غرباويه بقلب شرقاوي 🤍❤+🔞

Fifth part

like, vote and comment between the paragraphs, please
________________________
ــــــــــــــــــــــــــــــــــــــــــــــــــ
let's start
نضت الساعه تسعه دوشت وجففت شعري يلي كان طويل بشكل يجنن ولبست سروال جينز اسود وسوريه زرقه ولفيت شعري وحطيت وشاحي ع راسي وطلعت نحس في نفسيتي اليوم احسن
طلعت لقيت لبنات ونساوين خوالي مقعمزات معاهم جداي(امي تريه بندا نقول امي) وجدي وخوالي ومعاهم هاشم وايهم بفطرو ويهدرزو
اني: ابتسمت صباح الخير يا عيلتي الحلوه
كلهم بدون استتناء مصدومين كيف تغيرت 😳😳
اني:  جبدت الكرسي وقعمزت شكلا لازم نبكي عشان تردو عليا
جدي: هههههه انشالله ديما مبتسمه
امي: اجعنك ديما مبسوطه
دلال: الله عليك كيف وجهك يبعت بالراحه
سميه: بسم الله ماشاءالله
هاشم وايهم: صباح النور
اني: ربي يخليكم ليا
جدو: نوض يا حسن قعمز غادي خلي بنتي تجي بجنبي
حسن: اي عاد جاتك مياس مزال بتشوفلنا هههه
اني: انت الاساس يا خالي الغالي ومشيت قعمزت جنب جدو وقتله عيلتك مره حلوه ربي يحفظكم لبعض 🥹🥺
امي:  وبدت احلا بوجودكم
اني: بنقوللكم اني جعانه🫢🤣🤣
ع خست اويس: الجزوره ناضت من الغيبوبه بتمسح الدنيا والدين 🤣🤣
اني: انت مافيك كان اللسان وقلة الاحسان اللي بيرقد للعشره طبيعي مش رح يلحق ع شي ياكله
اويس: الغريانيات طروف لكن مسمومات بالتريس🤣
اني: رد بالك سمنا ماخترعولاش يبر مضاد لتوا راهو 😒
اويس: كولي صحتين عليك كان ما كفاكش الموجود خودي قلبي ديري بيه قلايه وغمزلي نهاية كلامه
نهاد:  ههههه هيا دكتوره اتعالج في لقلوب مش تاكل فيهم
اني: ع سيرة القرايه انت شن تقرا وين وصلت
اويس:   كان غر فتيه السؤال هدا بس راك
قعدنا نهدرزو ونضحكو كان الوقت معاهم يجري بسرعه الين ما جي محمد من برا وكله عرق الواضح كان يتريض ونزلت اميره من فوق تتكسل وخبطت فيه وع اساس بطيح وشدها اني حسيت بشي مش حلو لكن تجاهلتهم واستادنت منهم ومشيت لداري
تواصلت مع كليتي وحكيتلهم ضرفي اني انتقلت لبنغازي وع اساس رح يبعتولي الاوراق في فاكس جزمت اني حنسافر نهاية الاسبوع عشان هكي قلت خلي نستمتع معاهم هالايام البسيطه هدم يلي مزالو اتفاهمنا مع امل ونهاد وتمارا ان يطلعوني نتفسح في بنغازي وشوارعها واسواقها واكيد يلي حيطلعنا هوا اويس
ــــــــــــــــــــــــــــــــــــــــــــــــــــــــ
الساعه 6:30
اويس: تي هيا الزح بنفوتكم راهو
جدي: ضربة بالعصا استنى واسكت
اويس: غريبه كيف صار ديما تقولي مادلعش البنوت ووووو توا شن تغير
طلع جدي من جيبه فلوس واعطاهم لاويس  وقاله خود لمياس شن تبي وروحلي باها تضحك
اويس: تي من عيوني رح نسجل ونبعتلك كيف ميتين 😂 ضحك
نزلو لبنات وطلعت اني من الدار لابسه سروال جينز ازرق واسع شويه ومعاه سوريه ابيض فالاسود وشاحي ابيض وسبيدرو ابيض وشنطه سوده وساعه ومكياجي خفيف يكاد يدكر بس طالعه طرف
(اني بيضا طولي148 وزني67 يعني نعطي شوي ع دبدوبه لكن جسمي متناسق مش فاسد عيوني خضر وشعري بني فاتح طويل لعند ركبتي فيا شامات هلبا عندي وحده تحت شفتي وطبعا شفافي صغار ومنفوخات وعندي خدود لما نتحشم يبدو حمر ع طول عيوني كبار زي امي)
(اميره سمرا طولها166 وزنها 56 زي العارضات عيونها خضر شعرها قصير لان من يومها ماتحبش الطويل جسمها حلو عيونها خضر)
نرجعو نكملو
طلعت واول ماطلعت سمعت تصفيره من اويس
اني طلعت نضحك هدا غر راقيلك وتعيط قبل شويه
اويس: عيب نعيط والحلو موجود قدامي الله الله ع جمالك يا غريان
هاشم: ربي يبارك الحق مافيش منكم كم طرف هكي نغيرو بيهم السلاله
امل: توا معاش عجبوكم الشرقاويات
