mment + vote for the story + like
let's start
ـــــــــــــــــــــــــــــــــــــــــــــــ
فات اول يوم بعد اول مره نتحمل الضرب او حد يمد يده عليا تعودت عالضرب والاهانه والدل اربعه اشهر واني مش في حوش جدي لالا وكاني في سجن تحت التعديب تعرضت للحرمان من الاكل ولما معاش لقو معاي وسيله يهددو فيا باختي لانها نقطه ضعفي تراجع وزني وركبتني حاله نفسيه نضم ونصوبن ونظف الكليه نسيتها اصلا طلوع من الحوش ممنوع حت لما يجي عندهم حد اني ممنوع نطلع واميره بعدت عليا كل البعد وكانها ماتبيش يصيرلها زيني حت صغار عمامي وعماتي يلي كانو يدحنسو عليا باش غر نرضى عليهم وياخدو رضاي بدو زي اهلهم يستغلو فيا وهازيين عليا اني هني خلاص معاش قدرت نتحمل خاصه بعد هالليله
كنت راقده فالمخزن لان هدا المكان يلي عطوه ليا طلعوني من الدار يلي نرقد فاها مع اميره بحجة اني ناقصه ربايه واني راقده نسمع في صوت عماتي الزوز واقفين مع زيد ولد عمي خالد
زيد: لكن لو عرف جدي شن حيصير
سعاد: انت تباها وهوا رح يجوزهالك اكيد
زينب: حنوقف معاك ونقول كدابه وهيا غراته ومن لكلام هدا
زيد: بس
سعاد: شني شكلك مش راجل ولا خايف
زيد: ااا باه خلاص اعتبرو الموضوع تم
زينب: بعد لا ياخد منها اعز ما تملك شوكتها تنكسر وتشوفي كيف تبدا
سعاد: وهيا فالحه غر في كبريائي كبريائي هههههه
زينب: ضحكت معاها ضحكه خبيته ههههه
ــــــــــــــــــــــ
نضت نرعش وخايفه لوين وصلت بيهم الوقاحه لبدت ودرت ان في حد راقد في مكاني حطيت وسايد وغطيتهم
خش زيد وقعمز جنب راسي كانه يفكر كيف بيبدا
زيد: مد يده بينحي البطانيه لقاهم وسايد ناض دور دور مالقانيش طلع جو عماتي يدورو معاه يحسابوني هربت طلعوا استنيت نص ساعه مشيت لحوشنا كسرت شباك داري خديت نقالي واتصلت ب خالي حسن واني نرعش
سمعت صوت راجل كبير
اني: السلام عليكم
حسن: وعليكم السلام
اني: اسفه اتصلت بهالوقت بس نبيك تساعدني
حسن: من انتي
اني: خالي هدي اني مياس بنت خلود اختك
حسن: شن نوع المساعده يلي تباها
اني: وصوت البكي غالب عليا ••••••حكيتله كل يلي صار معاي من لما مشي بوي لليوم وان معاش قادره نتحمل
حسن: ونتي وين توا
اني: في حوشنا الاول هربت هني
حسن: بري لدار عارفه انها صعب تنفتح واني طالع لعندك ماتخافي من شي حاولي تحافضي ع روحك بس
اني منهاره عالاخر ونبكي خطرت عليا فكره ممكن نحمي باها روحي لعند يوصل خالي
ـــــــــــــــــــــــــــــــــــــــــــــــــــــــــــ
في حوش خالي
حسن نزل للصاله ولع الضي وجمع العيله اللي هيا
حسن عنده زوز ولاد كبار وبنت
محمد وهاشم وامل
وخالي علي
عنده تمارا وايهم و اويس ونهاد
وخالتي ريم وغزل وجدي محمود وجداي تريه
حكالهم اللي صار وكل شي قلتهوله
جدي: مهما صار هدو بناتنا ومن دمنا
جداي: هدم قطعه من كبدي جيبهم يا محمد فقدت بنتي نبي ريحتها وبدت تبكي
علي: وشن نستنو من هنايا للمغرب غدوه يالله نوصلو فيهم
محمد: مستحيل اني رح ندير راي ونوصل فيهم قبل لا حت ينوضو
علي: طيران
هاشم: واني معاك
خدي محمد الرقم من بوه وطلع هوا وهاشم والباقي قعدو يستنو شن حيصير
ــــــــــــــــــــــــــــــــــــــــــــــ
مياس شغلت النت وفتحت بت مباشر عشان ماحدش يتجرأ ويأداها ولانها طالبة طب ودكيه وعندها شعبيه من اول دقيقه البت متعها رقي للعشره الاف مشاهد وين شافوها مرام واسيل وباقي لبنات مشو يجرو لجدهم
ناضت العيله كلها ويستنو فاها تفضحهم وهما يحاولو يديرو اي شي يوقفاها بيه وزيد كان خايف اكتر شي
