မိုးစက်တို့အားလက်ဖဝါးသို့ခံရင်းသဘောတကျပြုံးမိလေသည်။
ပိုက်ဆံ၁၅၀၀ကိုလက်ထဲဆုပ်ရင်းတစ်ဖက်ကထီးအကြည်လေးအားကိုင်ရင်း။
ရွှေအိုရောင်ဆံနွယ်များသည်ကျောလယ်ထိချထား၍ပြောင်ရှင်းသောနဖူးပေါ်နေမည်ကြောင့်
Bangများမျက်ခုံးထိချထားလေသည်။
ယောက်ျားလေးတစ်ယောက်လိုနေရသည်လည်းမကြိုက်။
သို့မဲ့အဘယ်ကြောင့်အမျိုးသမီးတစ်ယောက်အားမေတ္တာသက်ဝင်မိပါလိမ့်။
ထိုအမျိုးသမီးအားနာမည်မေးရမည်။
ချစ်ကြောင်းပြောရမည်။
ချစ်ကြောင်းပြောရမည်မှာစောလွန်းလေသလား။
ပေါ့ပေါ့တွေးနေလိမ့်မလား။
ထိုအမျိုးသမီး။
"အန်တီ့ကို၁၅၀၀လါပေးတာ.."
"ဟင်.."
ဒေါ်မြဝါဆိုလန့်သွားမိသည်။
မနေ့ကဝင့်ဝါ၏စနောက်သံကြောင့်ဖြစ်လိမ့်မည်။
'အန်တီမြတော့မနက်ဖြန်၁၅၀၀ရတော့မယ်
ဟူသောကျီစယ်ကာစနောက်သံကြောင့်။
သူမကထိုအတိုင်းရိုးရိုးသားသားတွေးသည်ကိုဝင့်ဝါကမည်သို့အဓိပ္ပယ်ကောက်လိုက်လေလည်းမသိ။
ထိုကလေးမနဲ့တော့ခက်သည်။
"မနေ့က၆၅၀၀ပေးရမှာလေ..အန်တီရဲ့..ကျွန်မက၅၀၀၀ဘဲပေးသွားတာလေ.."
"အော်.."
လက်ထဲသို့တစ်ထောင်တန်တစ်ရွက်နှင့်ငါးရာတန်တစ်ရွက်ရောက်လာမှသက်ပြင်းအားခိုးချမိလေသည်။
"စိတ်မရှိရင်..ကျွန်မအန်တီနဲ့ရင်းနှီးလို့ရမလား.."
"ဟင်.."
ဝင့်ဝါကတခိခိနှင့်ရီနေပြန်သည်။
ဒီကလေးမဘာဖြစ်နေသလဲ။
"ရ..ရပါတယ်..ကလေးရဲ့.."
"လုပ်ပြန်ပြီ..အန်တီတော့..နာမည်ကရှည်နေရင်..မောင်လို့ဘဲခေါ်လေ.."
"နွေခတ်...နွေခတ်လို့ခေါ်မယ်နော်..အန်တီ့နာမည်ကမြဝါဆို.."
မိုးစက်တွေနဲ့အစပြုခဲ့တဲ့တွေ့ဆုံခြင်းက
မြဝါဆိုဟူသောအမျိုးသမီးတဲ့။
"ဟုတ်ကဲ့..အန္တီ...ဒါဆိုကျွန်မအလုပ်ကလေးရှိသေးလို့..ကျွန်မနဲ့အန်တီရင်းနှီးပြီနော်.."
YOU ARE READING
ရင်ခုန်ခြင်းအစ..ဒေါ်မြဝါဆိုက..♥
Short Storyဇာတ်လမ်းဇာတ်ကွက်မပါဘဲဖန်တီးထားတဲ့အမျိုးသမီးနှစ်ယောက်ရဲ့အချစ်ဇာတ်လမ်းပါလေ။ [မိုးစက်တွေနဲ့အစပြုခဲ့တဲ့တွေ့ဆုံခြင်းက 'မြဝါဆို'ဟူသောအမျိုးသမီးတဲ့။] #Zawgyi ဇာတ္လမ္းဇာတ္ကြက္မပါဘဲဖန္တီးထားတဲ့အမ်ိဳးသမီးႏွစ္ေယာက္ရဲ႕အခ်စ္ဇာတ္လမ္းပါေလ။ [မိုးစက္ေတြနဲ႕အစျပဳခဲ့တဲ...
