جي الصبح ونضت وكأني مضروبه ع راسي ادكرت اللي صار فالليل جاني شعور مش حلو بكل نضت من فراشي ضميته وقمت البطانيه وقعد ندور في محمد شفت كل مكان دورته في كل مكان مهناش دورت دورت شي شي لما خشيت للمطبخ لقيت فطور جاهز عالطاوله ومعاه ورقه تحت كاسة العصير مكتوب فيها ما تستنينيش ارجعي لحوش العيله بس حاولي تبعدي عن مشاكل وفي النهايه خلود امك واميره اختك حاولي تتاقلمي ع وضعك الجديد مهما كان هما عيلتك وانتي ما ليكش غيرهم هنا صابتني حاله صدمه معقوله بعد اللي صار بيننا البارح يقول لي اليوم اميره اختك ههه طلعت نقالي صورت الرساله واتصلت بيه اكتر من مره نكدب في روحي لقيته حاطنبي فالحظر What an irony of fate فتت عادي مشيت الحمام دوشت ورجعت البست حوايجي كملت طريقه طلعت طلعت من حوشه طلعت من حياته قررت ان هذه النهايه بيني وبين محمد وصلت للحوش مع الساعه قرب 12:00 الظهر خشيت قلت لنور احجزي على الطيران في اليوم العصر حطيت حوايجي في شنطه فقط اللي جبتهم معاي لما رجعت من امريكا اي شيء جايبه محمد دافع فيه خليته
واني نجهز في حوايجي خشت عليا امي هههه قصدي خلود واسلام مع بعض
اني: قعمزت بدون لا نتكلم نشوف في كسره في عيون اسلام ونشوف في عيون امي حمر
اسلام: مياس يا قلبي شن ديري
اني: بنطلع من الحوش
اسلام: ليش
اني: مش ليا بكل الحوش هدا وماعندي فيه حد
امي: انتي بنتي واني امك كيف ماعندك فيه حد
اني: هه بأمارة انك قلتيلي او وضحتيلي اي شي من يلي صاير او ان اني مش بنتك او انك انتي يلي رفضتي تتواصلي معانا لما سافرتي وعمدا تبي تختفي
اسلام: شن قصدك
اني: اسال امك شوف يا اسلام انت واميره خوت اما اني مش ليكم تبيني يا قلبي تلقاني في كل وقت اما قصة ان نقعد هني مستحيل
اسلام: علاش وين تبي بس فهميني
اني: بنقعد في فندق لين نحصل حوش او حت ممكن نقعد هاليومين فالمصحه يلي نخدم فاها ما تندريش المهم سيارتك حناخدها سامحني فاها هاليومين بس
امي: بنضرة ترجي مياس
اني: خلاص امي خلاص بالله خلي الحب اللي مزال يبقى
خديت سوريه سودا قصيره وسروال ازرق
وسبيدرو ابيض وشاح ابيض خديت شنطه عبيت فيها مكياجي وريحتي وطلعت ومن هاليوم الحوش هدا ما يعنينيش ولكن ما يمنعش اني نودع الطف مخلوق خش لقلبي في هالحوش هدا مشيت للصاله لقيتهم كلهم قاعدين طلعت طرف شكلاطه وجتني تجري ريماس حضنتها البنت هدي ليها في قلبي نصيب سلمت عليهم وبست رموستي وطلعت
حاولت نتصل بمحمد رقمه قاعد مسكر سكرت وكملت للمصحه خلاص لاعاد نحس باوجاع ولا حروق يد خشيت واللي يشوفني يسلم عليا مشيت للمدير خديت منه حجره بحمامها عطاني مفتاحها وتفاهمنا اني الشهر هدا حنشتغله 24ع 24 وفرح وعدلنا في وضع الراتب طلعت من المدير لقيت وليد يستنا فيا قدام الباب
وليد: حضني وباقي الممرضات يتفرجو
