حتى مطلع الفجر

الورد الرابع عشر ماقبل الاخير

السلاَم عليكم
نازك الحَمراني....نشرت بلا تعديل البارت قابل للتعديل انتظرو البارت الاخير

كنت حبي اما الان أصبحت شخصاً آخر لن أستطيع أن أرسل لك أي رسالة تهنئة عيد،هذا العيد لن نتبادل الهدايا ، ولن نأكل الكعك معاً ، لا أستطيع أن نسخ او أصمم لك صورة فيها أسمك ، لن أقول كل عام وأنت عيدي ، لن أمر من اما بيتك متحججه هذا العيد سيكون مختلف جدآ ، ليس لأنني تغيرت بل بكل بساطة لانك كنت حبي وانا لغيرك زوجه

بعد قرأت الأيات كوه كدرت أولد
بلحظتها نسيت الألم نسيت كلشي لان سمعت صوت أبني حسيت العوض بتعبي هذا الطفل
باوعت الاني

-وين ابني يمه

-هسه تجي

-يمه وليدي وينه

-والله هسه تجي

بعدني دايخه من الوجع وماما تكلي هسه تجي وسمعت السستر كالت البنيه بلخدج اخذت غفوه ولأن مستشفى اهلي مجهزه غرفتي بكل انواع التجهيزات المريحه

بقيت غافيه ماعرف شكد نمت فزيت موجوعه من الخياطات الداخليه
فتحت عيوني على صوت بجي الطفل  فرحت فزيت كاعده لكيت ام مصعب وماما يم الكركوت

كتلهم
-ابني اريده

ام مصعب كالت بضوجه

-اي رضعيها عيني

همست
-هاااا ابنيه

امي جاوبت

-اي يمه ابنيه
رفعت راسي

-الحمد الله ياربي اي شي منك اهم شي تامه الخلقه
دخل مصعب ركض عليه باس راسي فرحان

-مبروك حبي حمد الله على السلامه جنت بشغل جان اجيت حبي وين ابني
جاوبت أمه بخباثه

-ابنيه اجت مو ولد عيني

جاوبتهم
-خاله ابنيه ولد نعمه

كال
-لاااا ولد بسونار شفنا
الممرضه جانت تركب المغذي

كالت
-عيني هواي تصير عدنا سونار ولد وتالي تطلع ابنيه

-اريد بنتي اشوفها

-امي جاوبت

-شنوو تسميها

ابتسمت فرحانه

-كوثر ماما

-عاشت الاسامي يجنن

-بس وين بنتي يا ماما

-هسه رجعوها للخدج بس ينضف صدرها لان العينتين تأخر علينا

صاح مصعب

-شنووو ابنيه هااا شنوو
ماكمل كلامه طلع سد الباب حيل
ماضجت من تصرفه ماعرف ليش لان بصراحه اي شخص يأذيني مره اتوقع منه الاذيه كل مره يجوز لان ماستغربت تصرفه ةوتوقعته حيضوج فماضجت