حتى مطلع الفجر

الورد الثامن

السلام عليكم
نازك الحمراني

إنَّ للقُلوبِ صَداءً كصَداءِ النُّحاسِ
فاجلُوها بالاِستِغفارِ
-مولانا الصَّادِق صلواتُ الله عليه.
....
بعد كلام سمعته منه من شفته بيتهم فرحت بيه

وعرفت بيه هو يبادلني نفس شعور
كملنا الحنه والهوسه وصعدت غرفتي لأن تعبانه كلش

ماانام الا ازور صفحته على انستغرام لكيته ناشر ستوري

(إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا)
حتى الآيات القرانيه الي ينشرهن بيهن راحه ومحبه

تمددت اريد انام احس شعري ينشد بقوه حاولت اسحبه مكدرت صحت يارب كدرت اسحب شعري كمت بسرعه اريد اركض صار صوت صراخ وخيالات تروح وتجي تخطف من يمي باب الغرفه صار يندك حيل وياه صياح مرعب

مغمضه عيوني بقيت واكفه وابجي فتحتهن واشوف خيالات لا أجسام غريبه تتحرك جوه جربايتي اخاف ادنك ويطلع شي مرعب

انداريت اطلع من الغرفه صارت شبيهي جدامي واكفه يم الباب ماتخليني اطلع ماده ايدها تمنعي تقربت عليه بكل خطوه تكطع شعرها وتصرخ مدت ايدها دفعتي حيل وكعت يم ميز الاحذيه جرت فروة رأسها وصاحت من الوجع

-كله منج كله منج الا اموتج وارتاح. كله منج شعري يحترك هجمو عليها الاجسام الغريبه طلع عدهم اسنان صارو ياكلون براسه وينتفون شعرها

فزيت خايفه متوجع كعدت راسي اذاني من الدفعه لكيت ضوه الشمس داخل من الشباك ساعة ايدي بلكاع سحبتها ساعة ٨ يعني جنت اتحلم بس ليش جسمي هيح ياذيني

خفت وتاذيت مااكدر استوعب الي جاي يصير ويايه معقوله اتخيل معقوله حلم زين وذا حلم ليش يتكرر شنو مطلوب مني

حالة رهبه بكل جسمي بس اني اعاند واعرف بنفسي مااحب شي ينفرض عليه
اله اسويه بقناعه تامه

كمت وتعوذت من الشيطان راح اخذ نصيحة سيد يعسوب البارحه ناشرها فتحت موبايلي رحت على الانستا مالته وقريت نصائحه

من ضمنهن كاتب عندما تخف ضع يدك على صدرك واقراء سورة الانشراح ثمره هذا الدعاء (اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لاَ إِلَهَ إِلاَّ أَنْتَ. اللَّهُمَّ إِنِّي أَعُوذُ بِكَ مِنَ الْكُفْرِ، وَالفَقْرِ، وَأَعُوذُ بِكَ مِنْ عَذَابِ القَبْرِ، لاَ إِلَهَ إِلاَّ أَنْتَ)

حسيت بشعور غريب بس ارتاحيت كلش تذكرت عندي محاضرات ورغم بعدني متكسره تكسر لازم ابدل ورايه روح للجامعه

رحت ركض للحمام غسلت وجهي بصابونة لا استخدمت غسول ولا شي طلعت ملابسي لبست كيلوت لونه رصاصي وقميص ابيض ولبست أحزام رصاصي مشطت شعري بسرعه