مضجع الملاك

البارت العاشر

ملاك :حقير كلب ريت الله اخذ أمانته ذاك اليوم من شربت الحبوب وميته ولا اشوفك هيج هيج تذلني بعد ما ما عفتنه ونهزمت جاي.. جاي تحجي اكرهك ريت.. ريت الله ياخذني وارتاح منك

رفع ايده غمضت عينها وخلت ايدها على وجهة ونضرب ضهرها بالحايط كالت لا.. ضرب الحايط اكثر من مره لدرجه كسر الفرفوري بأيده وطلعت الدمايه من ايده خله راسه فوك راسها وياخذ نفس بالكوة ونسه أهلها واهلة وكال

الأشتر :بس خلي الزم هذاك الكواد وجهي.. ولج وجهي بعد تحلمين تشوفينه طول عمرج

يتنفس بسرعه ابتسمت بوجهة وعينها بنص عينه جانت عيونه دم صارت من العصبيه ورموشها منكعات بالدموع وكالت

ملاك :أح.. سن... روح

رخى ايده وبس مشه وكعت بالكاع طلع من البيت وما رجع للبيت اله وجه الفجر.... مر يومين قسور ميحجي ويه ملاك والبيت صاير عباره عن جحيم تخبل قسور من عرف بيها رايده تنتحر فهمهم ضرغام الي صار شامه ضغطها ما انخفظ وملاك متنزل ماتريد تشوف احد بس عرفت ابوها تخربط نزلت بسرعه ما منتبهة على خطواتها كل الي ابالها ابوها وكعت من الدرج وصارت وكعتها كبال الأشتر الي نفسه نكطع من شافها وكعت  سد ايده كل قوتها تريد تكوم متكدر تسمع امها تحجي ويه قسور وتبجي متكدر توكف على رجلها ايدها على خاصرتها مكدر يتجاهل الموقف شكد كارهة وميريد يتقرب منها بس مشه و ساعدها خله ايده وره ضهرها  ولزم ايدها ضغطت على ايده كل قوتها وكفها بالكوه تاخذ نفس مشت فاتت لأبوها بس شافها دار وجهة كامت تبجي محد بالبيت يحجي وياها حته امها زعلانه منها لزمت ايد ابوها كامت تبجي سحب ايده وكالت

. ملاك :والله مو.. مو قصدي اشرب الدوه
وليد :عمو صحتك مو تمام
قسور :الله ياخذ روحي وارتاح

كلهم سمو باسم الله غصت ملاك ببجيها وكامت شافت الأشتر منزل راسه وكالت

ملاك :احجي وياه يحبك
الأشتر :بس تعرفين الدنيا بجفه وانتي بجفه
ملاك :ا.. أس.. اسفه والنبي ما اعيدها ما أتجاوز ولا أقل أدبي وياك... شوف.. شوف الي تريده اب.. ابطن عيني حقك.. حقك على راسي لا.. لا تزعل مني.. صح.. جنت ز.. زعطوطه بس.. بس والله.. وداعه ابويه ما اضوج اي.. اي احد بالبيت وامشي... امشي مثل متريدون

شهكت بالكوه تاخذ نفس خله الأشتر ايده على رأسها وابتسم الكل صافنين عليهم لزم ايدها وسحبها ل ابوها وخله كلاص المي بيدها و الدوه بأيده شرب الدوه ولزم ايد ملاك وشرب المي وباس ايدها ابتسمت وباست ايده وراسه وشبكته كل قوتها وطلعت وره منام تعبان كلش جان مشت وسدو الباب مشت شامه جانت عصبيه وكالت