All-Time Favorite: I'm Crazy For You

Six

"Tita?" manghang usal ni Leandro. "Did she just call you 'tita'?"

"Hindi ka naman siguro bingi, Leandro," sarkastikong sagot ni Mrs. Villarica. Tumayo na rin ito at sinundan si Maxine. Pero nag-iwan muna ng salita sa kanya. "Kung ako sa iyo ay sasanayin ko na ang sarili kong manatili rito si Maxine at si Angeline, na 'tita' ang tawag sa akin ni Maxine."

He groaned. "Hindi akin ang batang iyan!" pahabol niya. Umabot sa pandinig niya ang tawa ng ina bilang sagot sa sinabi niyang iyon.

"Oh, women," he spat the word in disgust. "Ano ba'ng ginawa ko para parusahan ako nang ganito?" Naging mabuti naman siyang tao buong buhay niya. He did not take any drugs. Hindi rin naman siya lasenggo. Mabuti siyang anak. Nang mamatay ang papa niya ay inalagaan niya ang ina. Mabuti rin siyang kaibigan.

At hindi rin naman niya nakakalimutang mag-donate sa mga charities. At isa pa, he practiced safe sex, for crying out loud!

"Believe me, marami akong alam na tao na binigo ng condom." umulit sa isip niya ang sinabing iyon ni Maxine. Hell, yeah, that could be true. Ngunit natitiyak niyang hindi siya isa sa mga sinawimpalad na iyon.

"And yes, sasanayin ko ang sarili kong nakikita rito si Maxine. Fine..." tila lokong kausap at sang-ayon ni Leandro sa sarili. Pero hindi dahil sa batang ipinagpipilitan nitong kanya. Kundi sa ibang dahilan, sa dahilang pabor sa kanya. Gusto niyang bigyang-kasiyahan ang sariling pagnanasa rito.

"Hah! How I'd love to see those haughty eyes begging me to take her... to fill her..." He reigned his thoughts. Pinagsisikip lang niyon ang pantalon niya.

Mayamaya'y narinig niya ang pagbaba ni Maxine. "Hush, darling. I know you're wet..." Huminto ito sa tapat niya. "Where's Tita Angelina?"

"She followed you upstairs, didn't she?" he snapped, itinulak ang pinggan sa gitna ng mesa. Mukhang wala nang gustong magtapos ng pagkain.

"Hindi ko alam kung saan inilagay ni Tita iyong ipinabili niyang diapers sa katulong kahapon. Sa silid kasi niya natulog si Angeline kagabi." Yumuko ito at iniabot sa kanya ang bata sa pagkabigla niya. "Hawakan mo nga muna ang anak mo at baka nasa silid ni Tita Angelina ang mga diaper."

Nanlalaki ang mga matang napatingala siya kay Maxine nang mapilitan siyang abutin ang bata. "Dammit, paano ko—"

"Hindi nangangagat si Angeline," wika nito at tumalikod.

"Wait!" he called her in horror. Pinaglipat-lipat ang tingin sa palabas na si Maxine at sa sanggol na hawak niya na hindi niya malaman kung paano iaayos sa mga bisig. Kinakabahan siyang mabitiwan ang sanggol.

Leandro pressed his lips together. Two big brown eyes stared at him. Tila kinikilala kung sino ang may hawak dito.

"Oh, sure, you have brown eyes just like mine," he said sarcastically. "Tsk... tsk. Sorry to tell you, kiddo, but I am not your daddy! Kahit pa ipagpilitan iyan ng nanay-nanayan mo!"

Napalakas yata ang tinig niya, ngumiwi ang bata at pagkatapos ay isang malakas na palahaw ang pinakawalan.

Nanlaki ang mga mata ni Leandro. Napatayo sa kinauupuan. "Oh, no! Hush! Baka isipin ng mama at ni Maxine na inaano kita..."

Lalo pang pumalahaw ng iyak ang bata dahil mas lumakas ang tinig niya sa katarantahan. Ipinaghele niya ang bata sa mga bisig, rocking the baby not too gently.

"Hush... hush. Hindi ako galit sa iyo, sweetheart, promise. Galit lang ako sa nangyayari, pero hindi sa iyo..." Sa pagkakataong iyon ay malumanay na ang boses niya.