اني: بعدته عليا بصبعي هي انت اني في مكان عام احترم ادبك شويه حاسب ع حركاتك
وليد: بدي احمر لانه تهزب قدام الكل الحمدلله ع سلامتك فقدتك وخفت عليك
اني: اها باه وليد تعبانه نبي نرتاح بعد ادنك
وليد: تمام نحكو بعدين
فات اليوم واللي بعده والاسبوع الاول نفس الروتين وعلاقتي بوليد بدت جفاف خاصه لما عرف اني مش بنت خلود وعيلته عارضوه بحجه ان غشيناهم فالاسبوع التاني كان يومي متعب بين حالات ومرضى وتعب الساعه تعدت 8الليل خلاص معاش خديت حالات نزلت للكفتيريا متع المصحه خديت قهوه لاتيه وطلعت باها فوق السطح متع المصحه خداني تفكيري لليوم يلي شرالي فيه محمد القهوه قاطعني صوت نقالي اسلام يتصل
رديت مرحبا
اسلام: مياس نبي نحكي معاك
اني: قولي نسمع فيك
اسلام: اني فالمصحه لوطه فالبركيدجو تعالي
اني: شن في
اسلام: مانقدرش نتكلم عالهاتف
اني: خمسه وتلقاني عندك
نضت لملمت اموري ونزلت مشيت لحجرتي قبل غيرت اليونيفورم متع الشغل لسروال جينز ازرق واسع شوي ومعاه سوريه بيضه قصيره شويه وسبيدرو ابيض وشاح ازرق وطلعت للبركيدجو لقيت اسلام متكي ع سياره معاه ايهم ابتسمت
اني: هههه استاحشتوني 😏😏
اسلام: اكيد استاحشناك
سلمت عليهم وقعمزت ع كوفينو السياره القدامي وجوهم ماتتفسرش
ادوو خيركم شن صاير
ايهم: محمد مختفي وانتي اخر وحده كنتي معاه
اني: ويعني
اسلام: نبو نعرفو وين مشي بس
اني: نزلت من فوق السياره جايين للمكان الغلط مانعرفش وين
ايهم: مياس الوضع خطير لو ما طلعش محمد خلال 24ساعه رح تتبت عليه التهمه ويبدا مطلوب للعداله
اني: هههه وشن دخلي اني شن ليا علاقه وتهمة شن
اسلام: في مكالمه مسجله ان محمد متورط في قضية سرقه 40سياره للمعرض الدولي وبيغيرهم ويمباعو في سوق من تحت لتحت
اني: حرايمي فوقها هههههه
ايهم: مياس لو تعرفي معلومه لو بسيطه يا ريتك تقولاها لازم نوصل فيه قبل الشرطه
اني فتحت نقالي وريته الرساله فتحلي الحوش وطلع معاش ولا والصبح لقيت هدي جنب راسي وبما انكم فاتحين تحقيق معاي خلاص تم الوقت ويا ريت معاش تجوني تاني
اسلام: مش هدا القصد بس.
مشيت وسيبتهم خديت نقالي اتصلت اكتر من مره مسكر ادكرت هيتم
درت اتصالات وجبت الرقم واتصلت وخديت منه موعد وبما انه معجب وكدا فمستحيل يرفضلي طلب
اتفقنا يجيني عالعشره يلقاني نستنى فيه قعدت بنفس اللبس بس عدلت في مكياجي يعني رسمت عين سوده عشان يزيد لون عيوني خضوريه اكتر وشفايفي درتهم باللون الوردي 💋الفاتح ودرت ريحه حلوه وغيرت بس السوريه لتيشرت اسود وفوقه جاكيت اسود طويل شويه وبمجرد ما رن نقالي طلعت لقيته راكب سياره بي ام من اخر موديل وكانت كلها بلاك مظلم ركبت سلمت وتحرك مشينا لاقرب كافي طلبنا قهوه اسبريسو ع دوقه رجع ركب جنبي
هيتم: وين نمشو توا
اني: لمحمد
هيتم: ههههه عشانه جايبتيني
اني: لا بس نعرف انك جارد سيارات ومقدمهم لمحمد عشانك انقدتني ردا لجميلك وافق
