غرباويه بقلب شرقاوي 🤍❤+🔞

Part VI

❤Like and vote for the story and a sweet comment between the paragraphs
ـــــــــــــــــــــــــــــــــــــــــــــــ
let's start

الساعه 9الصبح نضت ع صوت طقان عالباب
اني: نضت فتحت الباب عين مفتوحه وعين مسكره
نعم
اويس: 🤣🤣🤣🤣صباح الخير زير سالم هل يمكنك ان تسكب لي خمرا🤣
اني: مختش انت جابني عالصبح يا فتاح وتدير في مسرحيه
اويس: معاك حق مش شايفه يلي اني شفته😂😂
اني: مشيت جيهة المرايا 🤦🏻‍♀️🤦🏻‍♀️
اويس: ميت بالضحك معاش تخلعيني
اني: كان منظري تقول شبح شعري مشفشف وجاي ع وجهي بجد كان منظري زي الزير سالم هههه لو ماتبيش تنخلع معاش تجي عالصبح
اويس: المهم يبيك جدي شطبي وتعالي مش تجي بالمنظر هدا تجي لحني جلطه نوحلو فيها🤣🤣
اني: تمام
سكرت الباب توضيت وصليت ولبست سروال ابيض واسع معه سوريه باللون الوردي مكيجت مكياج خفيف يعني مسكره وملمع شفايف وشويه تنت ع خدودي وقلم اسود في عيوني لفيت وشاحي وطلعت
كالعاده اويس لازم يصفر لقيت كرسي بين جدي وخالي حسن فاضي
اني: صباح الخير يا عيله وعيوني لوطه مش طايقه نشوف حد
جداي: صباح النور يا بنتي كيف حالك اليوم
اني: رفعت راسي فاها الحمدلله ابتسمتلها الانسانه هدي رغم ملامحها اللي عفي علاها الزمان ورغم التجاعيد الا ان محافظه ع جمالها او ممكن هدا انعكاس طيبة قلبها
سبحان الله كيف وجوه الناس تعكس داخلها  فقت ع صوت خالي حسن وهوا حاط يده ع كتفي
خ حسن:  وين مشيتي يا بنتي جدك يكلم فيك انتي اليوم مش عاجبتيني
خالتي سميه: هما مهناش ايام قعدناهم مع بعض لكن شهاده لله نحس فيك زي امل بنتي معقوله يهون عليك تسيبينا
اني: الله غالب بالود ودي مانسيبكمش لانكم عيله تقلكم دهب لكن الله غالب بنشوف مستقبلي لامت بنقعد نسمع في الناس ينتقدو فيا
محمد: نط من بينهم كلهم وقال اللي ما يدير شي ما يجي شي
اني: عادي هوا رسول الله صلى الله عليه وسلم حكو عليه تبي اني ننجا من لسانات العالم وشفت لاميره يلي شاده نقالها وتبتسم لكن حسبي الله في كل من قال عليا كلام مش فيا
اويس: ونعم الكلام
ايهم: شن رايكم نطلعو للاستراحه احني وعماتي لان كلهم يبو يتعرفو ع بنات عمتي خلود
جدي: راي كويس لان بنت عمتكم حازمه امورها وتبي تسافر اليوم اقنعوها تقعد لغدوه واني ماعنديش مشكله معاكم
هاشم: اكيد يا مياس حابه تتعرفي ع خالاتك وصغارهم اني متاكد قالها بنبره مرحه بحيت اني حسيت ان يبي يوصلي ان الكلام اللي سمعته ماخشش لراسه
نهاد وتمارا قعدو شادين فيا
اني: اللي تشوفوه لكن غدوه من كل بد طالعه
جدي: حيمشو معاك محمد وامل لتونس ومن تونس لتركيا ومن تركيا يوصلوك للمطار ويستلمك اسلام غادي ولما توصلي امريكا تتصلي وتكلمينا
اني: في سري هاربه منه هني لاحقني غادي عليك حظ
اويس: هدي سياحه وجت ع رجلاها يا اموله قبل تدبسي في ايهم ويسفرك من الصاله للكوجينه للحمام بالمساحه متع الارضيات🤣🤣
امل: اصلا ايهم حيلف بيا العالم 🌏☺️
