الحب الخاطئ الحلقة 29
❤❤❤❤❤❤❤❤❤❤❤❤❤❤
أعظم مشروع تجاهد من أجله يومياً هو إصلاح نفسك و تأديبها وليس الانشغال بعيوب الأخرين وأفعالهم❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
عند محمد من ساعة ما ساب البيت ومشي مرجعش بقاله اسبوع بايت بره
نوال ببكاء..... خلاص هكلم اختي واقولها ان احنا اتكلمنا من غير ما ناخد راي محمد وهو مش موافق وعايز واحدة تانية علشان اخلص
سامي بحزن... هنصغر نفسنا قصادهم
نوال بعتاب لنفسها وليه...... احنا غلطنا يا سامي لما خدنا خطوة زي دي من غير ما يعرف ولازم نتحمل نتيجة غلطنا انا هقوم اروح ليها
سامي.... ماشي
وفعلا نوال جهزت وخرجت عند اختها سماح
وخبطت الباب وهي مكسوفة جدا سماح فتحت الباب وقالت.... اهلا وسهلا يا حبيبتي برن عليكي مش بتردي ليه
نوال بإحراج.... معلش مشاغل
سماح... اقعدي
نزال قعدت وهي مكسوفة واتكلمت بتردد
نوال بتردد..... اانا يعني يا اختي الاول مش عايزكي تزعلي مني
سماح..... ربنا ما يجيب زعل في ايه
نوال بكسوف..... بصراحة لما جينا نطلب ايد مها مكنتش قولت لمحمد ولا خدت رايه وهو بيعتبرها زي اخته وبيحب واحده تانية
سماح اضيقت من الموقف.... ولا يهمك يا حبيبتي بس كان الاولي انك تعرفيه انتي وسامي قبل ما نتكلم في حاجه زي دي. انا مش. زعلانة علي فكره حقه انه يختار شريكة حياته انا زعلانه من الموقف مش اكتر المهم تشربي ايه
نوال بدموع.... معلشي حقك عليا من فوق انا اسفة انا معترفة بغلطتي
سماح ضحكت..... مفيش. حاجه يا هبلة يلا هروح. اعمل كوبيتين شاي وهنقعد نتكلم شوية وفكي كده مكنش موضوع محصلش اصلا والحمدلله اني مكنتش لسه قولت لجوزي
نوال.... الا انتي مقولتلوش ليه
سماح.. قولت لما تقولوا معاد الاول وبعدين اتكلم اصله لو عرف مش هتدخل بيتك تاني
نوال... ليه علي كويس انك لسه مقولتلوش
سماح.... الحمدلله هروح اعمل الشاي
نوال..... اتفضلي يا حبيبتي
وراحت تعمل الشاي ونسبهم
❤❤❤❤❤❤❤❤❤❤❤❤❤❤
في اوضه ريتاج كانت مصدومه من اللي اختها بتقوله
ريتاج بصدمة..... انتي بتقولي ايه يا مجنونه
رحمة ببرود..... بقولك الي سمعتيه
ريتاج بصدمة..... انتي عرفتي منين
رحمة ابتدت تحكي وفي غصه في صوتها..... فاكره لما بابا سافر من ست سنين
كنت واقتها عندي 9 سنين كنت صغيرة ومكناش لسه جينا البيت هنا عند تيته ساعة ما كنا في شقة بره
وقتها انتي كنتي بايته عند تيته وانا مردتش اروح معاكي وقعدت العب في البيت ماما كنت مصره تنايمني غصب عني استغربت وعملت نفسي نايمة علشان خاطر اخضها وقولها اني لسه منمتش وفعلا ربع ساعة عدت بس نمت غصب عني بعديها بساعة صحيت وخرجت بره وسمعت صوت راجل جاي من اوضة نوم امي وبصيت من عين الباب بتاع الكالون وشفتها مع راجل غريب غير ابويا وقتها اتصدمت ودخلت اوضتي بسرعة وانا مرعوبة جدا وفضلت بعيده تنها وكل سنه كنت بكبرها كان كرهي بيزيد لها وعيطت..... لان بابا عمره ما عملها حاجة وحشة ولا زعلها وكنت بسمعها بتكلمه كل يوم بعد ما بننام وبتفكر انها نيميتني بس انا مكنتش بنام علشان كرهي ليها يكتر اكتر من كده
لغاية ما فيوم اضيقت جدا وروحت وجهتها وقولتلها.
