الثاني
ندمك على ما فات، قد يُضيِّع عليك ما هو آت .. فتوقفْ مع الماضي للحظات، وخذ منه العِبرَ والعِظات .. ولا تسرفْ في الندم عليه، فتخسرَ الحاضر، ويضيعَ منك المستقبل، وأنت لا زلتَ في أسفِك عليه!
♥♥♥♥♥♥♥♥♥♥♥♥♥♥
في البنك عند ادهم كان في مكتبه دخلت عليه بنت جميلة البنت اللي كانت معجبة بيه وكانت عايزة تقرب منه وهو ورفض اسمها جميلة بنت بشعر اسود حرير وجميله وروحها حلوه عندها 27 سنة
دخلت ب ابتسامتها المعتادة...... ازاي حضرتك يا استاذ ادهم
ادهم ابتسم..... الحمدلله يا جميلة انتي عامله ايه
جميلة..... الحمدلله بخير ده ملف الحسابات اللي دخل وخرج الاسبوع اللي فات حضرتك رجعه ولو فيه اي اخطاء ولو مفيش حضرتك تمضيه علشان هيروح للمدير
ادهم ابتسم..... كل ده عاصم مرجعوش ليه
جميلة بتنهيد.... هو عاصم بيراجع حاجة هو قاعد علي المكتب مش بيعمل حاجه غير انه يأمرنا وخلاص
ادهم بجديه...... خلاص انا هشوف هتكلم معه روحي انتي شوفي شغلك
جميلة ابتسمت..... حاضر
وخرجت جميله وهو نظر الي الملف وابتداء يراجعة
❤❤❤♥♥♥♥♥♥♥♥♥♥♥
عند خديجة في الصعيد كانت بتجلس مع زوجها و يتكلموا
خديجة برجي...... ياحبيبي ماما وبابا ه يستقروا هناك وانا مش عايزة ابعد عن اهلي علشان خاطري
وليد..... يا خديجة انا عيادتي هنا والناس عارفني هنا مش هيجولي القاهرة علشان يكشفوا عندي ولا المتابعة انتي ممكن تروحي زيارة تقعدي معهم اسبوع اتنين وترجعي لكن انا مقدرش امشي من هنا افهمني يا قلبي يلا انا لازم امشي علشان ورايا كام مشوار قبل العيادة
خديجة..... رايح فين
وليد..... فاكره الراجل اللي عرفتك عليه هو ومراته
خديجة..... ايوه فاكرهم
وليد.... قصدني في خدمه ه خلصها له كده وبعدين هروح العيادة
خديجة..... تروح وترجع بسلامه
وقبل ما يخرج كانت ملك نازله علي السلم ولما شافته خارج جريت عليه وحضنته من رجله وقالت.... بابا حبيبي انت رايح فين مش هتفطر
وليد شلها وقال بحب ..... بابا رايح مشوار وبعدين هيروح الشغل
ملك بحزن..... طيب خدني معاك ومش هعمل صوت خالص صدقني
وليد ابتسم وقال.... طب انا عندي اقتراح تاني حلو ايه رايك بعد ما اخرج من الشغل اجاي اخدك انتي ومازن و فادي وماما ايه رايك
ملك بتفكير..... ماشي يابابا بس قول وعد
وليد قبلها في خدها وقال...... وعد يا ستي يلا امشي بقي علشان اروح الشغل و اعملي الواجب اللي
سابتيه علشان تخرجي معايا انهاردة
ملك بغضب لطيف..... لا انت قولت هنخرج الاول من غير الواجب ليه دلوقتي بتقولي الواجب لا انا زعلانه
وليد. ....... متزعليش علشان خاطري اعملي الواجب وذكرى ياقلبي علشان تنجحي وتبقي اشطر البنات
ملك بحزن...... طيب.
