نزار قباني
مهما تعددت النساء، حبيبتي
فالأصل أنتِ
مهما اللغات تعددت
والمفردات تعددت
فأهم ما في مفردات الشعر
أنتِ
مهما تنوعت المدائن، والخرائط،
والمرافيء، والدروب،
فمرفئي الأبدي
أنتِ
مهما السماء تجهمت، أو أبرقت،
أو أرعدت،
فالشمس أنتِ
ما كان حرف في غيابكِ ممكناً
وتكونت كل الثقافة،
يوم كنتِ
ولقد أحبكِ، في زمانٍ قادمٍ
فأهم مما قد أتى،
ما سوف يأتي
هل تكتبين معي القصيدة، ياترى؟
أم أنتِ جزء من فمي؟
أم أنتِ صوتي؟
كيف الرحيل إلى فضاءٍ آخرٍ؟
من بعدما عمرت في نهديكِ،
بيتي؟
إني أحبكِ، طالما أحيا،
وأرجو أن أحبكِ،
كالفراعنة القدامى
بعد موتي
♥♥♥♥♥♥♥♥♥♥♥♥♥♥
في صباح يوم جديد كان مني نايمة في حضن ادهم وهي بتصحيه
مني بحب...... دومي هتتأخر علي الشغل قوم يلا
ادهم بنعاس.... شوية وصحيني ياقلبي
مني بحب..... قوم بس علشان تلحق تفطر وتروح الشغل قوم يلا
ادهم قام وقبل جبينها وقال..... اديني قومت حضري الفطار وبعدين كنزي راحت المدرسة
مني بإبتسامة...... من زمان صحيتها و فطرتها
ادهم ابتسم...... حبيبتي خلاص هروح اخد شاور وهلبس واجي
مني..... ماشي يا حبيبي
ادهم اخد شاور وجهز لبسه وخرج وقعد علي السفرة
ومني حطت الفطار وهو كان سرحان شوية
مني انتبهت علي سرحان ادهم...... مالك يا ادهم في ايه
ادهم انتبه ليها...... لا مفيش حاجه بس مشغول بحاجه تخص الشغل يلا انا لازم امشي علشان الحق اوصل
مني حضنته وقالت.... تروح وترجع بسلامه متتأخرش زي امبارح
ادهم.... حاضر يا قلبي يلا مع السلامه
مني.... الله يسلمك
وخرج ادهم وهو لابس النظارة والبدله وكان شكله وسيم جدا
وركب عربيته وبعدين
قبل ما يتحرك اتصل علي واحد وقاله بغموض.... جهز اللي قولتلك عليه معدش وقت
..... حاضر
♥♥♥♥♥♥♥♥♥♥♥♥♥♥
اما عند قاسم فتح هو واحد صاحبه شركة خاصة بيهم ونجحت نجاح باهر
في البيت كانت تقي بتجهيز الفطار لاولادها
تقي بهدوء...... يلا يا ولاد الباص علي وصول
حسام ذات الحادي عشر عاما..... حاضر ياماما
تقي بحب..... يحضرلك الخير ياقلبي خد ده الاكل اهو كله كله مش زي كل مره ترجع القي الاكل زي ما هو يا حبيبي
حسام بهدوء.... حاضر يا ماما
اسر جه بهيصه شديدة وقال بسرعة..... فين. اكلي يا ماما بسرعة عاوز اكل قبل ما الباص يجي يلا انتي واقفه كده. ليه هاتي. الاكل
تقي بنفاذ صبر قالت..... انت يا اخر صبري الاكل علي السفرة قدامك اهو بسرعة علشان الباص علي وصول مهو انت لو بتصحي بدري زي الخلق كنت تاكل عدل
اسر مكنش مركز معها وقال..... بقولك أيه يا حاجة وقت ما باكل مش. بحب حد يقطعني تمام علشان نكون كويسين مع بعض و بعدين بقولك انا عايز بقي. علي الغداء حله محشي كرنب وورق عنب واوعي تنسي الورق العنب بعد اذنك يا حجه انا واحد تانية ابتدائي عايز انجح وطول ما كرشي مليان انا هنجح
تقي بنفاذ صبر..... محشي ايه ده اللي هعملهولك انتي يا بني مش واكل امبارح مكرونه بشاميل عايز انهاردة محشي ازاي انا انهاردة مش هعمل اكل هناكل بطاطس وفول وطعمية بالعيش
اسر قام من مكانه بسرعة وصرخ وقال..... نعم يا اختي بطاطس ايه دي اللي هكلها ما انا بتعشي بطاطس وفول لأما هصور قتيل هنا دانا اموت نفسي لو ملقتش المحشي يا امي وتكلم بتأثر وقال هو بيمسح طرف عينه الدموع اللي مش موجوده..... ياامي مش عايزة تتعمللي المحشي طب ليه مش عاوزني انجح ويكون نفسي في حاجه مكلتهاش طيب افترضي ان ربنا خدني هيخدني وانا نفسي في حله المحشي لا مش. مصدق انتي اكيد مش. امي لا انتي اكيد مرات ابويا اللي اتجوزها بعد موت امي الحقيقة انتي لو امي. كنت فعلا عملتي اللي انا عايزه وحط ايده علي قلبه وقال. ... متزعلش يا قلبي علي جرحك الغويط متزعلش سامحني سامحوني كلكم اها بموت
حسام بضحك قال...... هايل يا فنان بجد مبدع مبدع
تقي بتأثر..... لا يا حبيبي متقولش كده هعملك حله المحشي هتجي من المدرسه هتكون معموله
اسر راح حضنها وقال..... حبيبتي يا ماما
وبعدين سمعوا صوت الباص....
