الرابع عشر
🌹🌹🌹🌹🌹🌹🌹🌹🌹🌹🌹🌹🌹🌹
"لا شيء أشدُّ وجعًا من أن تشعر بالندم على نفسك، على أمور حدثت لم تكن تستحق حدوثها ، على ثقتك العمياء بالأشخاص ، على مغفرتك الدائمة لمن أساء إلى روحك ، على تمسكك بمن لم يدركوا يومًا قيمتك."
💔💔💔💔💔💔💔💔💔💔💔💔💔💔
في العزاء الحريم كانوا في البيت و الرجاله كانوا موجودين بره
خالد وهو بيهمس لقاسم.... .... انا كلمت صاحب ادهم احمد وعرفته ان ادهم في المستشفى علشان احنا مش هنعرف نروح دلوقتي
قاسم بدموع..... تمام عمك كمال بيقولي اختك وجوزها فين وقولتله علي اللي حصل و هو بصلي وسكت كده
خالد..... امي بتقولي الستات بيسألوها علي بنتها قالتهم جوزها في المستشفى تعبان جدا وعنده جلطة وهي معاه في المستشفى
قاسم بدموع..... يارب ما نتفضح علي اخر الزمان يارب عاديها علي خير يارب
خالد... يارب
💔💔💔💔💔💔💔💔💔💔💔💔💔💔
في المستشفى احمد ومدحت كانوا واقفين ومش فاهمين ايه اللي حصل
مدحت بإستغراب..... برده مني فين
احمد.... ابوها مات ممكن تكون في العزاء
مدحت بإستغراب...... بس مش غريبة دي الرجل يموت وكمان ادهم يتعب ويدخل غيبوبة ويجله جلطة طب من ايه دي حتي متصلتش تتطمن فاق كويس تعبان بيموت في ايه يا عم في حاجه غريبة بتحصل صدقني
احمد بتردد.... اتمني اللي في بالي ميكنش حصل
مدحت باستغراب..... ايه اللي في دماغك انت تعرف حاجه انا معرفاهش
احمد بتردد.... بصراحة كده ادهم جالي من كام يوم وقالي انه بيحب واحده تانية غير مني وانه بيفكر انه يتجوزها من ورا مني ممكن تكون مني عرفت وزعلت وراحت عند اهلها و سابته او طلبت الطلاق
مدحت باستغراب...... معقول ادهم ده ادهم ده كان هيموت في يوم الجلطة الاولي ساعه ما قالت هتسيبه يقوم يحب غيرها
احمد.... لما ادهم يفوق هنعرف كل حاجه وبعدين احنا لازم نروح نعزي برده واجب ولا ايه
مدحت..... معاك حق لازم نطمن بس علي ادهم وبعدين نروح نعزي و نعمل الواجب
احمد.... تمام
😢😢😢😢😢😢😢😢😢😢😢😢😢😢
في البيت الساعة عشرة بعد ما الناس مشيوا كمال كان واقف متعصب جدا في البيت
كمال بعصبية..... بقي تفضحنا كده الناس تقول علينا ايه يقولوا بنتنا فاجرة علشان تاخد البت و تطفش دي تخره تربيتكوا يا فاطمه نحط ي عينا في عين الناس ازاي
فاطمه ببكاء..... ياخويا هو خانها وكان عايز يتجوز عليها كمان
كمال بعصبية..... تطلق تتجي بيت ابوها اخواتها لكن تخلع جوزها من وراه وكمان تاخد البت وتسافر من غير متقولنا ولا حتي تعرفنا في ناس كتير اتعذبت في حياتها وعاشوا اسواء من بنتك مش كل واحد يمر بتجربة قاسية يعمل كده ويهرب بطريقة دي يا فاطمة بنتك انانية انها تحرم اب من بنته دي قمه الانانية انت فاهمة انا لو شفتها هقتلها الفاجرة دي
خديجة..... اهدا يا بابا بس الله يخليك هي فترة وهتلقيها رجعت اتلقي بس اعصابها تعبانه مش اكتر تريح اعصابها وهترجع
كمال بعصبية..... اما اشوف اخرتها
خديجة..... بابا انا لازم امشي علشان وليد قاعد بل الولاد