هيتم: شن عرفك بنظره تقتل
اني: فتحت نقالي عالتسجيل يلي بعتهولي مروان
وسمع كل مكالماته هوا ومحمد
هيتم: كيف جبتيهم
اني: ماتخافش لو التسجيلات ما طلعتهمش اني حت الشرطه مش حتقدر توصلهم
هيتم: المقابل
اني: من الاول قتلك نمشو لمحمد
هيتم: تعرفي ان لما شفتك اول مره خشيتي مخي
اني: اي حد يشوفني لاول مره هكي يقول
هيتم: بجديات كأنه في مغناطيس يجدب فيا ليك
اني: هدا شي طبيعي انتم الشباب اول ما تشوفو بنت حلوه تدوبو وتمشو وراها وتقولو مغناطيس هههه
هيتم: كل ما نكلم في راجل اختك عليك يقولي فوتها
اني: هه تي علاش الزح انت حت احلا منه
هيتم: تتسهوكي
اني: لا بجد لكن.. لقيت روحي خاشين طريق حوايز مظلمه وبعد مسافه في مستودع كبير للارض وقدامه جيش قالي رقدي الكرسي لانه بينزل نص المرش عشان نخشو خشينا وبعدها رجعت عادي الين ما وصلنا لقيت سيارات مقسومات نصين واضح انهم متعات دوله مش معرض زي ما قال ايهم ويفوت فاها عليا نزل هيتم وزع اللي مع محمد قاله خود لعشي من الكوفينو الخلفي للسياره وطلع للجماعه وبعد لا فات قالي انزلي لما قال انزلي محمد طول شاف فوق رغم انه كان يخدم وراقيله ابتسم ابتسامه وبعدها ادارك الوضع في زي الدار خشينا فاها معانا هيتم جي بيحضني هه مديت صبعي وخرته عليا
اني: هه شن تخرط انت خليك بعيد يا معلم
محمد: مش بقصدي
اني: هه اي وحده الحضن هدا ولا الرساله ولا الاختفاء
محمد: اكيد كنت حنرجع بعد نكمل ونشرحلك
اني: لازم توقف اليوم وترجع دايرين فيك مدكرة ايقاف لو مارجعتش خلال 24ساعه الجايات اللي مر منهم اكتر من نص يوم ف حتمشي السرقه يلي قدامك كلها في راسك
محمد: شن عرفك انتي في السرقه وسنينها
اني: اليوم جوني اسلام وايهم وفهمني الوضع محصلين عليك معلومات انك ليك يد في الموضوع هدا وفي محقق خادمله سيارته قبل جي وفتش حوشكم ولقي الورشه والمعدات وطلع قرار بالقبض عليك ف عشان هكي لازم تطلع من هني
هيتم: ليش ما حكيتيش لكلام هدا قبل لا نوصلو
محمد: انت ليش جايبها
اني: عشانك لربما تنقد يلي مزال منك
هيتم: محمد عالحال هدا اطلع انت ومياس من هني واني نتولى بالباقي وفي حال طلعت منها ارجع وكمل
اني: كم مزالتلك سياره
محمد: سته
اني: حقير كويس
هيتم: تي مش مشكله خلاص عندي الموضوع
طلعنا وكل شي فالسياره فالطريق
محمد: اسف مياس
اني: ع شنو
محمد: كيف خليتك
اني: عادي متعوده ينضحك عليا
محمد: ما ضحكتش بس كنت عارف اني مش حنرجع هالمره وحت توا جيت معاك وخليت هيتم فالنار
اني: ليش خليته لف وارجع
محمد: صعب توا بعد لاقريب نوصل وما ضحكتش عليك نبيك تشوفي حياتك
اني: صح لانك انت حد يضيع فالوقت وفالدنيا
محمد: كرهتيني
اني: لدرجه ما تتصورهاش كرهت روحي تسكس معاي فالليل وتلعب بيا والصبح تقولي اميره اختك في رساله تافهه
محمد: اسف
