البارت العاشر
🌹🌹🌹🌹🌹🌹🌹🌹🌹🌹🌹🌹🌹🌹
أنتَ قَلبي؛ فلا تَخَف وأجِب: هَل تُحبُّها؟
وإلى الآن لَم يَزل نَابضاً فيكَ حُبُّها؟
لَستَ قَلبي أنا إذن، إنَّما أنتَ قلبها!
كيفَ يا قَلبُ تَرتَضي طَعنةَ الغدرِ في خُشوع؟
وتداري جُحودها في رِداءٍ مِن الدُّموع؟
لَستَ قلبي... وإنَّما خِنجرٌ أنتَ في الضُّلوع
أو تدري بما جرى؟ أو تدري؟ دَمى جرى!
جذبتني مِن الذُّرى ورَمتْ بي إلى الثَّرى
أخذَتْ يقظتي، ولَم تُعطني هدأة الكَرى
😢😢😢😢😢😢😢😢😢😢😢😢😢😢
كتبت مني الكلام ده وهي في غرفة النوم في مرسي علم وادهم كان نايم
كتبت الكلام ده وهي مقهوره وحاسة بالغدر والخيانة
والم في صدرها وبتحديد قلبها حينما ينجرح الانسان بخنجر تلم
لما الوحدة بتكون مديه جوزها الامان والثقة وتلقي مره واحده خذلان بتكون صعبة مؤلمه محدش بيحس بوجع الست اللي جوزها بيخونها غير اللي جربه
مني قفلت النوته وهي تبتسم بوجع وقالت..... الشهر ده هيكون الجنة بالنسبالي وبعديها الوجع هيكون اقوي من اي شئ
فاقت علي صوت الباب وهو بيفتح وادهم داخل
مني خبت النوته بسرعة وقامت حضنته وقالت.... اتأخرت كده ليه
ادهم وهو بيبعدها بهدوء وبيقعد علي الكنبة...... علي ما خلصت اجراءات الاوضة وحجزت في المطعم
مني ابتسمت بحب.... طيب ايه رايك تدخل تاخد شاور وتريح ساعتين علشان نتفسح بليل انا حطيت الهدوم في الدولاب
ادهم هز راسه.... تمام واخد الهدوم ودخل الحمام
مني مسكت ازازه البرفان بتاعته وفضلت تشم في ريحتها وهي بتشمها بشوق
وادهم خرج وشافها واقفه ومعها ازازه البرفان وهي مستمتعة جدا للحظه حس بالذنب انه خانها وحب غيرها قرب منها وحضنها من ضهرها وقال...... للدرجة دي بتحبني يا مني
مني لفت ليه وحضنت رقبته وقالت بحب وشغف وعيون بتلمع حب وعشق...... أحبك قبل أن تراك العيون وحبي لك فوق كل الظنون أحببتك بهراً.. بقدر الحصى بقدر أشجار الكون قلبي لديك رهين، وعقلي بك مجنون وأنا كلي مفتون .... مفتون قربك نار في لظاها أتعبّد وبعدك شوق وليل طويل سرمد يا حبة روحي ودواء جروحي يا وردة في بستاني فوحي يا قبلة لأحزاني وأفراحي يا مرتع بكائي ونواحي يا صدرا حنونا هو كل أكفاني وحصنا منيعا يشعرني بالأمن بالخوف، بالرجاء بالراحة والاطمئنان.
ادهم مصدرش منه اي رد فعل غير قبله مجنونه طلع فيها اشتياقة وحبه وعذابه والحيرة اللي فيها قبله كانت عنيفة ولكن جميله نسيوا كل حاجه هي نسيت خيانته ليها وهو نسي حبه للجميله
قبلتهم زادت واشتيقهم. وحبهم زاد وهنا تسكت شهرزاد عن الكلام الغير مباح.
♥♥♥♥♥♥♥♥♥♥♥♥♥♥
عند حسن وفاطمة
مازن وكنزي كانوا قاعدين مع بعض بيخلصوا الواجب
كنزي كانت بتبص في كشكولها وهي حزينه
مازن... مالك. يا كوكو
كنزي بحزن..... مش عارفه احل الواجب ماما هي اللي بتحله معايا
مازن.... طيب هاتي وانا هحاول احل معاكي.