ايهم: مش غر العالم نلف بيك العوالم كلهم 🫡
اويس: 🤦🏻‍♀️🤣🤣🤣
اني: ربي يدومكم لبعض
اميره: وهيا تلوي في شواربها الوهم
امل: احني بنتوهمو عيشي انتي فيه الواقع
اميره: سيورك نايضه ولا يهمك
نهاد: يوم تنوض حتلق انه الواقع والوهم والحلم واحد
اميره: انشالله وشافت لايهم يلي ضابط اعصابه بالقوه
اني: تحشمت من اختي كيف بدت عدائيه وتدور فالمشاكل حبيت نغير الموضوع اي شن بديرولنا غدي اليوم واستراحتكم قريبه ولا بعيده
اويس: انتي عيني اطلبي واتمني
جدي: ديرولها كل يلي تبيه هدي بنت الغاليه ولمعت عيونه وقت شافلي
اني: وقفت وبست ع راس جدي ربي يدومك ليا وما منحرمش من ودك وحنانك وعطفك
اني: يومها تمارا ونهاد قالولي ان امي اتدير في عصبان ما حصلش ومستحيل ناكل زيه فالعالم ف لو تكرمتي يا مرت خالي العسل اتديريلنا عصيبينات من تحت يدياتك
دلال: اي والله وكم عندي مياس اني اطلبي وادللي
ــــــــــــــــــــــــــــــــــــــــــ
اختصار للوقت مشينا وجو خالاتي الاربعه تهاني وسميه وريم وغزل وصغارهم وكناينهم والجو كان يجنن وخرافي فات اليوم بدون مشاكل ولا يخلو من المشاحنات بين اميره والبنات وطبعا اني نتجنب في مكان تواجدها بس عشان اقل عار
الساعه 11كل حد رجع لحوشه واحني شويه وبنطلعو طبعا جيت مع جدي في نفس السياره جدي رغم الكبر يلي باين عليه يسوق وقاعد يخدم واموره تقول شاب عشرين سنه ولما جيت بنركب مع جدي حطيت يدي في جيبي مالقيتش نقالي استئدنت وخشيت بنجيبه من الاستراحه حاطاته فوق البار لما كنت نهدرز ع خالتي غزل
خشيت وقفت دورت دورت مالقيتش شي قعدت ندور في كل مكان الصاله الدار الحمام الدار التانيه في كل مكان قلت خلي نشوف برا طلعت ورا الاستراحه لا جيت مع يسرى ويمنا توأم ولد خالتي ريم صغار ياسر  واول ماحطيت رجلي شفت محمد واميره يبوسو في بعض كان هوا متكي عالحيط وكانت اميره تبوس فيه وهوا شافني واقفه بس ماتحركش ولا دفها بالعكس قربها منه اني رجعت نجري ونسيت حت نقالي يلي ندور عليه ركبت مع تمارا ونهاد من الخلف لان جدي روح وخالي حسن في بالي ان بنطلعو مع اويس او ايهم شويه ونفتح الباب وصوت ضحكتها تقول رقاصه
ركبو محمد واميره جنبه من قدام
اني: يا ليل هدا شن جابه
طول الطريق وهوا واميره تهدريز وجو
في نص الطريق سمعت رنة نقالي
اني شفت بصدمه وين جهازي طلعه محمد من جيبه ومدهولي
محمد: واني نسكر فالغرف لقيته فوق البار كنت بنطلعهولك
تمارا: وشن عرفك انه لمياس
محمد: حاطه صورتها خلفيه ما تبيش دكاء
اني: خديته وسكتت مانبيش حت نشوفله نشوف غر للطريق
جي اليوم اللي بعده وسافرنا لتونس الساعه 6العشيه  ولانه راي عبيد خدي حوش بدل لا نسكنو في فندق
الحوش عباره عن دارين وحمام وكوجينه مفتوحه عالصاله وصغير الحوش مش كبير
امل: اني ومياس ناخدو دار النوم وانت دار المعيشه
محمد: نظمو اموركم اني طالع نحجز في تداكر ونجي
اني: تقدر تحجز من النت مش شرط تمشي مشوار زي هدا