تمارا: هدي خطفت الاضواءمننا من لما جت معاش شافو غيرها😒😂
نهاد: حت لو معاهم حق وين بيلقو عسل هكي هنايا من عين جعفر وخوه🤣🤣🤣🤣
اني: بديت حمرا شكرا شكرا عالمجامله الحلوه
خش محمد هوا واميره مع بعض درت عيوني لوطه مانعرفش ليش نتحسس منه ولاحظت ان اختي ديما معاه
محمد: خيره ماتاخدوش اميره معاكم
نهاد: هيا ماتحبش تختلط بينا
امل: انت موجود تادي الغرض اهو خاشين مع بعض من عزمنا معاكم😒
محمد: لساناتكم طوالو في هاليومين انتو
اميره: لالا خليهم اصلا مش جوي طلعات المراهقين هدي
☺️
تمارا: دوريلك امسيه شعريه متع كبار السن وقعمزي تفرجي علاها😒
اويس حس بان الدنيا والعه قال هيا وطلعنا ع طول واني ما قمتش راسي او حت كلمته مشينا لاكتر من مكان شرينا ملابس وملاتهم تجلط وتجنن وما يخلاش من المعاكسات والاطراءات يلي نقالتلي من شباب ورجال ونساء وصبايا🤣🤣 وبعدين مشينا للملاهي وبعدين خدينا عشي جاهز وللبحر طول
نزلنا وافتح اويس الكوفينو وطلع حصيره ومدها عالارض وحطو لبنات العشي وقعدنا ناكلو ونضحكو
اويس: اي شن بتحكيلنا عليك
اني: عادي اسال ونجاوبك
اويس: امممممم مرتبطه
اني: لا ومزال بكري عالارتباط
نهاد: ليش بكري انتي حلوه وامورك تمام شن يلي يمنع
اني: تربيت ع الدلع والكلام الحلو والاهتمام والحريه ف ماقعدليش مجال اني نلق شي فاضي جواتي نعبيه بشخص يلعب بقلبي تحت مسمى الحب
تمارا: يعني عمرك ما درتي علاقه
اني: قلبي انضف من اني ندنسه بحب مراهق يشوهلي قلبي الحلو ويخليني نحقد ونكره اني يوم نفكر نحب رح نحب شخص يكون حلالي يعني مش حيكون الا زوجي
امل: يوم يدق الحب بابك صدقيني وقتها عقلك مش رح يعرف امت وكيف وين ومش رح تعرفي ادا كان زوجك او غيره
اويس: تعرفي اني عندي نيه بجد نجرب شعور الحب
اني: احني كل يوم نحسو بشعور مختلف مرات يكون حب ومرات وجع وخوف والم ومرات شعور ماتعرفش تفسره يجتاحك لما تشوف لعيون شخص متلا خطر عبالي محمد لما تحاول انك تاخد تفسير ماتلحقش او ما تتجرأش مانعرفش اللي نعرفه ان كل شخص عنده نقطه معينه يوقف فاها تعرفو يا عيله اني من لما صرت ناخد في نصائح امي وبوي وعمري ماطحت بغلطه في حياتي ماتعرضت لمواقف خلتني نشك في تربية اهلي ليا او حبهم تجاهي كل شي نديره ربي يكون معاي فيه من عمري سته تعلمت نصلي وتعلمت ان لكل امرأ ما نوى وحت لما بنتعرف ع حد جديد ماعمريش ظنيت فيه السوء علمتني امي ان ماندس علاها شي سواء كان صح او غلط لدرجه بدت في حياتي صديقتي مش امي بوي كان خوي مش اب حضنه في وقت الازمه صبر ونظرته لعيوني في وقت نجاحاتي فخر تعرفو اني كل سنه ناخد في شهاده تقدير وبابا يكون معاي وفخور جدا بيا لابعد حد نحب انجازاتي لما تكون الضحكه والغرور مرسومات ع وجهه يقولي نشوف في روحي بيك لما اسم بنتي ينضرب كمتل في الكليات وداخل القاعات اختي اميره نفداها بروحي لو اتطلب الامر ماعنديش اغلا منهم اسلام خوي هوا سندي وكياني وكل شي نملكه فجأه طلعت من حلم حلو لكابوس فقدت كل شي بلحظه نجاحي دفا العيله السند والروح كله اختفي في شي بقلبي قاعد يقتل فيا تعرف شن معنى امك وبوك بعاد ومش عارف شي عليهم لا مش بس هكي وتندل وتتعدب وماتلقاش من يوقف معاك وفوقها تشوف نظرة الشفقه في عيون الكل هدا اصعب شعور ممكن تحسه شعور الشفقه اني قررت مزالي معاكم غدوه بس وبنسافر لاسلام ويارب يكون خير ونسمع اخبار حلوه ع بوي وامي لان بجد قلبي معاش متحمل طبعا نحكي ودموعي مش مقصرات لقيت تمارا تشوفلي بحب مش شفقه وامل تبكي واويس يصور فيا نضت بنفك الهاتف من يده  ناض قعد يجري واني نجري وراه رفعت نهاد النقال وبدت تصور واحني ميتين ضحك فشلت وقعمزت عالشط