السلام عليكم
نازك الحمراني
بس مستمره كأنما هي تريد تعذب نفسها رأسها كله احترك بحيث صار فحم وظهرت الجمجمة صار شكلي مرعب اي هذا شكلي هاي اني احترك بالمراية وجسمي يوجعني الالم البية خلاني ابجي واصرخ وافرفح من الوجع
اشلون انقذ روحي يمكن انا متت وهاي اخرتي هاي عاقبتي اشوف لايدي مبيهه شي بس بالمراية مشوهه ومحروكة وشبيهتي تاكل بنفسهه نفسي لعبت والوجع بجسمي انتبهت للمراية الشعر رجع طول ورجعت لزمت جداحه وشعلتهه ورد حترك مره ثانيه وكلما يطلع شعرهه تحركه وتصرخ من الوجع وانا اصرخ وياهه
حسيت أنفتح باب غرفتي و دخلت امي ونبأ اريد اركض عليهن ماكدر احسهن بعيدات وصوتهن مو واضح وانا على وكفتي ماكدر اتحرك
اشوف شبيهتي بعدها واكفه تاكل لحم جسمها وتمضغه مثل مضغ الكلب التفتت (الشبيهه) على دخول ماما ونبأ خزرتني خزره كل جسمي نفض منهه بدت تتلاشة من المراية وانا نسحبت من رجليه ماعرف منو سحبني وشلون هيج انسحبت سحبه سريعه بحيث وصلت للجربايه فزيت بس اخاف افتح عيوني اسمع صوت نبأ تصيحلي
ـ صولااتي شبييج
.. فتحت عيني نص فتحه
الظلام بعده بالغرفه بس فززني صوت امي وهي تصحيني
- ولج معصومه معصومه بنيتي كعدي يمه اسم الله يوم كعدي شبيج تونينن
... اريد احجي احس الساني معكود ايد امي على خدي تضرب بيه وتصحيني وانا اريد اصيح واجاوب بس ماكدر اريد يخلصوني من وجع جسمي المشنج مااكدر احرك ايدي
رجعت مغمضه عيني واخاف افتحها واشوف (الشبيهه)
صار صوت امي واضح تصيح بأسمي اريد احاجيه وارد عليهه ماكدر انطق شديت حيلي وكلت بداخلي اشهد ان لا اله الا الله واشهد ان محمد رسول الله راسا لساني انفك وكوة طلعت مني كلمه وحده بالكوة حجيته حتى تبطل ضرباتهه على خدي لان خدي يوجعي من الحرك
جاوبتهه وارتميت عليهه حضنتهه من الخووف
ـ ماماا
ـ ولج شبيج يمة اسم الله الزهرة شصاير وياج شبيج شنو هذا النوم الثكيل اليوم
_وين انا يمة بالقبر مو
ـ ولج ياقبببر ياستااار ياححاافظ شنو هالخرابيط
ردت نبأ
ـ مبيهه شي تدلع صولا
ـ اخ اخ اخ يمه جسمي يوجعني اخ راسي شعري شعري محترك ماما كله احتررك صدري زنودي لحمهم اكلته اناا اكلت كــل لحم جسمي نفسي تلعبب يمةة
- ياررب دخيلك شهالخريط الكاعد تحجي ولج شبييج شبيج يمه كولي ياالله لاتضلين تحجين هالحجي الممفهوم كولي بسم الله وافتحي عيونج
..فتحت عيوني بس خايفه اشوف شبيهتي بعدهه موجودة اسمع امي ونبأ يرددن
ـ ولج فتحي عيونج جبانة شهالخوف
أنت تقرأ
حتى مطلع الفجر
Spiritüelاللهم اثبت رجائك في قلبي. واقطع رجاء من سواك عني. حتى لا ارجو ألا. اياك. ولا اثق ألا بك
