السادس
💟💟💟💟💟💟💟💟💟💟💟💟💟💟
"تساقط أوراق الشجر في فصل الخريف هو منظر حزين من وجهة نظر العالم لكن من وجهة نظر الشجرة نفسها هو شجاعة التغيير و الإخضرار من جديد."
************************************
عند مازن جده وصل البيت وهو قلقان جدا علي مازن
كمال لخديجة ووليد..... في ايه حد زعل مازن في حاجه
خديجة بصت لوليد نظره لوم ولكن كمال اخده باله. ...... لا يا بابا مفيش حاجه هو عايز يغير جو وكمان يشوف جده وجدته فاطمة
كمال مش مصدق...... ماشي هو فين وفين العيال علشان اسلم عليهم
خديجة..... هروح اجيبهم واجي
راحت خديجه وكمال نظر الي وليد وقال..... عملت له ايه يا وليد
وليد بهدوء..... ولا حاجه كل ده علشان رفضت انه يتفق علي حاجه من ورايا وكمان كان عايز يقعد هو وصاحبه في الارض وقولتله لا
كمال بعدم تصديق....... مش معقول
وليد..... حضرتك ممكن تسأله
كمال بهدوء...... هسأله
مازن نزل ومعه شنطة هدومه كلها وده يدل انه مش راجع هنا تاني كمال متكلمش وخديجة جابت فادي وملك اللي سلموا علي جدهم وملك حضنت مازن وهي بتعيطت وبتقوله..... هتوحشني يا مازن
مازن وهو بيمسك دموعه..... ابقي تعالي شوفني وانا هتصل بيكي كل يوم
ملك حضنته اوي وقالت.... خد بالك. من نفسك
فادي كمان حضن اخوه ومازن خده بل الحضن وقال..... هتوحشني يا فادي
فادي ببراءة..... خلاص متمسيس (متمشيش)
مازن..... معلش بقي هبقي اكلمك يلا باي
مازن حضن مامته اللي بتبكي وحزينه وقال...... مع السلامه يا ماما
خديجة حضنت وقالت ببكاء .... خد بالك من نفسك يا حبيبي
مازن.... حاضر
ومازن نظر لجده وقال...... يلا
كمال اخد باله انه مسلمش علي وليد ولا وجه ليه اي كلام
كمال..... يلا يا حبيبي
مازن اخد شنطته وجده شالها عنه وقال..... هات تقيله عليك اوعي انا هشيلها
كمال اخد الشنطة وركبوا العربية وكمال بعد ما مشي حاولي ساعتين وقف في استراحة وقاله انزل يا مازن
مازن نزل ودخلوا كافية و قاعدوا وكمال طلب اكل
كمال بهدوء..... قولي بقي وليد عملك ايه
مازن سكت ومش عايز يتكلم
كمال بهدوء طبطب علي ايده وقال...... يلا يا حبيبي قولي في ايه
مازن.... حضرتك. مش. عايزني اقعد عندك وديني عند جده حسن
كمال بهدوء....... بقي كده. يا مازن بقي انا مش عايزك تقعد عندي اخص عليك انا اشيلك جوه قلبي يا مازن بس عايز اعرف وليد عملك ايه بظبط
مازن اخد نفس وقال...... من يوم ما ماما اتجوزت قعدت سنتين كويس والمعامله كانت كويسة بعد السنتين ابتدأ المعاملة تتغير بقي كل حاجه يقولي. لا يزعق ليا علي الفاضية و المليانه كل ما اجاي اعمل اي حاجة بحبها يزعقلي ويقولي قوم ذاكر رغم انه بيعامل ملك كويس جدا مش عارف ليه انا بذات بيعاملني كده ولما يخرجنا يجيب اكل هو عارف ان انا مش بحبه ومش باكله ولما ماما تطلب ليا اكل تاني يقولها مش هينفع الميزانيه اللي معايا متكفيش