كمال..... ماشي يا حبيبتي تعالي اوصلك
خديجة..... لا خليك يا بابا
كمال.... مفيش دعي قعدتنا هنا ملهاش لازم الناس مشيت يلا يا سعاد
خديجة..... البقاء لله يا جماعة حياتكم الباقيه
خالد..... ربنا يخليكي يا خديجة حياتك الباقيه
خديجة عزت ومشيت مع مامتها وبابا
وكمال كان لسه متعصب.... خديجة متقوليش لجوزك اللي حصل ده
خديجة.... حاضر يابابا
وطلعوا البيت كان وليد قاعد بملك وفادي ومازن كان في اوضته مخرجش. مش قادر يخرج صورة موت جده من دماغه
دخلوا الشقة
وليد.... حمدلله على السلامة الباقية في حياتك يا عمي
كمال.... حياتك الباقيه يا بني
خديجة.... امال الولاد فين
وليد.... ملك وفادي نايمين
خديجة..... ومازن
وليد.... في اوضته
خديجة دخلت الاوضة كان مازن نايم علي السرير وهو بيبكي وهو صغير جدا علي انه يشوف انسان وهو بيطلع في الروح قصاده دي صعبة جدا عليه
خديجة جريت عليه وحضنته وقالت..... بس يا حبيبي بس
مازن ببكاء..... شوفته وهو بيموت يا ماما كان شكله وحش ومخيف جدا
خديجة..... بس بس مفيش حاجه ده راح عند ربنا دي حاجه حلوه هيدخل الجنه انت بس اللي لسه صغير اهدي تجي نخرج نغير جو سوا وبعدين يا حبيبي الموضوع صدقني مش مخيف هو بس. خلاص الانسان لما بيجي معاده بيكون كده وبعدين هو دلوقتي في مكان حلو جدا مكان جميل في الجنه مع ربنا سبحانه وتعالى نقوم نخاف ونزعل ربنا ونقول انه وبياخد جده شكله كان وحش مينفعش يا حبيبي وبعدين يلا هنخرج انا وانت لوحدنا بس مفيش غيرنا يلا بسرعه
خديجة خدت مازن وخرجت من الاوضة
وليد بابا انا هاخد مازن ونخرج شوية علشان مازن نفسيته تعبانه من اللي شافه انهارده
وليد.... هتخرجوا لوحدكم مش لازم انهارده خليها بكره عشان اكون معاكوا
خديجة بهدوء..... هنا الناس صاحية مش بتنام يا وليد لغاية الساعة اتنين ولا حاجه ساعة وهجي
كمال.... علشان خد باله من حزن مازن.... انا جاي معاكوا اغير جو خليك انت يا وليد مع سعاد علي ما جي
وليد بعدم رضا..... تمام يا عمي
وفعلا كمال خد خديجة ومازن وراحوا مطعم واكلوا كلهم وفرحوا مازن جدا وكانت نفسيته الي حد ما اتظبطت شوية لكن منسيش
❤❤❤❤❤❤❤❤❤❤❤❤❤❤
عند ادهم في المستشفى
في الغرفة اللي ادهم محجوز فيها
ادهم بيفتح عينه بصعوبة وبيقول...... اه مني كنزي مني بنتي يا مني اه اااه
الدكتور دخل بسرعة لما سمع صوته..... اهدي يا استاذ كده مينفعش
ادهم ببكاء..... بنتي
الدكتور بشفقة...... اهدي طيب يابني مينفعش كده انت عندك جلطة
احمد ومدحت دخلوا لما عرفوا انه فاق...... ادهم عامل
ادهم ببكاء...... بنتي يا احمد بنتي خدتها حرمتني منها يا احمد
احمد بعدم.فهم.... مش فاهم بنتك مالها
الدكتور حط في المحلول مهدئ
لكن احمد سمع اخر جملة..... مني عرفت وخدت البنت وسافرت بره البلد يا احمد
احمد ومدحت بصدمة بصوا لبعض..... ايه
هنا تنتهي حلقتنا والي اللقاء في حلقة جديدة
لايك وكومنت