وليد نزلها علي الارض وقال..... سلام يا ملوكة
ملك لوحت بيدها وقالت..... باي
وليد خرج وملك قالت لخديجة...... يلا تعالي اعملي معايا الواجب
خديجة بضحك..... ماشي يا ستي ما كان من الاول
واخدتها وفهمتها تحل ازاي وراحت تشوف وراها ايه الاول دخلت عند مازن وفادي
وفتحت الستاير وقالت..... يلا قوموا كفاية نوم
فادي.... اقفلي السباك ياماما
خديجة..... اسمها الشباك يا ولا انت حروفك ضايعة قوم يلا يلا يا مازن
مازن قام..... يا ماما مش انهارده اجازة متسبينا ننام براحتنا
خديجة...... ولما تنام براحتك وتجي بليل متعرفش تنام وبكره متعرفش تروح مدرستك ولا تشوف مذاكرتك
مازن قاطعها وقال...... انا غلطان حقك عليا انا قايم لا انا قومت اصلا
ودخل اخد الشاور وصلي وخرج لمامته
اللي حضرت لهم الفطار
فادي كمان مامته لبسته الهدوم ونزلت علي السفرة
خديجة..... يلا افطروا وعلي فكره بابا هيخرجنا بليل
فادي قال بسرعة..... بجد يا ماما
خديجة بحب..... بجد يا قلب ماما
مازن..... هو ملك فين مش شايفها
خديجة.... بتعمل الواجب بتاعها
مازن.... تمام وسكت شويه وقال.... ماما هو انا ممكن اطلب منك طلب
خديجة بحب..... طبعا يا حبيبي عايز ايه
مازن.... كنت متفق انا وواحد صاحبي يعني نروح نلعب في الارض بتاعة جده
خديجة بعتاب..... طيب مش. تستأذن الاول قبل ما تتفق مع حد
مازن بخجل...... الكلام جاب بعضه
خديجة..... خلاص لما يجي بابا استأذن منه
مازن..... هو هيوافق
خديجة...... ممكن اه وممكن لا وبعدين اتفقتوا علي امتي
مازن.... الاسبوع الجاي زي انهاردة
خديجة..... خلاص لما يجي شوف هيقولك ايه
مازن..... تمام
♥♥♥♥💟💟💟💟💟💟💟💟💟💟
عند فاطمة وحسن
كانوا بيتفرجوا علي التلفزيون
وفاطمه..... بقولك يا حج
حسن انتبه ليها..... ايوه
فاطمة..... كنت بقول يعني نعزم العيال بعيالهم عندنا هنا ونشفهم
حسن..... فكره حلوه كلمهم
فاطمة بتردد...... وبنسبة لعيال فارس هنعمل ايه العيال باقلني سبع سنين مش بنشفهم لان جوز خديجة مش موافق يجوا هنا
حسن بحزن...... اللي حصل ده بسببنا لو كنا اتعملنا بما يردي الله مكنش ده حصل
فاطمة بهدوء..... مش هنقعد نلوم نفسنا كل شوية كفاية اللي خسرنه انا بقول نخلي حد يكلمه ولا انت كلم اخوك يقنعه
حسن.... حاضر هشوف
فاطمة ..... يحضرلك الخير يارب
💟💟💟💟💟💟💟💟💟💟💟💟💟💟
عند مني في الكلية الطب كانت في المحاضرة ومركزه جدا في الشرح وكان في بنت جنبها عمله دوشة وببتكلم مع صاحبتها ومني تركزها بيتشتت
مني للبنت..... بعد اذنك الصوت انا مش عارفة اركز
البنت ببجاحة...... واللهي لو مش عجبك قومي. من هنا
مني اتضيقت منها جدا..... طب اسمعي بقي لو سمعت صوتك تاني انا هقول لدكتور
وبصت ناحية الدكتور وبتحاول تركز لكن مفيش فايدة الصوت عالي
مني وقفت وقالت..... يا دكتور لو سمحت
الدكتور نظر لها وقال..... في حاجه عايزة تسأليها
مني.... لا يا دكتور لو سمحت البنات دي عامله تتكلم جنبي مش عارفة اركز بسببهم
البنات قوموا وقاله.... لا دي كذابة
في المدرج اللي قدمهم..... لا مش كذابة انتوا عاملين تتكلموا وتركزنا بيتشتت بسببكم
الدكتور..... اتفضلوا اطلعوا بره انت الاتنين يلا
البنات خرجوا وبصوا لمني بغيظ
الدكتور..... اتفضلي اقعدي وانا هشرحلك الجزئية دي تاني
💟💟💟💟💟💟💟💟💟💟💟💟💟💟
بعد ما ادهم خلص الملف وراح علي مكتب عاصم اللي مسؤول عن مراجعة الملفات
عاصم اول ما شافه وقف وقال..... اهلا يافندم
ادهم بجدية وصرامه...... انت شغلتك ايه هنا لما مترجعش الملفات اللي جايلي يبقي انت ملكش لازمه ولو عايز تترفد قول غالي والطلب رخيص
عاصم بخوف...... يافندم صدقني رجعته
ادهم..... طب المبلغ الاجمالي كام لو انت رجعته
عاصم وجهه جاب ميت لون....
