مضجع الملاك

البارت الرابع عشر

#ملاك

اليوم جايين يتقدمون الي لبست ثوب رصاصي ولفيت حجابي الزهري شويه مكياج بسيط وعطري ومصبغه اظافيري ونزلت اسوي الكهوة البيت كله مراضي بالقسمه بس والله الا اندمه على اليوم الي حجه هل شي وعينه بعيني هاي نوال عمتي جانت تغسل ب الفناجين وعيونها تصب دمع سويت نفسي ما اشوف طلعتها دينا وبقت مبتسمه سويت الكهوة وفتت اقدم الهم كلهم موجودين جانو قدمت الكهوة من صرت يم ابراهيم ابتسم واني ابتسمت ابتسامه مجامله وبقو يحجون على المقدم والمؤخر وشنو البيت واكعد ودراستي وإبراهيم كال يدللني دلال بقيت ساكته ما حجيت لحد ما أبو إبراهيم اسمه فواز كال

فواز :بويه ما سمعنه صوتج رايده شي غير الي كاله ابوج واخوج
_لا عمو سلامه كلبكم بالنهايه مشترين رجال احنه
قسور :مثل ما كالت بنتي المعدله ما طول هيج خلي نقره الفاتحه

فز كلشي بيه هاي راح تنقري الفاتحه على روحي اني والاشتر وبنفس الثانيه رفعنا رأسنه وصارت عيني بعينه الأشتر جانن عيونه دم صايرات باوعت على كصته الدمارات برزت ومن يم ركبته وكال عمي

معاذ :خويه بعد ليش الاستعجال ميخالف انطوهم وقت يفكرون

قسور:البنيه موافقه و الشروط تنفذت والولد رايد بنيتي
ليش نتأخر

ابراهيم :ما الكه مثلها وعيني عليها من اول يوم بالجامعه

بقيت اباوع على الأشتر دار وجهة نزلت راسي وابتسمت والكل رفع ايده وقرو الفاتحه على روحي وشربو العصير لا امي ولا نوال ولا احد من البيت هلهلو بس ام إبراهيم واخته شمس الي ما شالت عينها من الأشتر لكيت ابويه يباوع عليه لان صافنه على شمس ابتسمت وكلشي تصورت يصير بيه وبحياتي بس مال ابويه هيج يسوي ما صدكت وكال

قسور : شموسه بنيتنه شمخلصه
فواز :هندسه حاسبات
قسور :ماشاء الله ماشاء الله مبينه معدله شنو ام اشتر ابو أشتر نختارها لوليدنه أشتر

محد حجه نزلو روسهم اله اني صافنه على الأشتر وجان يكول

الأشتر :البنيه مرتبه عمي والي تكوله اني حاظر اذا ما عدها اعتراض البنيه

رجعو قرو الفاتحه مره ثانيه على روحي ضرغام كاعد بصفي ما حسيت بيه بس طاخني التفت عليه مبتسمه أشر بعينه على أيدي التفت لازمه ايده واظافيري فايته بلحم ايده ابتسمت وضحكت بقهره ونكطع نفسي ورفعت ايده ابوسها مقبل سحبها وباس راسي مرت فتره راحو جنت بغرفتي امي ما تحجي وياي ولا عمتي نوال البيت عبالك بيه فاتحه جنت لابسه ثوب ردان وطويل بقيت شعري مفتوح مسحت المكياج اجاني اشعار على التليفون فنجس جان متصل بيه 150 مره من اول البارحه لليوم وماجاوبته اعرف راح يرزلني بس ما الي خلك احجي ويه احد لان راح انفجر حددو الخطوبه بعد اسبوع والي وراه عرس بهل سرعه رادو كلشي يصير بسرعه جان اكو اشعار على الفيس حدث الأشتر معاذ حالته الشخصيه ايدي ترجف فتحت الفيس تم الارتباط كل من الأشتر و شموسه فواز التعليقات من اول ثواني صعدت فوك ال ميه تعليق نصها لا تجذب اشتر شوكت معقوله لا اشتر راح تكسر قلب حبيبتك ومعجباتك سديت الباب ندفر الباب فزيت والتفت وما اشوف بس الوليد كبالي عيونه دم صايره ابتسمت واشوف امي تهدي بيه وعمتي نوال صعد ضرغام اخويه وصاح بعصبيه