ومكلش وهو مكنش بيفرق معه لغاية حكاية الارض كنت انا وصحبي بنتكلم وقولنا خلاص نقعد في الارض نلعب شوية مفيهاش مشكله قولت لماما قالت قوله قولتله قالي لا قولته انا وهو اتفقنا علي اننا نتقابل ونقعد في الارض لكن زعقلي جامد وقالي ازاي تتفق علي حاجه من غير ما تقولي زعقلي وقت الغذاء ومكلتش وطلعت اوضتي وفكرت اني اجاي اقعد عندك يا جده وكلمتك ونزلت عرفتهم علشان احطهم في الامر الواقع ومحدش منهم يقولي لا لكن زعقلي وقالي لا وقال انه هيكلمك متاخدنيش وبعدين لما اعترضت و قولتله مش من حقه ياخد قرار نيابةً عني ضربني بل القلم انا يا جده مش عايز اروح هناك تاني انا عايز اقعد بعيد عنه
كمال طبطب علي ايده وقال....... اللي يريحك يا حبيبي انا اللي يهمني راحتك بس مقولتش ليه من الاول كنت و قفتله و اخدتك عندي من بدري
مازن ابتسم...... اهو اللي حصل
الجرسون جاب الاكل وهما ابتدأ ياكلوا
وبعدين. خلصوا اكل واخده بعض وركبوا العربيه و راجعين علي القاهرة
😢😢😢😢😢😢😢😢😢😢😢😢😢😢
عند قاسم كان في الاوضة الخاصة بيه وكانت تقي تعدل له الكرافته وهو ينظر لها ويبتسم ويقول...... مش تبطلي الحنيه الزيادة اللي عندك دي بتخليني احبك كمان وكمان
تقي ابتسمت بدلع وقالت...... ودي حاجه وحشة يا قلبي ❤ ما ده كويس تفضل تحبني تحبني و ما تشوفش غيري
قاسم حاوط خصرها بذراعيه وقال...... يعني انا يبقي معايا القمر وابص للنجوم بقي ده معقول انتي حبيبتي وام عيالي يوم ما عيني تعجبها واحده تانية غيرك اشيلها و ارميها
تقي حضنته وقالت..... بحبك ❤ اوي يا قاسم ومش هقدر ابدا علي بعدك
قاسم رافع راسها وقبلها قبل شديدة الحرارة وهي بدلته بشتياق وقال..... انا كده هتأخر علي الشغل يا بيبي استنيني ها متنميش باي
تقي ابتسمت بدلع...... باي يا قلبي هستناك
قاسم خرج وراح علي شركته وكان في الوقت ده مالك وقمر بيتخنقوا
مالك بعصبية..... ما تحترمي نفسك يا زفته انتي هو انتي ايه مفيش حد يلمك
قمر ردحت..... ليه يا حبيبي شايفني مبعتره
مالك ولاول مره ياخد باله من اسلوبها البيئة ..... انتي مفكره نفسك قاعدة في الشارع يا بت انتي انتي مجنونه ولا ايه
قمر..... شارع شركة مش فارقة معايا غير اني اربي اشكلك اللي اهلك باين مكنوش فاضين يربوك
مالك اتصدم..... وقال...... انا اهلي مربيني غصب عن عين التخين وانتي من دلوقتي اعتبري نفسك ملكيش شغل هنا
قمر بردح زيادة...... وانت مين يا عنيا علشان تقول مين يقعد ومين يمشي يلا انت حته واحد لا راح ولا جه وبعد كده ابقي احترم نفسك علشان انت مش قدي
قاسم دخل علي خناقهم وقال بصدمة...... في ايه اللي بيحصل هنا ده
قمر ببكاء مزيف....... شوفت يا قاسم بيه بيتحرش بيا وبيطردني من الشغل علشان ابن صاحب الشركة
قاسم بصدمة نظر لقاسم اللي نظر بصدمة وقال...انا عملت كده.