تقي.... يلا يا ولاد الباص جه كل واحد اخد الشنطة بتاعته وخرجوا وهي خرجت تشفهم من البلكونه لحد ما ركبوا الباص ومشيوا
وبعدين دخلت وهي بتضحك علي اسر وعمايله هو سر المرح والضحك في البيت
اما حسام هادي جدا وعاقل
اما كارما زيها زي الولا اسر
😂😂😂😂😂😂😂😂😂😂😂😂😂😂
في الشركة عند قاسم كان بيجلس وفي ايده الملفات مركز جدا عليها دخل واحد فجاة من غير استأذن
قاسم ابتسم.... مش هتبطل العادة دي بقي يا بني عيب عليك انت كبير علي كده مش هتخسر حاجه لو خبطت علي الباب
مالك.... يا انكل انا بحبك وجاي اقعد معاك شوية لسه هقعد اخبط واخد وقت علي ما ترد يكون الوقت خلص
قاسم بضحك..... لا وجه نظر قولي ابوك في مكتبه ولا لسه مجاش كل العادة
مالك بدون تفكير..... لا طبعا لسه مجاش كالعادة بقولك مش هتشغلوني في الشركة بقي
قاسم.... طب خلص كليتك الاول وبعدين تعال اشتغل زي ما انت عاوز
مالك..... ياانكل اييه يعني لو اشتغلت واتعلمت انا عايز اشتغل
قاسم ابتسم.... ابوك موافق...
مالك بتفكير..... بصراحه لا بس انت اقنعه
قاسم ابتسم...... انت عايز تشتغل هنا ليه وبذات وانت مخلصتش كليتك
مالك بتفكير..... اضيع وقت مش اكتر
قاسم ابتسم...... تضيع وقت ولا علشان حبيبه القلب اللي شغله هنا
مالك بصدمة..... ايه
قاسم..... تكنش مفكر اني نايم علي وداني لا انا عارف انك. بتجي هنا علشانها وانها مش معبراك
مالك بهدوء..... خلاص تمام بدام عارف شغلني هنا علشان اقنعها
قاسم ابتسم...... انت بتحبها ولا زي البنات اللي ماشي معاهم
مالك ابتسم بحب....... لا بحبها من يوم ما شوفتها وانا بحبها معرفش ليه قلبي دق تلات دقات لما شافها قلبي ولع بحبها
قاسم قاطعه..... بس يا عم الشاعر خلاص هحاول اقنع ابوك
مالك قام حضنه وباسه وقال..... حبيبي يا عمو انا قولت ما يجيبها الا رجالها مع السلامه
قاسم ضحك..... خلاص خلصت مصلحتي من جارتي
مالك ضحك..... انت اللي في القلب
وخرج
اعرفكم بمالك شاب بيحب لمه البنات حوليه وكمان ارتبط كتير اوي لكن معجبتوش غير وآحده مش مديله وش ابن شريك قاسم في الشركة عنده 22 سنه في كلية هندسة
♥♥♥♥♥♥♥♥♥♥♥♥♥♥
عند خالد كان في البيت نايم.
جاسيكا راحت علشان تصحيه...... خالد قومي يلا قومي خالد تتأخري علي الشغل قومي
خالد بزهق..... ما خلاص يا جاسيكا بقي قولتلك. ميت مره اسمها قوم مش قومي وتتأخر مش تتأخري
جاسيكا بزهق.... اعملك ايه يعني يا خالد قولتلك مش. بعرف اتكلم عربي معاكي. انت مصمم تخليني اتكلم عربي استحملي بقي.
خالد سكت.... الفطار جاهز
جاسيكا..... اه. زينب خلص الفطار يلا قومي
خالد بصلها نظره خوفتها سابته وخرجت لابنها وراحت تصحيه.
جاسيكا.... اكرم. يلا ياقلبي قومي يلا قومي علشان تفطري قومي. اكرم
اكرم.... حاضر يا ماما حاضر
وقام اخد شاور ولبس وخرج
وخالد كذلك
وقعدوا علي السفرة
وكان خالد بياكل ابنه بايده وكانت جاسيكا غيرانه انه مش مهتم بيها ومهتم بابنه بس
جاسيكا بهدوء.... خالد عايز اخرج معاكي
خالد بهدوء.... نخرج فين
جاسيكا..... اي حته من ساعة ما نزلت مصر مخرجتش غير عند اهلك وانت مأهملني
خالد.... عندي شغل
جاسيكا بحزن..... تمام خالد
وكانت حزينة جدا من معاملته معها وهو اخد باله وقام مشي علي شغله
هقف لغاية هنا دلوقتي انا هنزل رواية جديدة وكمان هنزل رواية الحب الخاطئ الجزء التاني
دي ايامها هتكون السبت والتلات والجمعة الساعة تسعة بلبل
وكمان هنزل رواية جديدة اسمها الحب والندم
الاتنين والخميس والجمعة هتكون تسعة بليل
واتمني تنال اعجابكم واكون رضيت الطرفين
الي اللقاء في يوم الجمعة ان شاء الله
