدت يم بابا وضحكت بوجه

_هاي الي م.. مو
قسور:اي

لزمت ايده بستها واكلت من ايده ضحك وحظني واشوف الضحكه ترست وجه امي وكالت

نوال :اخ شكد جان نفسنه ببنيه

معاذ ىتذكرين من سوينه عيسى بنيه وردتي تزرفين اذنه وما خليتج يومها اسبوع زعلت عليه يابه يا بنت الناس عدلي بدلي ماكو قفلت فردنوب

العائلة تسولف ويضحكون على كل سوالف قديمه جنت وياهم مندمجه افكر بيني وبين نفسي  يعني ولا تصورت بيوم راح ارجع اشوفهم لو اكعد بينهم الي سواه فاضل بيه لحد هاي اللحظة اني كل ما اسمع صوت عالي كلبي يرجف اتذكر من ضرب طلقه ما اعرف منو تصوب من سحبني من حظن اخويه وهددني بيه باوعت على عيسى دنيا كاعده بصفه يوكلها بطنها كبرت لو صاير شي بيه بسببي قاطع تفكيري صوت ابويه وكال

قسور :عساكم ما ضايجين بهل بيت لو مخنوكين
عيسى :والله انا شفت كل الخير بهل بيت من رجعنه هنا وانا بعز الخير
دنيا :والله احب هل بيت تربيت بيه وبين الغوالي شون نتضايق
معاذ:هذا بيت امي وابوي وسندي شون اضوج
نوال :هل بيت صارت بيه قصص يابو قصص شون ننخنك بيه
شامه :والله ردت روحي بردتكم لهل بيت الله يرحمج عمه فيروزه وعمه صبيحه جن ذاك اليوم هنا كاعدات ويضحكن
الأشتر :الله يرحمهن عن اذنكم
قسور :بس ما اكلت
الأشتر :سفره دايمه

وكام لبس النعال وايده جانت على الحايط ساند نفسه بيها ومشى فوك لغرفته وابوي ضاج وكال

قسور :انا مو كتلج لا تحجين بيهم وهو هنا
شامه :مو بقصدي والله
معاذ :عوفوه هو يهداء ما يكدر يتحمل سيرتهم
نوال:جان يصيح الهن ماما واني نوال هن الي ربنه وفسدنه

ضحكو ابتسمت مرت نص ساعه ساعدتهم بالبيت والمواعين بس طردوني خطواتي مو ثابته لان اكلي قليل بست امي وابويه وصعدت لغرفتي سديت الباب فتت غسلت الليل كله اتكلب مكدرت انام الدنيا تمطر ورعد قوي من الخوف ما كدرت اغمض عيني دفنت راسي جوه المخده جسمي كله يوجعني وجع براسي الساعه ٣ الفجر غرفتي ضلمه بس على ضوه الحمام صوت المطر بره والهوة عالي بس حسيت صوت الباب نقفل قلبي وكف معقوله ماما بس متجي هيج وقت فاض.. ل نكطع نفسي تمدد جسم بصفي ردت اكوم سحبني خله ايده على حلكي عرفته من ريحته الأشتر فتحت عيني ردته بس يبتعد وجهة تعبان مبين من جان جوه ضربت صدره اكثر من مره واشر الي اسكت سحب ايده وكتله بعصبيه