محمد: نتلاقو بعدين
طلع متجاهل كلامي
امل: هدا خوي معقد من يومه ما دوريش ما تهتميش بحد كلها ايام وتتعدل
اني: يارب
بمجرد ما ركبت شفراتي وفتحت نت لقيت اسلام متصل اتصلت بيه وقتله اني في تونس ووووو قالي هوا حياخد رحله دهاب واياب في نفس الوقت عشان ياخدني من مطار تركيا ارتحت غيرت حوايجي صليت ورقدت ع طول
الساعه 10 جت امل تنوض فيا
امل: مياس مياس نوضي بنتعشو
اني: كولو صحتين مش جاي عبالي شبعانه
امل: نوضي محمد جاب عشي وقال ناديك باش يقولك شن صار معاه في الحجز
اني: نضت واني مش قادره نقاوم النوم خديت وشاحي وخشيت للحمام غسلت وجهي وطلعت لقيتهم مقعمزين عالارض فارشين وياكلو
السلام عليكم
امل: وعليكم السلام ومحمد متجاهلني كليا
اني: قعمزت وخديت طاسة ميه نشرب شن صار معاك فالحجز
محمد: الساعه اربعه في رحلات لتركيا حجزت طول يعني قبل الفجر حنطلعو
امل: اللطف احني كيف وصلنا علاش السرعه هدي
محمد: انتي ما وراك شي لكن اني عندي امانه مادابيا نسلمها في اقرب وقت ونرتاح
امل: غر حت ندهورو في تونس
محمد: ندهورك في تركيا انشالله
اني: حزت في نفسي انه يبي يفتكا مني باسرع وقت وهيا النيه طايره وزادت قلتلهم دايمه ونضت خشيت لداري شديت نقالي لقيت نهاد وتمارا فاتحين نت درت مجموعه وهدرزت عليهم شويه وسكرت وفتحت الصور شفت صوري اني وماما وبابا واميره زمان اتفكرت اكتر من موقف لينا مع بعض قعدت نبكي وباش نتفادى اي حد يسألني ليش تبكي كتمت صوتي فالمخده وبكيت من كل قلبي  لين ما سافرت في عالم احلامي
ـــــــــــــــــــــــــــــــــــــــــــــــــــــــــــــــ
اميره: يا مسكين مخلياتك ومسافره
ايهم: قلب عيونه وانتي شن ليك علاقه اصلا
اميره: واجعني حالك زي اللي هاجرها راجلها
ايهم: وانتي تعرفي زي من صايرلك
اميره: دارت رجل ع رجل قدامه زي مني
ايهم: زي الق......  اللي مش لاقيه حد يلمها
اميره: هههههه زي اختك بالضبط
ايهم: اطلعي من داري
اميره قربت اكتر وهيا كيف بتحط يدها ع كتف ايهم شدتها تمارا مش شعرها وهب نزلت فاها ضرب وتجمعو العيله عالعياط ودارت اميره شغل البريئه ولاول مره جدي يعيط ع ايهم ويجرحه بالكلام

ـــــــــــــــــــــــــ
الساعه 3بالضبط كنت جاهزه ولابسه سروال اسود وسوريه بيضه وجاكيت اسود وشوز ابيض وشاح اسود وحاطه شنطتي قدام الباب وقاعده عالكرسي في الصاله طلع محمد ولانه الضي مطفي مشافنيش كان لابس سروال رمادي قطني ومش لابس اي شي من فوق فتح التلاجه طلع ميه شرب وين جي خاش تلامحني جي جيهتي يحسابني امل
محمد: امل نوضي مياس خلي تجهز روحها
اني: اني مياس مش امل وكان تبي تنوض حد اونه الدار قدامك
محمد: قليلة ادب وطويلة لسان شن بنتوقع منك
اني: وقفت وقربت منه واضح من قليل الادب فينا هه
محمد: قرب وخبط الحيط بجنبي انتي ماتبيش تجيباها لبر
اني: انت يلي بديت بالغلط مش اني
