حتى مطلع الفجر

الورد الرابع

السلام عليكم
نازك الحمراني...اشكر كل من عزاني بوفاة عمي الله يرحمه.. وهمات حابه أكلكم رغم ملتهيه بلفاتحه بس جاي اكتب لان القصه دينيه مابيها شي مخالف ويارب يجعلها ميزان حسناتي وحسنات امواتي..

يوزر أنستا تبعي nazik_al_homrna

‏وَلَعَلَّ الَّذي اَبْطأَ عَنّي هُوَ خَيْرٌ لي ‏لِعِلْمِكَ بِعاقِبَةِ الاُْمُورِ..

انصدمت من كال سيد يعسوب

ـ يعني بابا هذا الصوتة حلو هوة نفسه سيد يعسوب
ابو سبحه

-اي بابا هو نفسه

ـ تقصد هذا الفلاح العدنة

ـ ليش تكولين فلاح بنتي عيب

ـ ليش جذب هو فلاح عدنة

ـ زين انتِ ليش مخبوصة و تسالين

ـ لان متوقعت هيج صوته حلو

ـ هو طالب علم ويدرس حوزة واكيد يدرسوهم فن الالقاء والخطابة

.. بقيت مدري شبيه وجهي فاهي دهشتي مكدرت اتحكم بيهه وبينت بوجهي
راسا اجى بأذني صوت مصعب 

ـ ها صووولاتي  ليش صافنة   

جاوبته
-وانت شكوو شعليك

-انا شكووو وشعليه شنوو شكو مخبووصة بهذا الماعندة شغل وعمل

رد ابو اسماعيل
ـ ليش هيج تحجي على يعسوب منو كلك ماعندة شغل وعمل

ـ اي عمي انت متعرف هالنماذج لاشغل ولا عمل يروحون يدرسون هالسوالف حتى يتكسبون براس العالم وينطوهم جم فلس على هالخريط

ـ  لاتكول خريط مصعب أتأدب من تحجي هذا دينا وهالناس وضيفتهه تعرفنه بدينة

ـ يمعود عمي هو منو ميعرف الدين نصلي خمس اوقات ونصوم

ـ ههههههه الله شكد حلو دينك وسهل

ـ هاي شبيك عمي شنو دينك قابل من ديني غير دينكم

ـ اذا دينك بس صوم وصلاة اي يختلف

ـ لا عمي ابو اسماعيل اليوم صاير بمكان يعسوب

ـ ابني الصلاة ان قبلت قبل ما سواها وان ردت رد ماسواهة ولاتتخيل صلاتك التأديهه مثل نقر العصفور هاي ممكن تنقبل والصوم اذا ميروضك ع ترك المنكرات فمامنة فايدة

ـ ااااي ياعمي هسة اليسمعك يكول بس انا اسوي هالمنكرات

ـ شوف حتى متريد تحس بالذنب وتقيس بكلمة مو بس انا اسوي المنكرات شنووالفايدة من صيامك بلنهار وانت تخلصهه تشيل ذنب هذا وذاك بالغيبة والبهتان والضحك ع الناس ..

ـ عمي فدوة ماالي خلك اسولف بهالامور صايم وتعبان

التفتت عليه مصعب وكال
ـ وانتي اللخ اشبيج بعدج صافنة شنو اول مرة تسمعين سيد يلقي خطبة