حتى مطلع الفجر

الورد الحادي عشر

السلام عليكم
نازك الحمراني

سيدي يا ابا صالح ياصاحب الزمان

هناك قلوب قد اوجعتها قساوة الحياة
سيدي ضع يدك على تلك القلوب المنكسرة فتعود كما كانت وتنير بنورك مولاي
معصومه ..
مرت الاشهر والايام ثكيلة عليه وابد ممرتاحه ابيت اهلي لان كل يوم جدال ويه بابا حتى يأخر او يلغي خطوبتي من مصعب ماعرف شنو عجبه بيه شنو شايف بيه وهيج مصمم يصير من نصيبي

بهاي الفتره هواي تغيرت تغيير جذري مثل ميكولون صديقاتي من اروح للجامعه اروح بلعبائه ما اكذب بالحقيقة ماغيرت ملابسي لكن اشتريت عباية ثانية وية عباية سيد يعسوب وصرت اخليهه فوك ملابسي ورهمت حجابات وياهه

كلما اتعثر بيها اشوف نشر سيد يعسوب للعبائه كل بوم الصبح ينشر ستوري شكل
كاتب(لا تحتاجين للكثير؛  أنتِ مُشعة بضِياءٍ سَّمَاوي بحدِ ذاتكِ يا ذات العبائه)

وهنا عبائة سيد يعسوب هي ذخري وحتى صرت اسمع محاضرات دينيه وعرفت ليش الكل يحارب لبس العبائه الزينبيه وليش صارت تطلع بيها فيكات

لان هاي عبائة مولاتي الزهراء عليها السلام وعرفت القوه الي  تهبها العبائه العراقيه الزينبيه خلتني اعرف مقصد مولاتي الزهراء(عليها السلام)من كالت
(ودفع ضالمي بردائي)

احتفظت بعبائة سيد يعسوب ماالبسها اله من اروح ويه أمي الزيارة مقامات المباركه مثل مقام المظلوم الشهيد بن زيد او نبي الله ذي الكفل

صارت عبائتة مثل حافز كلما الشيطان يريد يلعب بعقلي ماالبس العبائه اخذ عبائة سيد يعسوب والبسها او مجرد مااذكر الموقف أكول الله سبحانه. مااكو شي اسمه صدفه

أكو شي اسمه سبب وأسباب
أو احد اسباب الي خلاني رب العالمين التقي بسيد يعسوب حتى تكون سبب لألتزامي بلعبائه او أحد التزامي بصلاة هو من خلى السيد عطر المسك حتى التزم بصلاة

مو بس العبائه غيرتني لا خلت اليه هيبه وحشمه عمري ماحاسه بيها قبل 

بحيث مره من المرات من رحت للجامَعه كاعده على كرسي بحديقة الجامعه اراجع محاضرتي

اجو طلاب مرحله ثانيه مايعرفوني بس اني اعرفهم من العام اجو مشغلين أغاني
ضجت ومااريد اكوم لان الكي كروبي القديم واني ابتعدت عنهم لان همه نفروني من لبست عبائه

اضايقت وين اقراء سمعت واحد يكل للثاني عيب ولك خلينا نروح هناك لان العلويه كاعده تقرا

صفنت على نفسي  كال علويه واني عااميه مو علوويه بس عرفت حبي وكل. احترامي للعبائه انعكس على وجهي بحيث طفو الاغاني احتراما للعبائه

صرت احب الصلاة ومااصلي اله من احط عطر المسك اخذته من والدي من خلص احتاريت منين اجيب منه