كنزي ادتله الكشكول وهو بص فيه والكلام ولكن مفهمش حاجه
كنزي عيطت لما هو كمان معرفش يحل
مازن قرب منها وقال.... متعيطيش طيب انتي حاجتك كلها انجليزي وانا اصلا فاشل فيها طيب بصي ايه رايك نشوف من علي النت يمكن نقدر نوصل للحاجة بس متعيطيش
كنزي بصتله بعيونها الخضراء وكانت بتلمع بسبب الدموع ومازن بصلها اوي.... بجد يا ميزو
مازن فاق...... ايوه بجد هروح اجيب الفون
وفعلا راح جاب الفون وفضل يطلع شرح وحاجات كتير لغاية ما عملوا الواجب بتاعها
مازن.... اتفضلي يا سيتي اي خدمه
كنزي بفرح حضنته و باسته في خده..... حبيبي يا ميزو تعرف لو الواجب مكنش اتعمل كانت الميس هتضربني
مازن حط ايده علي خده وقال.... ها
كنزي... خليك معايا يا مازن
مازن.... حاضر
كنزي..... اية رايك نروح نقول لجده بعد ما تخلص الواجب ونروح الجنينة نلعب فيها انا وانتي
مازن ابتسم...... ماشي
وبعدين حط ايده علي راسه وقال..... استني اما اكلم ملك وفادي وحشوني
كنزي.... وانا كمان وانا كمان عايزة اكلمهم وحشوني وبذات فادي
مازن رفع حاجبه وقال..... وملك
كنزي...... وحشتني بس فادي اكتر انا بحبه ولما اكبر هتجوزه
مازن برفعه حاجب اكبر.... انتي اكبر منه علي فكره
كنزي بلا مبالاه..... مش مهم المهم انا بحبه وهتجوزه سنتين مش فرق نتكلم فيهم
مازن. بصدمه.... ايه يا بت البجاحة دي مش انا قاعد قدامك شوال بطاطس احترمني انا حتي اخوه
كنزي فتحت عنيه اوي..... في ايه يا مازن هو انا بقول حاجه غلط انا بقولك بحبه فين المشكله وعلي فكرة بابا عارف ان انا بحبه وهتجوزه
فاطمة خرجت وسمعت اخر جملة...... تتجوزي مين يا بت
كنزي.... فادي يا تيته
فاطمة..... ابن وليد ابدا وبعدين يا مسخوطه ده اصغر منك
كنزي بعبوس.... مش مسخوطة انا وبعدين سنتين مش فرق
فاطمه بصدمة..... سنتين مش فرق وبعدين يا ختي ابن خالك اولي بيكي مازن
كنزي.... لا لا انا بحب فادي وبعدين مازن لا مازن اخويا
حسن كان سامع حدثهم وقال.... مزعلين كنزتي ليه
كنزي جريت علي جدها وقالت..... مش عايزني اتجوز فادي يا جده وتيته بتقولي يا مسخوطة يعني ايه يا جدي مسخوطة
حسن ضحك وقال..... متزعليش نفسك اللي انتي ها تختارية ه جوزهلك غصب عن عين التخين يا كنزتي
كنزي باسته وقالت.... حبيبي يا جده
حسن.... حبيبة جده
كنزي حطت ايديها علي راسها وقالت بتفكير.... مقولتليش يعني ايه مسخوطة
حسن بضحك.... متشغليش دماغك. يا كنزتي ويلا روحي العبي
كنزي.... جده ايه رايك توديني انا ومازن نروح نلعب في الجنينه بل الكورة
حسن قبلها وقال.... اللي كنزتي تحبه هعمله يا قلبي
مازن رن علي ملك وكانت بتبكي
مازن بخضه.... مالك يا ملك
كلهم ركزوا معه واتخضوا
ملك ببكاء.... كده متكلمنيش امبارح يا مازن زعلانه منك اوي يا مازن اوي
مازن كان فتح الاسبيكر علشان يطمنوا عليها
مازن بحب...... متزعليش يا ست البنات انا بس كنت قاعد مع جده وتيته وكنزي ملقتش فرصة اكلمك معلش متزعليش نفسك يأما مش هاكل ولا اشرب غير لما تقوليلي مسمحاك يا مازن
ملك بحب..... لا خلاص مسمحاك يا مازن كنزي لسه موجوده ولا مشيت
مازن..... لا موجوده.
