حتى مطلع الفجر

الورد الحادي عشر

السلاَم عليكم
نازك الحمراني
واخرجنا من رمضان بغيرِ القلب الذي دخلنا بِه، بقلبٍ اقوى من أن تكسرَه خيباتِ الحياة لا يهزم ولا يضعف، ولا يميلِ إلا إلى بابك، ممتلئاً بحبك أنت وحدَك يــا الله

سيد يعسوب.. طلعنا من البيت انا و زميلي حامد بعدنة براس الدربونة ورن تلفونة شوي ابتعد عني وجاوب وانا كملت طريقي بهداوة انتضرة ثواني وصاحلي

ـ يعسوب لازم اروح هسة صار عندي شغل وراجع للبيت

ـ ان شالله خوية الله وياك..
راح بطريقة وانا رجعت المقام امير المؤمنين لان مابقى ساعتين على أذان المغرب يادوب الحك الكة مكان  واوكف اصلي بالصفوف الاوليه ..

تمشيت بالداربين القديمة الحنين اخذني لشي معين ماكدر اكتمة بقلبي اريد اروح لحظرة الامام لكن اقدامي مثل القدر جاي تاخذني بلا مرسى

الجو بارد شهر كانون الأول بردوة ادك بالعظم اجة بأذني صوت مألوف عليه لكن مكدرت اتعرف عليه بسهولة شميت عطر انتشلتني من حزني ..اخذتني دكات كلبي لهواي ذكريات  بقيت اردد دعاء بسري

((أللهُمَّ ارفعني ولا تـَضـَعْنِي وادفع عني ولا تـَدفـَعْنـِي وأعطِني ولا تـَحرمني وزِدني ولا تـُنـْقـِصْني وارحمني ولا تـُعـَذِبْني وفـَرِّج هَمِّي واكشف غـَمِّي وأهْـلِكْ عَدُوِّي وانصرني ولا تـَخـْذلـْني وأكرمني ولا تـُهـِنِّي واسترني ولا تفـْضـَحني وآثِرْني ولا تـُؤثِـرْ عَلـَيَّ واحفـَظني ولا تـُضـَيـِّـعْني فإنكَ علـى كـُلِّ شيء قـَدِيرٌ ))

وكفت على اثر صوت هاالبنيه المألوف الفه قلبي وعقلي وهي اسمعهه تسأل عن مكان باب القبله لازم ابتعد
لان مااريد اتوهم او اتخيل

حاولت اترك الأمر وامشي بطريقي بس باب القبله حسبت مشي نص ساعه عن هاي الداربين اذا مشي سريع وذا بطيء تلث ارباع الساعه

مشيت بسرعه اريد اوصل للركن لان صوت البنت مألوف بس مكدر اتعرف عليه لهنا واقدامي اخذتني طائعه قلبي
وصلت واشوف معصومه خايفه بايد ترجف

قلقه وواكفة تسأل رجال جبير بلعمر عن الاتجاه شكلهه متوتره مثل طفله مضيعه أهلها

لبسها وهي بهذا المكان المقدس ابد مو لائق  تقربت عليها اسلم

-السلام عليكم

ألتفت بصوت هائم، ونبره متوتره، وبحة مرتبكه همست

ـ سيددد يعسووب

.. الرجل من شاف معصومة تعرفني باوع

عليه كال

-ها مولاي الخانم تقرب الك يعني أطمأن

-نعم هي صارت البنت بأيادي امينة
تقربت عليه متفاجئة متكدر تنطق كلمة على بعضهه

وبنفس الوكت الفرحه ترست وجهه ترس تمنيتهه حلالي حتى اتمعن بعيونها بخلجات وسكانات وجهه اشلون يفرح