غرباويه بقلب شرقاوي 🤍❤+🔞

البدايه

ع عرفكم عن نفسي اسمي مياس عمري 22من غريان عيلتي متكونه من بابا وماما واخت اكبر مني واخ اصغر مني بابا محمد عميد فالكليه 
ماما خلود دكتورة قلب
اختي اميره عمرها26
خوي اسلام م20
عايشين حياة رايقه وهاديه وحلوه عالاخر امي من الشرق من بنغازي وبوي غرياني والمزيج هدا خلانا نجو حلوات بمعنى الكلمه ورتنا من بابا الدم الخفيف والبشره البيضا ومن ماما لعيون الخضر  تربينا بطريقه ان اللي يصير معانا نحكوه ومانخبوش ع بعض شي مهما كانت النتائج وان بابا صديقنا والناصح لينا مش شي يخوف زي مافي بعض العائلات اختي هيا نصفي التاني والشي يلي مستحيل يتعوض وبابا كان يعطي فينا في حبه وحنه ومش منقص علينا شي بس كان في شي واحد ان ماكناش نمشو للشرق نهائياً وحت ماما ماتزورش في اهلها بالسنوات بس علاقتنا احني وحوش جدي اب بابا حلوه عمامي طيبين وزوجاتهم حنونات ويحبونا وعماتي لا عماتي يتحسسو من وجودنا وينادولنا غر يبنات محكد حت اسماءنا مايبوش يقولوهم رغم معاملتهم لصغار عمامي تفرق ومافي شي يقعد ع حاله نسكنو قراب من بعض احني وعمامي وجدودي بس كان حوشنا احلا حوش يبعت عالراحه اكتر من اي حوش تاني واي حد يخشله حت لو اول مره يقول ارتحت وكاني ليا سنين معاكم وهدا يلي مخلي الناس تحسدنا وتغير مننا وتكرهنا عندي تلاته عمات سعاد وزينب وامينه وزوز عمام خالد ولطفي اما من جهة ماما نعرف بس اسمائهم ولا عمري شفتهم عندي زوز خوال حسن الكبير وعلي الصغير وعندي اربع خالات تهاني وسميه وريم وغزل كل جدو اسمه بشير اب بابا
واب ماما اسمه محمود
جداي ام بوي حليمه
وام امي تريه
ـــــــــــــــــــــــــــــــــــــــــــــــــــــــــــــــ
الساعه 2 بعد نص الليل رن نقالي نضت واني عين مسكره وعين مفتوحه ندور في نقالي بنرد واخيرا لقيته فتحت الخط
اني: الو🥱
مرام: راقده 🙄
اني:  لا نحاول انموت🌚 اتفضلي شن تبي
مرام: كلمي ميرو وتعالو احني سهرانين فوق السطح متع جدو
اني:  من تقصدي ب احني🙂
مرام:  يعني اني ورهام وتين واسيل ونرجس وارين ومحمد و علي واسامه وزيد و،،،
اني: اس خلاص قولي كلنا وتمت🤦🏼‍♀️ لكاكه
هدي مرام بنت عمي خالد هيا وعلي وزيد ونرجس خوات واسامه و وتين واسيل صغار عمي لطفي
ورهام وارين ومحمد صغار عمتي زينب
سكرت منها ومشيت لميرو بنقوللها وقفت قدام الباب وكيف بنطق سمعت صوت بابا وماما يحكو
ماما:  اني مليون مره قتلك لازم العمليه صحتك اهم انت ليش تغاند لاسمح الله صارلك شي اني وبناتك شن بيصير فينا
بابا:  مش حيصير شي يا خلود بعدين مزال وقتها العمليه وماحدش مات ناقص عمر
ماما: باسلوب تهديد لو مادرتش العمليه في اسرع وقت اني حنقول لبناتك
بابا::  وقف وقاللها شن يلي تقولي فيه بنتك اخر سنه وامتحانات خلاها تجتاز اختباراتها وبعدين نحكيلهم وتكونو دعم ليا مش عليا ونوعدك حنديرها بعدين انتي دكتزرتي وبيصير فيا شي مستحيل لكلام هدا
ماما:  وصوت بكاها مسموع مانبيش نخسرك عارفني ماعندي حد غيرك
بابا:  وحدي الله الصغار عمامهم جنبهم مش حيتخلو عليكم حت لو صار فيا شي
ماما:  سمله عليك لكن عارف ان مافي حد يبينا وكلها تجامل عشان لفلوس يلي تحط فاها وفالنهايه انت كش ولدهم الحقاني ف كيف تبيني نوتق في عيله يستغلو فيك بالشكل هدا
بابا:  حت لو مستغليني اني راضي يكفي انهم اعطوني اسم لما تبنوني وهما عندهم غيري وسكري عالسيره
ماما:  اسفه لو ضايقتك لكن اني نب•••••••
بابا:  لا اسف لا سو حوشك وباسم مياس درته والمزرعه باسم اسلام والارض يلي بجنبها لاميره والباقي كله سجلته باسمكم جميع لو متت انسيني وخودي راجل وعيشي وسكري السيره
سحبت روحي وقعمزت فالصاله شن يلي كنت نسمع فيه لحظه وحده ليش هكي هل نزعل عشان بابا المرض ولا عشان ماما يلي داسه علينا ولا عشان عمامي يلي مش عمامي اااااه راسي دوامه عشت فاها تراجعت صحتي وماكنتش قادره نحكي لحد كملت امتحاناتي وجبت معدل عالي وتخرجت افضل دكتورة اطفال فالكون 😂
فاتو شهرين ونص على هذا الكلام
جمعنا بابا وحكالنا انهم حيسافرو هوا وماما بس لو اضايقنا او حد وصل فينا اعطتنا امي رقم خالي حسن قالت لو ما ارتحتوش او شي كلمو خالكم يجي وبرو معاه وماتقعدوش هنايا وكان كلامهم كانه وداع
طبعا كنا اني واختي بس لان اسلام خوي يقرا برا عشان بابا يضمنله مستقبل كويس وكان التواصل معاه محدود لانه قاعد في داخلي في امريكا والنوع هدي من المدارس والجامعات متشدده  سافرو بابا وماما وفات شهر ع سفرهم ودار بابا العمليه وكانت جدا ناجحه •••••
ـــــــــــــــــــــــــــــــــــــــــــــــــــــــ
ومن هنايا تبدا قصتنا
رايكم في البارت البدايه