مياس: استاحشتكم هلبا فانزاتي واصدقائي بس الفتره الاخيره كانت صعبه عليا شويه فتحت بت فالوقت المتاخر هدا عشان نقوللكم اني اني خايفه ونبيكم تدعموني لو صار عليا شي تكونو شاهدين وتقدمولي المساعده
طبعا مكانش وجهي باين بس يديا وجزء من جسمي
بديت نعيط لما نفتح باب حوشنا هني البت وصل لمية الف مشاهد بسبب المشاركات بديت نعيط ونقوللهم باب الحوش نفتح وفي حد خش وجهت الكاميرا عالباب
هكي هما خافو ينفضحو هدو قعدت فاتحه بت لعند الساعه تسعه الصبح نقالي شحنه عشره فالميه خلاص هنايا بديت نشوف في اخرتي
فجأه اتصل بيا رقم قعدت متردده بس رديت
الو
: اعطيني نعتت حوشكم بسرعه
اني: من انت
محمد: ولد خالك حسن
اني: بعتتلك اللوكيشن
محمد: تمام
فاتت ساعه شحني واحد فالميه خلاص نهايتي قربت نسمعفي صوت زينب
زينب: تعالو هدا في زوز شباب يقولو جايين يبو مياس واميره ويقولو انهن ولاد خالها
اني: تنفست براحه
شويه وخشو عمامي وهما متكنطيين طلعوني واني نرعش لقيت زوز ولاد واقفين ومعاهم اميره تشوفلي بنظرة حقد وكاني جبرتها تعيش عندهم مش هيا جبرتني
محمد: وصلت وني وهاشم العشره قدام الحوش واني مش عارف شن بندير بعد يلي سمعته نبي نشد الولد يلي تهجم علاها وننهيه بدون حت لا نعرف من هما طقيت طلعتلي مرا وين قلتلها اني خال اميره ومياس بدت صفره ومشت وحده تانيه تجري لحوش قريب منهم قلت لهاشم انت استنى هني وتوا نجي
لحقتها ولقيت العيله كلهم فالحوش هدا وفي بنت تبكي وحاضنه روحها وكان خايفه من شي حسيت انها بنت عمتي مانعرفش مجرد احساس قلت مياس؟؟
رفعت راسها عيونها خضر بس كانو حمر واجد لدرجه ضعت قاتلي لا اميره اختها
محمد: ليش من الاول ماكلمتيش خالك مش افضل من عيشتكم هنا
اميره: عن اي خوال تحكي ادا كان حت مانعرفش شكلهم او حت نعرفك من تكون عن اي خوال اللي لا دورو لا سالو لو عايشين صغار اختهم او اموات
رقيت من الدروج لقيت زوز تريس شادين بنت في مقتبل العمر ويهزبو ويهددو فيها قامت راسها ومكانوش عيونها احسن من اختها بالعكس هدي واضح عليها التعب كانو عيونها حمر والارهاق تحتهم ينادي من بعيد وجها اصفر بس مع هدا كانت قويه وتعاند
قربت وقلت مياس
مياس: محمد طلعني من هني ارجوك هدم وحوش مش بشر
ع لطفي: من حضرتك
محمد: محمد حسن ال،،،،
خالد: والمطلوب
محمد: في امانتين لينا هني وجايين بنستردوهم
لطفي: انت غالط صغار خوي مستحيل يطلعو من الحوش هدا
محمد: لما تكون اصيل وتعاملهم ع هدا الاساس قولي الكلام هضا
خالد: انت من عشان تدوي هكي
محمد: بدون كتر دوه او مشاكل وندخل فاها شرطه وبوليس ونحركلكم دوله كامله شرق وغرب خلي لبنات يجهزو رواحهم ويجو معاي
لطفي: خاف وشبح لخالد بمعنى فوتهم
نط زيد وقرب من محمد ع جتي مياس تطلع
محمد: ومنو تكون
مياس: هربت وشدت في تيشرت محمد هدا الحقير يلي كان جاي بيعتدي عليا وبدت تبكي
محمد شده وطاح فيه ضرب وخبط لين اتدخل الشيباني وبعد قصه طويله خدو لبنات حوايجهم وشن عندهم من حجات تمينه فالحوش زي دهب امهم وفلوسها واوراق بوهم وطلعو مع هاشم ومحمد بس رجعو بنفس الطريقه طيران
،ــــــــــــــــــــــــــــــــــــــــــــــــ
تعالو نعرفكم
محمد ولد خالي حسن اكبر حفيد في عيلة امي عمره٣٠سنه طويل وعريض لحيته سوده تقول عراقي قمحي وعيونه بنيات بس جماله سبحان من خلقه اعزب وماليشي في مواضيع الحب العيله اهم اولوياته وبرستيجه قدام الناس اهم شي في حياته نفوده توصل لابعد حد وعلاقاته قويه عنده معرض سيارات واكتر من فرع وعنده خدمات تانيه بس هدي الاساسيه