محمد: لانك فرخة حرام لانك صايعه لانك حرام تكوني بيناتنا تعرفي لو فيك دم تمشي معاش ترجعي خلاص ريحتك فاحت مانعرفش وين عقلي يوم جيتك وفي بالي انك بريئه يا حيف بس
طلعت امل ع صوت عياط محمد وسمعت لكلام يلي نقال وفعدت تبعد في محمد
اني: لالا ما بكيتش سكتت وطلعت معاهم وكلامه يرن في ودني  مشينا تركيا ومن تركيا جاني اسلام بس السلام يلي كان فيا من داخل انتهي نبي بس ننتقم لكل كلمه لكل حرف تفارقنا رابع يوم فالمطار سلمت ع امل و وقفت قدام محمد اني مياس محمد لو ما خليتكش نادم ع كل حرف انطقته توا وقلته فيا مانكونش بنت خلود يلي دمك ودمها واحد وطلعت مع اسلام وصلنا وباشرت بالدراسه فورا كونه اسلام يقرا ويخدم في نفس الوقت ف كان مجبور يأمن عليا حطني في شقه فيها تلاته بنات زوز اجنبيات وحده ليبيه قريبه عالجامعه بعد لا فهمت الاساس وكيف جنقدر نعيش ونتأقلم فات شهر
ــــــــــــــــــــــــــــــــ
اتصلت بحوش جدي اللي فاجئني بخبرين الاول
بابا توفى وامي خشت في صدمه وماكانتش قادره تتخطى ف تحولت لمركز خاص وقغدت عشان هكي غابت كل هالمده والتاني ان الشهر الجاي عرس محمد واميره واو فقط شهر واحد وتغيرت كل هالتغيرات
جدي: انشالله يا بنتي يتقبله ربي برحمته
اني: امت بترجع امي
جدي: الاسبوع هدا فقط يتمو فالاجراءات
اني: وحفيدك المصون مش قادر يستنا حت ينتسى خبر وفاة بابا باش يتزوج طول
جدو: الحي ابقى من الميت يا بنتي
اني: تمام يا جدي نتكالمو في وقت تاني
سكرت المكالمه وبكيت من كل قلبي اساسا هدا الشي الوحيد يلي فالحه فيه
نور:  البنت الليبيه يلي معاي فالسكن اششش خيرك شن قالولك
اني: بابا مات بابا راح
نور: انتي قلتيلي ليه اكتر من اربع اشهر او اكتر يعني عارفه حيجي هدا اليوم
اني مهما كان كان عندي شوية امل في قلبي وبديت نبكي اكتر اتصلت باسلام وحكيتله قرر اسلام يرجع ليبيا يطمئن ع امي واني رفضت وهوا قال بس اسبوع وراجع الاسبوع تحول شهر والشهر تحول سنه واستقر اسلام في ليبيا بس في بنغازي مش غريان وباعو كل الاملاك يلي في غريان باسم بوي وامي وهما نا عدا الحوش يلي باسمي قعد زي الشوكه في حلق عمامي
ـــــــــــــــــــــــــــــــــــــــــــ
كملت قرايه والامتياز وطلعت بمعدل عالي وتخصصت اطفال وخدمت في امريكا لست اشهر بدي عندي حوش وبديت اموري تتيسر تغيرت شخصيتي بديت انسانه كل همي نفسي وامي شن نبي فقط بلا قلب قررت نرجع ليبيا وننتقم من كل حد اداني واولهم عمامي المزيفين محمد بعدهم حجزت لتونس ع طول ومنها لليبيا طول واستمتعت برحلتي وصلت لليبيا الساعه 1:20 اتصلت بخالي حسن جي وخداني ما المطار وصلت للحوش متع العيله قريب الساعه اتنين وحاجه خشيت واول ما وصلت شفت امي ااه امي متغيره بشكل كبير ضاعفه هلبا ودابله بس هيا نفسها المرأه القويه يلي نفتخر باها ارتميت في حضنها وقعدنا نبكو ونشكو لبعض بصوت عالي الين تجمعت كل العيله ع صوت عياطنا وبكانا
ـــــــــــــــــــــــــــــــــــــــــــــ
رايكم يهمني ومن هني تبدا القصه الحقيقيه