ادهم.... لو الموضوع ده اتكرر تاني اعتبر نفسك مرفوض
عاصم..... حاضر يا فندم
وخرج ادهم وركب عربيته وراح علي مدرسة بنته كنزي ووصل المدرسة شافها واقفة مستنيه مع المشرفة
كنزي جرت عليه وهو شالها وهي قالت بدلع ورقة.... كده تتأخر عليا انا زعلانه منك اوي علي فكرة
ادهم..... لا ياقمر انا ميهنش عليا زعلك ابدا تعالي بس نركب العربية وبعدين نبقي نتكلم
وركبوا هما الاتنين العربية
ادهم قبلها قبل علي جبينها وخدها وهو بيزغزها في بطنها
كنزي بضحك ..... خلاص بقي علشان خاطري خلاص
ادهم ابتسم...... لسه زعلانه مني ولا ايه
كنزي..... لا خلاص مش زعلانه
ادهم..... طيب يا ستي هنروح نجيب ماما من الكلية وبعدين اخدكم ونتغداء بره ايه رايك بقي
كنزي بفرح..... لا حلو اوي كده
وفعلا طلع بل العربية ووصلوا عند الكلية واتصل علي مراته وهي قلتله انها جاية
وبعد خمس دقايق جت ولكن كانت مضايقة جدا
وركبت جنبه وهي ساكته ادهم لاحظ وقال....... مالك يا مني
مني بضيق...... مفيش حاجه
ادهم اتنهد وقال...... لا فيه
مني..... كان في بنتين في المحاضرة عملين قلق ومش مركزه منهم ونبهتم. وقلتلهم. يبطلوا صوت لان مش. مركزه. قلت ادبها واحده. وراحت قالتلي لو مش عجبك قومي من. هنا قولتلها لو اتكلمتوا تاني هقول لدكتور وفعلا اتكلموا وقولت لدكتور وهما كدبوني لكن اللي سمعهم قالوا انها فعلا عامله قلق في المحاضرة والدكتور طردهم ولما خلصت المحاضره لقيتهم وقفين بره مستنيني وبقوللي انا ه خلكي تسقطي. السنادي وطلعت بنت دكتور المادة التشريح عندنا
ادهم ابتسم..... متقلقيش بدام حلك صح محدش يقدر يسقطك. اهدي انتي بس وكله هيكون تمام انا هاخدك انتي وكنزي حبيبتي ونروح نتغداء بره انهاردة
مني.... لسه في اكل في البيت
ادهم ابتسم...... لا كنزي حبيبتي زعلانه علشان اتأخرت عليها وانا هصلحها وبل المره اغير مودك
مني ابتسمت...... ربنا يخليك. ليا يارب
وهنا انتهت حلقتنا انتظروني يوم السبت ان شاءلله