هاشم عمره٢٧ سنه ماهوش اقل من محمد فالجمال بالعكس عيونه ملونات وابيض مش اسمر طويل وضعيف جسمه رياضي مش اقل من محمد يخدم مع خوه في المعرض وخدمتهم التانيه مع بعض في كل شي وعندهم مصنع شاده هاشم
امل بنت طيوبه هلبا وتحب خوتها اكتر شي طويله وجسمها حلو متناسق عيونها زي هاشم ملونات كملت التانوي ونخطبت لولد عمهم ايهم ومعاش كملت او اشتغلت لان ايهم يحب المرا البيتوتيه
ايمهم عمره٢٧سنه عيونه سود وطويل ويشبه لمحمد فالشكل والصفات عنده مصنع مواد غدائيه ويخدم مع هاشم في اكتر من شغل
اويس عمره٢٤يقرا في كلية اقتصاد وحاله حال لانه متع بنات وضايع🤣يسقط في كل سنه طويل وحلو وشخصيته جلطه والبنات بيموتو عليه
تمارا١٨سنه تقرل في التانوي
نهاد توأم تمارا ومع بعض في كل شي
ــــــــــــــــــــــــــــــــــــــــــــــــــــــــــــــ
وصلنا بعد الساعه عشره مانعرفش كيف حاسه بالدنيا ادور بيا وصلت. كانو العيله كلهم يستنو فيا كانو في زوز نساوين شابات كبار لكن يبعتو عالراحه وكانت معاهم مرا كبيره فالسن وكان في شيباني الدنيا دارت معاه الواجب من تعابير وجهه والتجاعيد يلي عليه وكان في تلاته بنات مقعمزات يستنو وزوز شباب باين ع وجهم الصدمه وصلت وسلمت وكان في كمية دفا مش طبيعي بعد اكتر من سبعه شهور تعب واخيرا في مكان يحميني
حسيت بالامان حضنت جدي محمود ونهرت بالدموع مانعرفش ليش الحضن الوحيد يلي حسيت بيه احساس غريب وكاني حضنت امي مش جدي بكيت بكيت بشكل هستيري عم الصمت المكان معاش قدرت نكمل او نسلم ع حد اكتفيت اني نحط راسي ع رجل جدي ونغمض عيوني ومعاش نعلم بشي وقتها الين تاني سوم نضت ع صوت ضحك وهدرزه فتحت عيوني لقيت روحي في دار وع سرير ومتغطيه الله قداش ليا ما حسيتش براحه هكي طلعت واني مصدومه لقيت العيله قاعدين يفطرو وين شافوني قعدو يضحكو عليا كيف نشوفلهم😳
اني تحشمت ورجعت لنفس الدار
لحقتني اميره
اني: اميره حبيبتي استاحشتك عارفه انمكانش قصدك تتخلي عليا بس مكانش عندك خيار تاني
اميره: ياريتك متي وماعرفتك الله ياخدك كرهتك وكرهت اليوم يلي جيت فيه اختك ابعدي عليا وانسي ان عندك اخت وضربتي كف وطلعت
اني: مصدومه ومش مستوعبه اللي قاعد يصير وفجاه الدنيا بدت ادور بيا وتراكمت القصص عليا وهوب معاش نعلم باي شي
محمد: ليش ضحكتو عالبنت خشت هربت منكم
هاشم: غلط يلي درتوه نوضو تاسفو منها
تمارا و نهاد: مكانش قصدنا
اويس: البنت طرف النم حت وهيا مصدومه ينات غريان عسلل
ايهم شافله بمعنى ضم فمك
اويس: شن تشوفلي معقوله الواحد عنده عسل هكي فالعيله وما يعلمش بيه
ناضت امل بتشوفها عيطت بعلو حسها هاشم محمد مشو العيله يجرو باستتناء اميره يلي قاعده تاكل ولا هامها يلي صاير
خش محمد يجري وقت شاف مياس طايحه خداها في حضنه وطلع يجري للصاله رشو ع وجها الميه وجابو الريحه ماصحتش
محمد: هاشم ولع السياره
هاشم: طلع يجري ووراه محمد وايهم
طلعو للمشفى علي طول
محمد: ها دكتور شن طمني
الدكتور: البنت عندها انهيار عصبي ومش قادره تتخطى صدمتها
هاشم: المعنى
الدكتور: البنت واضح انها متعرضه لصدمات وجسمها مرهق وضعيف معاش عندها قدره تتحمل
لازم تقعد هني لين ترد صحتها وننصحكم تعرضوها ع دكتور نفسي ••••••
أنت تقرأ
غرباويه بقلب شرقاوي 🤍❤+🔞
General Fictionالحب حلو بس لما يكون لشخص ممنوع عليك يبدا كابوس مؤلم صعب تفيق منه ويدمرك كليا