انا عرفت كل حاجه وشفت الراجل الغريب اللي جه هنا ولو مبطلتيش اللي بتعمليه ده هقول لبابا
يوميها ضربتني ضرب يوم ما كنتي بتحوشي عني. وانتي مش عارفه في ايه
وقالتلي لو اتكلمتي هحرقك وفعلا حرقتني بصي في دراعي من ورفعت كم البلوزة وشافت حرقة شديدة دي لما حاولت اقول لتيته
ونزلت الحزام عليا مكنتش عارفه من اي ام مصنوعة الست دي بجد كنت مش مصدقة نهائي ودلوقتي ابوكي اكتشف خيانتها بس ميعرفش انها جبته بيتها وانها عملت حاجه معه مفكر مجرد كلام لان سمعت هما قالوا ايه
ريتاج عيطت وبصدمة.... ماما تعمل كده مش قدرة اصدق
رحمة بهدوء..... اول ما بابا يجيب شقة انا هقعد معه فيها مش هقعد هنا
ريتاج بإصرار.... وانا معاكي
😢😢😢😢😢😢😢😢😢😢😢😢😢😢
هل في ام بتكون بجاحة اوي كده. بنتك كشفتك وانتي ضربتها وهديتيها انها لو اتكلمت هتحرقيها
قد ايه سهيلة طلعت سيئة
😢😢😢😢😢😢😢😢😢😢😢😢😢😢
سهيلة كانت في اوضتها وهي بتعيط وبدموع عنيها كانت بتقول.... ندمت يا احمد سامحني انا اسفة مقصدش ارجوك سامحني مكنتش عارفة عملت كده ليه سامحني يا أحمد وللهي بحبك وقالت انا لازم اروح. اتكلم معه انا بحبه وللهي سامحني يارب سامحني وخليه يا سامحني.
وقامت لبست بسرعة وعرفت عنوانه من مامته ونزلت راحت الاوتيل وكانت واخده قسيمة الجواز
وراحت وسألت عليه
الاستقبال.... مع الاسف هو خرج حاليا ومش عارف هيرجع امتي
سهيلة.... انا مراته ودي قسيمة الجواز ممكن استني في اوضته لغاية ما يجي
الموظف... شاف. القسيمة
هبعت لحضرتك حد يفتح الغرفة عبدالله
عبدالله.. ايوه
الموظف.... خد المدام علي اوضة 602 اوضة الاستاذ احمد حمادة هو مش موجود افتح الاوضة ودخل المدام
سهيلة.... شكرا
وفعلا فتحولها الاوضة ودخلت لقيته اشتري كام طقم يغير فيهم مسكت القميص وهي ببتبكي وتشم ريحته وحضنته وقالت..... وحشتني جدا يا احمد وحشتني ونامت علي السرير والنوم غلبها من التعب والعياط
واحمد بعد ساعتين دخل ومحدش من الاستقبال قاله حاجة بناء علي رغبة سهيلة
دخل لقها نايمة علي السرير اتصدم وقال..... سهيله سهيله
سهيلة فتحت عنيها وقالت.... احمد انت جيت
احمد بهدوء...... انتي بتعملي ايه هنا وعرفتي مكاني منين ريتاج قالتلك صح
سهيلة بدموع... لا عرفته من ماما امل احمد عايزة اتكلم معاك شوية
احمد... اتكلمي
سهيلة مسكت ايده وهو بعدها عنه بهدوء
سهيلة ببكاء شديد.... انا ندمانه علي اللي عملته وغلطانه وعارفة اني استحق اوحش حاجه بس والنبي سامحيني انا وللهي عرفت اقيمتك وعرفت قد ايه بحبك ومش قادرة اعيش من غيرك ونزلت علي رجليه مسكتها طب بس رجعني ولو عايز تتجوز عليا اتجوز مش هتكلم علي حد ولا هقعد مع الجيران اي حاجه عايزها هعملهالك صدقني يااحمد