كان وجهه تاعب واصفر ومرهق تحت عيونه اسود واضح عليه التعب
اني: كلمت مروان ختملك دخول لمصر بتاريخ يلي انت اختفيت فيه وختملك الان خروج في جواز سفرك عشان تعطي مبرر لدولتكم شفت لعيونه القحبه
محمد: مياس مليون مره قلت حافظي ع كلامك قدامي ومن مروان وكيف حصلتي جواز سفري
اني: اموري اه نسيت انك شريف خلاص وقف هني وكمل شغلك بسرعه
محمد: ماشيين مع بعض للحوش
اني: لا معاش نسكن في حوشكم خليتهالك واسعه وعريضه
محمد: كيف خلوك تطلعي الزح
اني: ومن بيمنعني وهما مش عيلتي خودها من قصيرها حطني فالمصحه ومروان يعرفك تو يجيبهولك لعندك او تلقاه عند ايهم وهكي نكون رديتلك جميل القعده عندكم
محمد: معاش زاد فاها كلمه وصلني وفات
كلمت نوري كونه خبره فالمواضيع هدي وعتمان جاني رفعني وصفتله لمكان عرفه طول خشيت للمشتودع بمعرفة انور يلي راكب قدام نتقجأ بمنظر هيتم كيف كان سليم الضرب يلي واكله وكيف معلقينه وتيشرته منحي جسمه كله ضرب شفت لعتمان يلي بدوره جي بيفكه ناض اللي مسؤول عليهم واسمه منصور
منصور: خليه يا ريس فوته
اني: لو تبي نتفاهمو فكه
منصور: ومن انتي يا صغيره
اني: تعرف تقرا
منصور: اربع لغات ههههه
اني: حلو طلعتله بطاقه من جيبي الخلفي
منصور: انتي شن اديري هني وطالما في ارضي يعني حر ندفنك حت في مكانك
اني: تشوف فيا غبيه انت ولا تستعبط باش ماتخافش لو مش عارفه انا عندي حمايه وما تقدرش تحط عليا يدك هل بنجيك برجليا
منصور: بنضره حاده المطلوب
اني: عتمان فك هيتم وخلينا نهدرزو عاقلين ياما تعاملت مع ناس زيك لكن هما طلعو عاقلين ويفهمو في مصلحتهم
نوري: ههههه كنت عارف انك داهيه
اني: هه ماريت شي لبسه عتمام تيشرته وقعمزت جنبه ع بلكه وجنبنا يديرو في شاهي وقهوه ونار جابله عتمان اميه
هيتم: ليش رجعتي الزب مش طلعتك
اني: مش ناكره للجميل رجعت عشانك
هيتم: ينعليا نا ماقدرت اني الدكر نطلع روحي انتي بتطلعيني
اني: اي مشكله حلها فلوس عندي اني محلوله
هيتم: ههههه والله رسمي انك خطيره
احم تنحنحت وتفاهمت مع منصور انه حيلم جماعته ويروح وفهمته انه سيارات الشرطه حترجع لسببين الاول نكشفو والتاني باش محمد ما يطيحش في مشاكل طبعا كانو بيربحو منها بخدمة محمد اكتر من اتنين مليون طاب معاي ع نص مليون حلال وتحولو لحسابه الصبح اليوم التاني طبعا السيارات يلي خدمهم محمد وكملهم جوهم لوز تولى بيهم نوري وعتمان حولوهم لمكان امن اما بالنسبه للسته يلي مزالو طلعناهم قدام المستودع وجاب مروان سيارات رابش قدم ولع فالمستودع النار وكل تفكير الشرطه ان سياراتهم نحرقو داخل المستودع وسلم منهم سته بس طلعو كلهم ومحمد فهمت هيتم انه ما يحكيلاش شي وبالنسبه للسيارات اقل وحده فيهم 75000يعني مع بعضهم يديرو قريب اتنين مليون نوري تكفل انه يبيعهم وفهمتهم ان 30% من المبلغ من حق هيتهم و20%تمشي لمحمد و10%لنوري وعتمان ومروان و40%ليا
