غرباويه بقلب شرقاوي 🤍❤+🔞

last part

Like the story, vote, and sweet comment between the paragraphs, please, not an order ..... 
بعدما بديت نبكي بعد عليا قرب عيوني ومسح دمعتي بشفافه
محمد: عارفك عانيتي بسببي وبسبب عيلتي وحبي ليك وعارف انك حتزيدي تعاني برجعتك معاي بس ارجوك اللحظه هدي خلاها تقعد سعيده في داكرتي ابتسمي انسي كل يلي صار معاك مؤقت بس
اني: بعدت عليه هه انت بروحك قلت اني يلي عانيت وتعدبت واني نقولك ان لكلام ساهل هي نوض يا دوبك تفطر وتشوفلك مكان تقعد فيه نهاية الشهر اني حنكون في بنغازي عندكم
نضت لداري بدون لا نسمعه خلاص تعبت وتعدبت وقربه مني ما يدير في شي غير انه يوجعلي في قلبي وهو يلي...
فات اليوم بين تنظيم مواعيد واخد اجازات من المشافي والمصحات وطبعا طالما تاخد في اجازه من غير راتب فالكل مش حيقولك لا بس بجد اي مكان نخشله ندير شهره لروحي بشطارتي والكل يحبوني من عامل النظافه للمدير كلمت مروان وشافلي شقه قريبه ع حوش جدي وتكون مش كبيره ولا صغيره يعني زي اللي عايشه فيها حاليا
مر ع لقائي مع محمد وتنظيم اموري 13يوم
وصلت لبنغازي لاقاني مروان وعتمان وكان حالهم متغير لبسهم حلو وجوهم محلقه سيارتهم فخمه وحلوه ومبتسمين سبحان من يغير الاحوال يوم ريتهم كانو مايشبهوش لهدم ابدا اول شي عزموني ع غدي في مطعمهم لانهم دارو مطعم وكبير وكان يجنن والشيفين اللي يخدمو عنده كانو اكتر من شاطرين اكلهم يجنن وبعدها وضلوني للشقه يلي كانت فالدور التالت وبعد شارع واحد بيني وبين حوش جدي وصلت ودعت مروان وخشيت اول شي رتبت حوايجي في دولابهم ونظفت الغبره والكلام هدا لقيت الساعه6 دوشت ولبست جمسوت اسود وصاندل دهبي ولبست وشاح اسود وساعتي الدهبيه وخاتمي وتزينت بشكل حلو رسمت عين واسعه وحددت ملامحي بكنتور ودرت بلاشر برونزي وروج نود بصه اخيره لوجهي في المرايا
خديت نقالي ومفاتيح حوشي وطلعت مشي لعند وصلت حوشهم طقيت الباب فتحتلي دلال مرت خالي
دلال: اهلا اهلا مرحبتين نورتي
اني: بيك يا خالتي بستها وخشينا للصاله لقيت خوالي مش قادره نقول غير هكي او نسميهم باسماء تانيه
السلام عليكم
خ حسن: وقف اهلين اهلين نورتي وانستي يالقاطعه
خ علي: مرحبتين مياس نورتي
وسلمو عليا كلهم طلعو لبنات بعد قالتلهم سميه اني جيت جتني ماما: يابنتي والله فقدتك وغليتي قلبي عليك
اني: تسلمي عادي الانسان لابد انه يستقر فالنهايه مش موضوع يقعد من مكان لمكان ولا شن قال خالي
رد عليا خالي: اي والله يا بنتي
شويه واتصلت امي باسلام وجو لولاد بس يلي كان واضح عليهم المعاناة هما هاشم واسلام اللحيه طويله وزنهم نازل واضح عليهم التعب بشكل كبير اللي عايشها متهني ايهم سالت ع امي وجدي قالولي انهم في حجرتهم قليل وين يطلعو قلتلهم هدا غلط ان جسمهم يتعود عالخمول بعد نص ساعه بالتمام خشت اميره ااه كان وجها ابيض صافي لابسه قفطان ابيض وشاح اسود ولا نقطة مكياج في وجها متغير جسمها ومتغير اسلوبها قعدت ع ركابها قدامي شدت يديا واني مش طايقه نشوفلها في شي في قلبي رافضها رافض حت نسمعلها بس قعدت نشوفلها
اميره: مياس اسفه سامحيني نعرف اني نطلب في شي مستحيل انك تعطيهولي بس اني حنبري دمتي قدام ربي اقل شي اني ظلمتك هلبا وضريتك رغم انه عمرك ماحسبتيني مش اختك ديما تفضلي فيا عن نفسك شاركتيني في بوك وبوك مابخلش عليا لا في حب ولا ورت ولا مال ابدا لين قبل لا يموت امنلي مستقبلي اني ظلمتك بموضوع زيد وتعاملت معاك بقسوه وحت اني رجعت تامي وسلمتك لزيد عشان نكسر عينك بس ديما ربي ينجي فيك حت اني لعبت في راس ماما ترجع لبابا بعد لا تتخلص من بوك وقنعتها انه يحبها ومستعد يقبلني ك بنته ويسجلني ع اسمه وفعلا
خلود: اميره خلاص اسكتي
اني: وعيوني حمر وفي عيون خلود كملي
اميره: بعد لا رجعت تحكي مع بابا وهيا ع دمت بوك وتخون فيه حن قلبها وبدت تعشق فيه من اول وجديد اتفقت مع بابا وزورو ورق عمي محمد الطبي ودارو انه عنده مرض لازم يتعالج منه وكل شهر يعاود التحاليل كانت امي تلعب فيهم وتزيد فالنسبه وتعطي فيه ادويه تسببله في اضطرابات وضعف الين ما طاوعها ومشي معاها لالمانيا وغادي بسبب نفودها ومحمد واسمه قدرت تستلم العمليه وقتلاته في خطأ طبي تحت العمليه وبعد مراجعة العمليه تم سحب رخصتها الطبيه ومنعها من انها تمارس المهنه طول ما هي على قيد الحياة وغير هكي مشالها بابا غادي وخدي منها فلوسها وقعتله ع شن تملك غدر باها وسيبها زي اول مره بس وفي بشي واحد من كل كلامه انه قبلني ك بنت ليه وسجلني معاه وع اسمه خوتي كنت متوقعه انهم يحبوني عشان هكي بدو يتواصلو معاي بمجرد ما قلت كلمة لا ومعاش عطيتهم فلوس باعوني وتخلو عليا زمان بوك محمد علمني قيم ومبادئ وبمجرد ما كبرت عرفت انه كان ع حق واني مانستحقش ناخد اسم انسان شريف كيفه وان بالفعل ما بني على باطل هوا باطل
نضت مصدومه هما بس جملتين يلي قلتهم
كنت جايه بنصلح وضع عيلتكم بس حاليا شدو يلي حيجيكم مني وبالاخص انتي يا خلود يا اني يا انتي الين ماتوصلي لحبل المشنقه وناخد حق بوي من جلدك