احمد بقي في موقف يحسد عليه نزل علي ركبته قصادها وحضنها وحاول يهديها وطبطب علي ظهرها بهدوء. اهدي يا سهيلة سيبني افكر وهرد عليكي
سهيلة بصتله بإمل.... هترد عليا يعني في فرصة
احمد بهدوء...... بس عايز اسألك سؤال انتي حصل ما بينك وبينه علاقة
سهيلة ونزلت راسها الارض ومقدرتش تتكلم وهو فهم ده بعد وقال.... امشي دلوقتي
سهيلة دموعها نزلت وقامت ماشية وهو فضل مكانه علي الارض مصدوم
وبعد نصف ساعه خرج من الاوتيل وراح جامع محدش يعرفه فيه و شاف الشيخ قاعد علي الارض
احمد... السلام عليكم
الشيخ..... وعليكم السلام ورحمة الله وبركاته اهلا يا يابني
احمد بتردد..... بصراحه كنت عايز حضرتك في موضوع وتقولي اعمل ايه
الشيخ... اتكلم واعرف ان اي كلمة هتقولها مش هتخرج. بره
احمد..... بصراحة انا متجوز من 18 سنه ومراتي كانت دايما تقارن بيا وبين اخويا علشان معه فلوس وشغله حلو وانا كنت لسه علي قدي ومش. معايا اي راس مال ابدا بيه عرضت عليا اني اسافر اي دوله عربية اشتغل فيها استلفت فلوس وعملت الباسبور
وكان واقتها عندي بنتين اقل واحده فيهم كان عندها 9 والتانية كانت 11
قعدت ست سنين هناك ولما رجعت كان معايا راس مال اعمل مشروع ليا خاص وفعلا عملت مشروع صغير كده شركة ادوية صغيرة وانا كمان شغال في شركه ادوية كبيره جدا
اتخنقت انا وهي ولما رجعت ليقتها بتعيط بقولها مالك قالتي انها عرفت واحد عليا لما سافرت وانه هددها بصورها وانها كمان عملت معه علاقة انا طلقتها وهي دلوقتي راجعة بتقولي ندمانه بس انا مش قادر اسامح ومش قادر ابص في وشها وانا عارف ان في واحد غيري لمسها وانا تعبان ومش عارف اعمل ايه وكمان عرضت عليا اني ممكن اتجوز عليها لو انا عايز
الشيخ ابتسم ..... اسمع بقي ربنا سبحانه وتعالي بيسامح وهي جت ليك ندمانه ومكسورة وبتقولك سامحني وعلشان خاطر ولادك يا بني
ولو عايز تتجوز عليها واحده اتجوز بس العدال ما بنهم يابني ربنا بيسامح يعني هي لو حد اغتصابها كنت هتسيبها يا بني
احمد.... لا لانه غصب عنها
الشيخ.... خلاص اعتبرها غصب عنها وخليها تقرب من ربنا وتعيش حياة سعيدة ولو مش قادر بلاش ربنا مش بيدي حد فوق طاقته
احمد.... شكرا
الشيخ.... فكر كويس وخد وقتك
احمد.... حاضر
ياتري احمد هيرجعها ولا هيسيبها
وهل سهيلة تستحق فرصة تانية
😢😢😢😢😢😢😢😢😢😢😢😢😢😢
عند ادهم صحي الصبح دماغه تقيله جدا ومصدع
شاف ماجدة نايمة جنبه
ادهم.... انتي يا بت انتي يا زفته
ماجدة بدلع..... صباح الفل والياسمين يا قلبي
ادهم ببرود.... قومي امشي
ماجدة بدلع..... ليه بس ما لسه بدري وانهاردة اجازة من الشغل