وافقو وهيتم بدي دائم التواصل معاي واني قلبي يحن لمحمد نبيه في شي يجدب فيا ليه طبعا بعد هداكا اليوم
طلعت من الشرق كلها وبدون لا نقول لاي حد شي غيرت رقمي ومشيت للزنتان اللي يعرف الزنتان يعرف ليش اخترتها ناسها طيبين وكويسين وبعد كل شي كل حد لاهي بروحه خديت شقه تتكون من دار نوم وحمام وكوجينه بوفيه وصاله صغيره وفيها غرفة غسيل وفرندا حلوه كانت الشقه في الدور التاني في جيران حلوين وفي يلي مشكلين معاي عداوه بدون سبب وكنت نشتغل في مشفاهم كان مره حلو ومجهز بشكل حلو وتقنياته حديثه وكان الشغل فيه ولا احلى فات ع انتقالي للزنتان شهرين تواصل معاي ايمي وقلتله معاش نبي شي لا نعرف امي ولا نبي حق بوي نبي نرتاح ونستقر واحترم رغبتي زيد الكلب مروان وعتمان نفدو كل يلي قلته وقدرو يتبتو عليه غير عملية خطفي انه ليه قضايا تهريب مخدرات ودعاره يعني يتاجر بالبنات القاصرات عشان نضمن ياخد اكبر عقوبه عمامي حاولو يتواصلو معاي عشان يصلحو العلاقه لكن كل الطرق مسدوده وماحدش قدر يوصل فيا وكل شي يوصلي فيه مروان هيتم يتواصل معاي فالنت وفهمني ان اسلام ومحمد بيقلبو الدنيا عشان يلقوني
هاشم طلق نجمه بعد لا خش الشك بينهم معاش قدر يكمل
اسلام: انتقل من الحوش واستاجر بعيد عليهم بعد لا نخدع بتمارا وطلعت مفتوحه من مؤيد خو اياد خو اميره خدعها ع اساس يحبها وخدي شن يبي وهرب من المسؤوليه لان اهاليهم ما يطيقوش بعض وقعدت هيا ترفض في كل انواع الارتباط عشان ما تنفضحش ولما عرف اسلام الوضع وانه نضحك عليه طلع من حياتهم
اميره قاعده زي الكلبه بروحها معاش قربها محمد وهيا عشان زيد ويلي داراته في مياس خلاص الدنيا كلها جت ضدها اهلها ومحمد وزيد قعدت لوحدها تابت لربي وعرفت غلطها لما توقف الدنيا كلها ضدك مش حتلق الا باب التوبه الباب يلي ربك مستحيل يردك فيه خايبه بدت تصلي وتحس فالاغلاط يلي كانت ادير فاها
نهاد بدت تحب في وليد وهوا يعشق فيها وربطو مع بعض وخطبها رغم ان فالاول عيلتها عارضو ماهمنيش الموضوع ادا كان هيا حبت خطيب بنت عمتها ف اني دنبي اكبر لاني حبيت راجل اختي حت لو مش اختي الحقيقيه بس الوقت يلي عشناه مع بعض يخوللها تكون اكتر من اختي وامي تريه تعبت اخر فتره وحكم مقعده معاش تتحرك وجدي صحته ادهورت وكل يوم للخلف خوالي كل حد فيهم حط قوانين لعيلته
امل حامل ورموسه بدت تكبر وكل يوم احلا من يلي قبله وع كلام ايهم انها صارعتهم بيا واني استاحشتهم للصراحه بقعدتهم وكلامهم استاحشت زناخة هاشم وتفاهت اويس مع اسلام
بعد لا خطبو نور رسمي وقررو يستقرو في تركيا بعد الزواج بوها قال مزال بكري عالزواج وحب يمدد الخطوبه متعهم مروان قالي ان منصور عرف بالخطه وقلب الدنيا يدور فيا في باله اني بجد جرقت السيارات وهوا ندم انه وافق عالصفقه واني بس حرقتهم
..............