ملك بسرعه..... طيب ايديهاني بسرعه
جده حسن اخد الفون وقال.... طيب كلمي جدك وجدتك الاول يا بت
ملك كانت متحفزه معاهم علشان منسيتش معملتهم معها
ملك..... معلش يا جده اصلا بقلنا كتير متكلمناش
حسن كان عارف ان ملك مش قادرة تعملهم زي ما بتعامل كمال وسعاد بسبب المعامله القاسية اللي كانوا بيعاملوها بيها
حسن بحب..... ولا يهمك يا ست البنات عامله ايه وماما واخوكي عاملين ايه
ملك...... الحمدلله كويسين
فاطمة خدت الفون..... ازيك يا ملوكه عامله ايه يا بت كده متجيش تشوفني اخص عليكي
ملك..... معلش يا تيته لما اجاي اشوف مازن هبقي اجاي اشوفك انتي وجده
فاطمة...... ماشي يا ملك مستنياكي
ملك... حاضر ممكن اكلم كنزي
كنزي فاطمة ادتلها التلفون
كنزي... ازيك يا ملوكه عامله ايه وحشتيني
ملك بحب.... انتي عامله ايه انا تمام الحمدلله وحشتني اووي
كنزي..... خلاص ابقي تعالي شوفني انا كمان
ملك.... خلاص ماشي
كنزي..... امال فادي فين وحشني اوي
فاطمة بصت لجوزها و سكتت وكان مش عجبها اللي بيحصل
ملك نادت للفادي اللي جه بسرعة وقالت..... اتفضلي معاكي اهو
كنزي بفرح... فادي وحشتني اوي اوى
فادي بفرح.... وانتي كمان يا كوكو وحساني موت مس انتي قولتلي هتجي علسان تشوفني مس جيتي ليه
كنزي..... معلش لما بابا وماما يجوا هيجيلك
وفضلوا يتكلموا كتير حاولي ساعة ومازن كان هيفرقع هو و فاطمه
اما حسن كان بيملس علي شعرها وهو بيفكر يوصلها المعلومه صح وميبقاش غبي ويخوفها منه
بعد ما خلصوا مازن كلم فادي وسلم عليه
حسن وهو حاضن كنزي...... كل ده كلام يا كنزي
كنزي.... اصله وحشني أوي ومتكلمتش معه من زمان
حسن حضنها وقال....... ماشي يا ستي يلا روحي البسي علي ما مازن يخلص وجبه ونخرج كلنا ناكل ونتفسح بره
كنزي حضنته. .... حاضر حاضر
وسابتهم ودخلت جوه الاوضة تغير
حسن..... روحي يا فاطمه اجهزي يا لا
مازن.... انا كده كده خلصت الواجب وهي بتتكلم
حسن.... خلاص روح اجهز انت كمان
مازن.... حاضر
♥♥♥♥♥♥♥♥♥♥♥♥♥♥
في الشركة عند قاسم كان شاهين بيضحك من قلبه علي عمايل اسر في ابوه
شاهين بضحك...... طيب وللهي انا بحب الواد ده من قلبي كده
قاسم..... انت بتضحك يا شاهين
شاهين بضحك...... يا عم متبقاش قفل الواد بيهزر معاك متبقاش قفوش
قاسم ضحك. وقال.... ياعم اسر بذات ليه معزة لوحدها كده في قلبي بس شقي اوي يا شاهين و الولا يقولي لو مخدتش حسام للدكتور نام جنبه علي طول واد مش عارف مصنوع من ايه لا وكمان لو مكنتش اخته قالتي مكنش اتكلم وكنت هاخد الواد حسام للدكتور فعلا
شاهين بضحك.... خلاص ياعم كل اما افتكر اضحك
قاسم..... طيب نتكلم في الشغل بقي الصفقة الجديدة دي انا عايز اكسبها يا شاهين اتصرف وبلاش كسل انت اللي هتسافر بره
شاهين.... اوكي يلا تقلق
قاسم.... مش برتحلك من الكلمه دي
شاهين.... لا ارتاح
الي هنا وانتهي البارت