قاسم بحزم..... تعالوا انتوا الاتنين علي مكتبي فوراً
التلاته دخلوا المكتب
قاسم بجدية...... الكلام اللي هي بتقوله ده صح
مالك بحزن..... لا مش صح مجتش جنبها انا بس كنت بقولها هتي الملف بتاع الشركة الالمانية اللي حضرتك قولتلي راجعها ولو فيها اخطاء قولي يادوبك بقولها هتي الملف يا قمر وهي جابت الملف ورامته في وشي
قمر بخوف حاولت تقاطعه لكن قاسم نظر لها نظره بمعني. اسكتي
قاسم بجدية..... كمل
مالك. بحزن....... فزعقتلها علي الاسلوب ده لقيتها لمت الشركة كلها عليا وقعدت تردحلي وانا معملتش حاجه ولو حضرتك مش مصدقني الكاميرات موجودة حضرتك ممكن تشوفها
قاسم..... انا مصدقك يا مالك بس هشوف الكاميرا علشان لما تخرج بره تكون انت علي صدق ويكون في دليل قوي يدينها
قاسم فتح الكاميرا وشافها فعلا وهي بتعمل كده وبتعامله. بإسلوب وحش جدا جدا قفل الفيديو وقال... عملتي ليه كده
قمر بغل....... لانه حته واد ملوش اي تلاته لازمه وقت ما يحب يجي يشتغل جبته هنا وهو لسه متخرجش وانا لما جبت اخويا رفضته وقولتوا مش. بتاخدوا غير اللي مخلص كلية ومعه شهادة خبرا وهو ده كان معه اه انا بكرهه ومغلوله منه وعملت كده علشان اسوء سمعته في الشركة مش اكتر
قاسم بجدية..... انزلي خدي بقيت حسابك من الحسابات واتفضلي مع السلامه.
خرجت قمر بغل
اما مالك كان حزين جدا بسبب اللي حصل وانه مكنش شايف اسلوبها ده هو اعجب بيها وبشكلها وكان باين ان شكلها هادي غير اللي شافه مش عارف حبها ولا لاء بس حزين بسبب اللي حصل
قاسم.... اقعد يا مالك
مالك قعد بحزن
قاسم..... شوف يا مالك البت دي متنفعكش لانها غيرك غير اسلوبك شخصيتك بيئتك ممكن تكون اعجبت بشكلها بس لكن محبتهاش شوف مستقبلك وانت لسه ياما هتشوف فاهم يا حبيبي يلا روح علي شغلك
مالك..... معلش ممكن اروح انهاردة
قاسم محبش يضغط عليه..... ماشي يا مالك. بس انهاردة بس
مالك...... انهارده بس بعد اذنك
خرج مالك وهو حزين وكان قاسم حزين عليه
😢😢😢😢😢😢😢😢😢😢😢😢😢😢
عند مني كانت حاسة انه متغير معها ومش. طبيعي
حتي الصبح لما خرج الشغل كان سرحان
وهي حاسة ان جوزها عارف حد
😢😢😢😢😢😢😢😢😢😢😢😢😢😢
اما عند ادهم في البنك كان مستني جميلة تدخل المكتب عليه كالعادة ولكن مفيش حد راح علي المكتب بتاعها لقها غايبة اضايق جدا و فكر يتصل بيها لكن مقدرش هيقول ايه اصلا
راح اخد اذن وخرج وهو مضايق وراح عن صاحبه في البيت
مرات احمد..... ادهم اهلا وسهلا اتفضل
ادهم..... احمد موجود
سهيلة...... موجود طبعا اتفضل
ادهم دخل وهي قالت لجوزها اللي خرج
...دومي عامل ايه
ادهم بهم..... الحمدلله
سهيلة. .... طيب اسيبكم علي راحتكم. تشرب ايه يا ادهم
ادهم..... تسلم ايدك شكرا
احمد.... ايه ياعم انت مكسوف ولا ايه بقولك ايه عملنا اتنين قهوه مظبوط واعملي الاكل علشان ادهم. يتغداء انهارده معايا
ادهم هيعترض لكن احمد سبقه..... بقولك ايه هتاكل يعني هتاكل يلا تعالي علي البلكونه
احمد شايف ادهم متغير..... انت متخانق مع مني
ادهم...... لا
احمد..... امال مالك مضايق ليه كده
ادهم قال اللي صدمة..... انا بحب يا احمد
احمد بصدمه..... نعم
انهاردة حلقتنا انتهت اتمني عمل لايك وكومنت لطيف
ياتري ايه اللي هيحصل في حكاية ادهم وايه رد احمد عليه
وايه رد فعل مني لو عرفت ان جوزها بيحب واحده غيرها.
وايه اللي هيحصل مع مالك.
وهل تصرف قمر صح ولا لاء
وتصرف مازن صح ولا لاء
اتمني تقولوا رايكم وتوقعتكم في التعليقات