كنت راجعه من العياده لابسه سروال ابيض واسع وتيشرت ابيض مدخلاته فالسروال وجاكيت اسود طويل شويع وشاح ابيض وشوز اسود وشنطه بيضه ركبت لشقتي وكان قلبي يقولي في شي مانعرفش شن بس حت النبض مش متنظم وصلت دورت عالمفتاح طلعته كان يديا يرعشو السكر هبط وكيف ملت بنطيح هوا حاوطني بيديه ريحته اللي ادمنتها وملمسه الخشن يلي حبيته طول عمري غبت عن الوعي فقت ع يده تبت في رقبتي حطلي شكلاطه في فمي وقالي كولاها هبطلك السكر شويه
اني: واني نحاول نقعمز انت شن جابك هني
محمد: ليش اختفيتي
اني: رجعت للمكان يلي ننتمي ليه مش اختفيت
محمد: خديتي شي يخصني معاك
اني: ماخديت شي منك بعد عليا محمد
محمد: مياس ساعدتيني واجد خليني نشكرك اقل شي
اني: مادرت شي دفعت تمن الاشهر يلي سكنتهم عندكم +ردا للجميل يلي داراته فيا عمتك لما ربتني مع بنتها يلي هيا مرتك
محمد: ليش انتي قاسيه هكي
اني: جبت نقالي وفتحت رسالته يلي صورتها بعد ليله توقعت روحي ملكتك فيها لقيت منك رد هكي وان اني سبب مشاكلكم ولازم نتادب ومش عارف شنو خلاص طلعت من حياتكم وانتم اطلعو من حياتي
محمد: مش ساهل تطلعي من حياتنا بعد لا خشيتي فيها
اني: هه ماخشيتهاش بارادتي خشيتها غصب عني بوهم كنت عايشه فيه الله يسامحه بابا لو خلاني ربيت يتيمه افضل من اني نعيش في وهم وكدب
محمد: لهدرجه كارهتينا خلود حتقعد امك واميره واسلام حيبقو خوتك واحني حنبقو خوالك وصغار خوالك سواء رضيتي او لا
اني: هه لو كان عالاسم نطمنك اني وكلت محامي لفصل اسمي عن اسم عمتك عشان فالمستقبل ما نبيش نورت فيها وتزيد زوجتك المصون تكرهني يكفي شاركتها حب امها سنوات من عمري وبالنسبه لعيلتكم فقط اسلام يعنيلي استقبلتوني واحترمتوني وعطيتوني حبكم بس بالمقابل خسرت هلبا وتوا من غير مطرود مانبيكش في حياتي ارجوك معاش تجيني خليني مستقره في بلادي افضل من اني نطلع منها وانت عارف ان ما في شي يمنعني
محمد: وهوا شاد في يداها بترجي ونظره مش مفهوم المعنى منها مياس تعرفي خطيئة حبي ليك قداش كبيره ومع هدا حبيتك وتعرفي شخصيتي حولتيني مراهق فالعشرين سنه نلحق فيك ونتبع في اترك من مكان للتاني عشان بس نشوفك لحظه عودتيني عليك وحرمتيني منك مياس بلاك نضيع
اني: امورك فكيت يدي وجيت طالعه من الغرفه كلها حضني من الخلف
محمد: مياس ارجوك نوعدك حنصلح كل شي بس محتاجك لان عيلتي اختفي عامل التقه بينهم وتفرقت لازم نجمعها هدي امنيه جدي وانتي اكيد قالك هيتم ومروان يلي تتواصلي معاهم واسلام خوك قداش تعبان
اني: هيتم ومروان لو يعطوني عشرين عمر فوق عمري مش رح نتخلا عليهم علما باني لقيتهم ومهتمين بيا زي اختهم اكتر حت من خوي اسلام اللي من ظهر بوي
محمد: ويشهد ربي نعشقك وربي اللي خلقني وخلقك مستعد نضحي بروحي عشانك
اني: المطلوب محمد هات من اخر صفحه
محمد: لفني لعنده وكانو عيونه معبيات دموع ارجعي معاي واللي تبيه اني فيه بس رديلي عيلتي زي مكانو
اني: حنرجع ونردلك عيلتك بس بمجرد ما يرجع وضعكم طبيعي كيف ما لقيته اوعدني معاش ادور عليا