ادهم ببرود.... قولتلك قومي غوري واه سيبلك فلوس بره. علي التربيزه خديهم حق الليله
ماجدة بصدمة..... حق الليلة هو حد قلك اني فتاة ليل ولا ايه
ادهم ببرود.... تسمي ايه واحده جاية تخبط. علي راجل عازب ومعاها فودكا وقربت منه وعملت معه علاقة تسميها ايه يلا يابت قومي
ماجدة صرخت بصدمة.... انا عملت كده علشان بحبك. بجد وبعدين انا بنت وانت عارف
ادهم ببرود...... لسه جديدة وماله خلاص كنتي متوقعه اني هتجوزك ولا ايه تبقي مجنونه انا اخد اللي انا عايزة ومتجوز غير لما احب لا يابت غوري
ماجدة لبست بسرعة وهي بتعيط بندم علي اللي عملته في نفسها وخرجت بسرعة وشافت الفلوس وسابتها وخرجت
اما ادهم دخل ياخد دوش
😢😢😢😢😢😢😢😢😢😢😢😢😢😢
اما احمد عدي علي ولاده وقالهم ينزلوا وخدهم وراح النادي
وصلوا النادي وقعدوا...
رحمه.... لقيت شقة يا بابا
احمد.... لا لسه بس انا قاعد في فندق
رحمة... اول ما تلقي شقة انا هجي انا وريتاج نقعد معاك
احمد... ليه وتسيبوا ماما لوحدها لا
رحمة بدموع.... انا مش عايزة اعيش معاها
احمد بهدوء.... في ايه يا حبيتي
ريتاج بهدوء.... بابا رحمة عارفة حضرتك سيبت ماما ليه ورحمة بتكره ماما جدا
احمد بصدمة.... عارفة منين
ريتاج ابتدت تحكي وهو مصدوم انها عملت في بنته كده
ومسك دراع رحمة ورفع كم البلوزه وشاف الحرقة وكان مصدوم فيها وطبعا الوضع هنا اختلف
احمد حضن رحمة وقالها حقك عليا يا رحمة انا مخترتش صح
رحمة بدموع..... انا مش. عايزة اقعد. معاها تاني
تليفونه رن
احمد.... الو
..... انت فين
احمد... في النادي مع البنات
..... طب انا جايلك
احمد.... تمام
وفعلا خلال نصف ساعة ادهم دخل النادي وسلم علي احمد والبنات
وعينيه كانت بتلف علي ريتاج اللي خدت بالها واحمد. كمان ابتداء ياخد باله
احمد.... يلا يا بنات روحوا
رحمة وريتاج. مصدقوا يقوموا ومشيوا
احمد بصله....... مش. مصدق انك بتبص علي بنتي لا بجد بتبص علي بنت اخوك اللي المفروض زي بنتك
ادهم ببرود..... تجوزهاني
احمد بصدمة مش مصدق قام عليه وضربه بل البوكس وضربه كذا ضربه.... قد ايه طلعت واحد.****واطي خسيس مش عايز اشوف وشك تاني ولا اعرفك حلال فيك اللي عملته مني فيك. اتفو
وسابه ومشي اما ادهم. ضحك بستفزاز وقاله.... هاخدها يا أحمد انا مفيش حاجه عايزها مبخدهاش.
ومشي هو كمان احمد كان هيروح. يتخانق معه. تاني. ولكن قال كفاية انه شلفط وشه
😢😢😢😢😢😢😢😢😢😢😢😢😢😢😢😢😢
الحلقة انتهت استنوني. في الحلقة الجاية كمان شوية وهتكون. طويلة عندي كمان. لانها هتكون اخر حلقة في الجزء الثاني
وهنبدا في التالت
استنوني
ومتنسوش تقولولي رايكم وتشاركوني الاحداث
البارت ده 1727كلمة
