مضجع الملاك

البآرت الحادي عشر

_لا.. لا مايحتاج شي منك تعبك ويايه كافي
الأشتر :لا شون المدللة مالتنه
_لا مايحتاج
قسور:روحي لج اخذي هديه منه اخذتي من الكل هسه مستحيه منه
ضرغام الصغير :حته مني اخذت

مشيت مبتسمه بالكوه خليت الورد على الطبله وكفت كباله طلع من سترته زنجيل كلاده بيها شهاب مد ايده تجمدت بمكاني لبسني الكلاده وكال وهو يهمس بأذاني

الاشتر:انتي مثل الشهاب كل ما اشوفج تحققين امنيه الي

ابتعد بأس راسي وضحك مستفز لدرجه راح يموتني وكال

الأشتر :دائما رافعه راسنه عفيه بالشاطره

بقلبي اريد اشمرها بوجهة بس ما كدرت كبالهم ابتسمت تشكرت منه كعدنه ناكل وعمو فاروق وحسام يحجون النه على قصصهم بالماضي شون اول لقاء الهم جانو أعداء بسبب مشكله اباوع على ماما ولا تغيرت نظرتها لبابا تباوع اله بكل حب عاشقته طلعنه الشباب كلنه ب الحديقه فارشين ونار شاعلين وكهوة كعدت بين دنيه و نسمه وكبالنه الوليد خليت ضهري على دنيه دفعتني وكالت

دنيه : بالكوه شايله الي ابطني نوب هسه انتي فوكايه
_شوكت يجي وافسده بدلالي
دنيه :لا عيني محد يربي غيري
_هسه اطلعي حيوان

ضحكنه وضربتني دفرت إلوليد برجلي سحب رجلي وصحت بيه واني اضحك اجه ضرغام يريد يوخره مني سحبني عظيته من ايده صاح بيه وضحكت سحبت تليفونه اكلب بالصور هو ونسمه واديناتهم واركض باوعت على ضرغام وعيبت اله نضربت ب الأشتر لزمني من ايدي سحب التليفون وانطاه لضرغام وضربني على راسي اذاني رجع الأشتر الضربه الي اقوه والتفت عليه ماتو من الضحك وضرغام مصدوم وكال

ضرغام : زين ليش
الاشتر:كتلك من هي قريبه مني لو كبالي ما أطول ايدك عليها مدام اني موجود
ضرغام :اشاقه وياها لهل كلبه عضتني
الأشتر :اي اعرف بيها مجلوبه

يلمح الي بشي وابتسم درت وجهي وباوعت على ضرغام وكتله

_هاااااا نسمه شفت صوركم مو عيب هااا احمد اختك اخويه لازم ايدها وماخذين صور حبجيه
ضرغام :لج لسانج
الوليد :انتي همين من تنخطبين هيج تسوين
_ايبااااخ اكسر ايده يمسني عشتو

تقرب ضرغام مني وصحت اله عو عو عود اعضه تفطرت عليهم وبس نضحك ابتعد الأشتر عني مشيت اكمز وضربت فنجس على ضهرها وكعدت بصفه اضحك وصاحت

نسمه :بس كلي ليش هيج مستغلتك شلازمه عليك
الوليد : تدلل عليه قابل شتلزم واني اي لوف هير ما أكدر اكسر بخاطرها
_اوووووي فدوه لهل وجه يو لوف مي اي لوف يو مور الله