محمد: عيلتي مقابل ننحرم من عيونك مش عدل قرب مني وسده ورا شعري ويده التانيه تمسح ع خدودي الموقف كان صعب عليا مشتاقتله وهوا قدامي يقولي قلبي اني نحضنه وننسى ام العالم والعيله يلي مافيش من مهتم بوجودي غيره بس مستحيل كبريائي بعد لا سلمتله روحي هديكا الليله والطريقه يلي خلاني بيها يخليني نرضخله بمجرد ما قرب ع شفايفي بعدته حنرجع وحنتعامل معاك فقط كزوج اخت وياريت تخلي بينا مسافات تقدر تقعد الليله فالصاله والصبح تروح لبلادك اني اكيد رح نظم وضعي وجدولي هنايا ونرجع للشرق باقرب وقت
كملت طريقي للحمام خديت دوشه ولبست بيجامه سروال رمادي طويل واسع وسوريه كم بنفس اللون حطيت ع راسي وشاح ابيض وطلعت للمطبخ درت عشي خفيف بطاطا مقليه مع فرايد شيكن وخبزه ومشروب جهزت الطاوله
اني: محمد تعالى كان بتتعشى امي تريه تقول مش باهي الولد يرقد جعان
محمد: لو تشوفي امك تريه من بعدك كيف صار فيها
اني: استاحشتهم قسم بالله حسبي الله ونعم الوكيل فالوقت نزلت مني دمعه ع طول مسحتها تعشينا وهوا غسل المواعين حطيتله وساده وبطانيه وقلتله لو جاع بالليل بس يسحب الدرج يلي فالطاوله يلي بجنبه يلق فيها شيبس وشكلاطه ومشاريب بارده واشياء تسد الجوع وعطيته اجهزة التلفزيون والافلام لو حب يشغل وخشيت لداري افكار تاخدني وتجيبني هل حنكون قد الوعد يلي قدمته وكيف حنلم العيله مش عارفه
استسلمت للنوم
ـــــــــــــــــــــــــــــــــــــــــ
الساعه3:25الفجر
نسمع في صوت صراخ وعياط نضت نجري للصاله محمد يتصارع في حلمه وعارق وحالته فالويل مديت يدي بنوضه محمد محمد شدلي يدي قريت عليه قرأن وكل شي خداني النوم بجنبه واني قاعده عالارض وهوا حاضن يدي الين ما صحيت الصبح ولقيته يتفرج عليا ومبتسم واني كيف البلهاء نبتسم معاه
محمد: صباح الخير مياسي
اني: صباح النور
محمد: شن ديري هنايا لو كان عندك نيه ترقدي جنبي قلتيلي راهو سريرك اريح من رقدت الارض🫢😉
اني: جيت جنبك من الفرح امبارح قعدت تكوبس وتعيط
محمد: محلاك واني متكنطيه وشعراتك مشفشفات وشفايفك وانتي نايضه من النوم كيف منفوخات يعيني ربي ع شكلهم
اني: انت شكلك مش حتجيبها لبر
محمد: خلي نديرو تعديل بسيط في الاتفاق
اني: 😒😒
محمد: ناخد بوسه وحده من شفافك ونصيم عليك بعدها العمر كله
لما قعدت ساكته لا رفضت ولا قبلت قرب مني وحط شفايفه ع شفايفي لمده طويله حسيت اني حنفقد الوعي بعد عليا وقالي افتحي فمك خليني ناخد حقي من جوفه
كيف بنتكلم اقتحم فمي بلسانه وبدي يمص فيه خلاص ضعفت كل انش في جسمي محتاجله اني قدام محمد هشه وهوا يبوس فيا ويتحسس ع جسمي واني يديا بس ع صدره تمنيت الوقت يوقف عند اللحظه هدي ماكانتش بوسه شهوه لا كانت بوسة حب وشوق نزلو دموعي لما حس بيهم بعد و.....
ـــــــــــــــــــــــــــــــــــــ
الحلقه نكتب فيها تلاته مرات وتنحدف الوات باد بدي يتسهوك عليه رايكم فالحلقه وشن توقعاتكم
أنت تقرأ
غرباويه بقلب شرقاوي 🤍❤+🔞
General Fictionالحب حلو بس لما يكون لشخص ممنوع عليك يبدا كابوس مؤلم صعب تفيق منه ويدمرك كليا
