غرباويه بقلب شرقاوي 🤍❤+🔞

Part nine

Like and sweet comment between the paragraphs and vote for the story
ـــــــــــــــــــــــــ
let's start
،،،،،،،،،،،،،،،،،،،،،
اني: نبي نرجع لغريان
كلهم شافولي مره وحده بما فيهم اسلام
اني: ماتشوفوليش نبي نرجع نضم اموري وماتنسوش ان حت خدمة ماما غادي يعني فالنهايه بلادي
جدي: ماتنسيش ليش طلعتي منها
حسن: كيف بتامني تقعدي غادي بعد يلي صار
علي: يا بنتي كانك ع خدمة امك مليون مشفى ومصح يتمناها تخدم معاهم حت هني
جداي: اساسا بعتو كل شي في غريان شن مزال عندكم
ماما: مياس بنتي غريان مش لينا
اسلام: تعرفي اني مستحيل نرجع من الاخير خيرها بنغازي في شن احلا منها غريان
اني: مش فالحلاوه بس مزال عندي موضوع ما صفاش ولازم ناخد حقي لان بسبب هالموضوع اني ماعشتش يوم طبيعي ومش قادره نتخطاه
هاشم: بدون لا تمشي انتي اشري بس شن تبي يصير واحني حاضرين
حسن: شن تبي اكتر من هكي
اني: نبي نشوف نضرة الدل في عيونهم زي اللي وروهالي ورفعت عيوني لاميره يلي تشوفلي بنضره مش عارفه نفسرها
محمد: مياس تخطي الموضوع
هاشم: بجد مياس فوتيهم اللي دار القصه خدي جزاته
اني: هه ماحدش خظي شي نبي نشوف بعيوني اني وبعدين عندي حوش في غريان عندي فيه حجات ضروريه نباها لازمني نمشي
سميه: باهي يا بنتي مش شرط تمشي امك بري انتي وخوك ومحمد ولا واحد من لولاد ومعاكم تمارا كونها كملت امتحانات وديري شن تبي وديراها سياحه وتعالي بدون مشاكل
جدي: ويا زينك كلام شن تبي اكتر من هكي
اسلام: واني مع كلام مرت خالي
سكتت وافقت بس مش هدا يلي اني نبيه اتفقنا نرتاح الاسبوع هدا وبعدين نمشو
جي وقت النوم كل حد خش داره وزي العاده كل واحد يقولي تعالي معاي وما رضيتش حطيت بضاعتي في غرفة اويس واسلام
خلي نحكيلكم تفصيلة حوش جدي
هوا ع دورين بس مساحته كبيره للارض والدور الارضي زي الفوقي  بالنسبه للارضي فيه خمسه جناحات كل جناح في دار وحمام بينهم مساحه صغيره كانها صاله قاعد فيه واحد لجدي واحد لخالي حسن واحد لخالي علي واحد لايهم واحد لمحمد
بينهم صاله كبيره وفي نهاية الصاله قريب عالباب في غرفة ضيوف وفي مربوعه للضيوف برضو جنبها حمام صغير  ومطبخ اكبر من يوم الجمعه نجو للدور التاني فيه سته غرف مش جناحات لكن غرف كبار وكل غرفتين بينهم حمام مشترك وفيه صاله حت هوا بس ما فيشي مطبخ
المهم خطرت في بالي فكره اكيد مش حنطلع نسكن بروحي في عيله حلوه هكي واكيد مش حنقعد فالمربوعه طول عمري نضت صليت وخشيت فراشي ع اساس بنرقد سمعت صوت الباب نفتح شفت من الشباك لقيتها اميره طالعه في نص الليل بروحها وتتلفت يمين ويسار
فتحت الباب وطلعت وراها جيت ورا الشجره و وقفت وفتحت نقالي  وبديت نصور في شخص اعطاته فلوس وجهه ماعرفتاش بس هوا يشبه لمحمد وهاشم اكتر شي كملت وسكرت النقال حطيته في جيب التب متع التوته اللي لابساته وكملت طريقي مانبيش نخش نبي نشم هوا نضيف عقلي يفكر في هلبا امور في اني نبي نستقر نبي نعيش زي امل مرتاحه وابسط شي يفرحها حت لو كان ورده  رغم انها لا تشتغل لا سو زي نجمه يلي ديما تضحك وكل همها كلمه حلوه من هاشم نبي لما يجيني الليل نحط راسي في سرير دافي نبي نحب وننحب نبي حد يهتم بيا عايشه زي الانسان القديم من مكان لمكان قابلني في مكان فيه ضي ساطع كملت وقفت بعيد كان زي الورشه الصغيره في سياره من نوع مرسيدس الطراز القديم وفي حد تحتها يصلح وفي عده بجنبه قربت نتفحص فالمكان اول مره نشوفه قلت في سري قبل لا نستكشف العالم لازم نستكشف الحوش يلي اني فيه معقوله مانعرفش ان عندهم ورشة تصليح داخل حوشهم
اني قاعده نشوف طلع من تحتها محمد
محمد: اممم كيف وصلتي هنايا 😒
اني: عن طريق رجلايا😏
محمد: تعرفي انك بعدتي عالحوش مسافه طويله وكيف الكلب ما نبحش عليك
اني: لان كلبكم صديقي الصدوق😂
محمد: لا ادا كان صاحبتي الكلب معاش ينخاف عليك ابدا
اني: نعجبك قلتها بكل فخر وبعدين قلتله شن دير هنايا
محمد: اللي ما يفهمش فالسيارات حرام يملك معرض
اني: المعنى
محمد: هدي مهنتي الاصليه
اني: ميكانيكي قصدك
محمد: حاجه من هكي
اني: طيب ليش في حوشكم مش في مكان معروف
محمد: لان الشغل احيانا هكي يتطلب
اني: مش عارفه علاش حاسه انك فالنهايه بتطلع مافيا
محمد: ضحك وقالي مش غلط يا بنت عمتي
اني: نحيت التب ربطه ع خصري وقمت كمامي وبديت نساعد فيه
محمد: فتحت فمي هدي البنت مش طبيعيه كل يوم نكتشف فيها شي جديد رغم يلي داراته اختها فاها خدتلها دهب ولبس ورغم الغربه تحب بلادها وقرار رجعت غريان ودوق فاللبس ودوق في الكلام وجوها حلو روحها حلوه سامحتني من طاسه قهوه يعني قلبها طيب لين خلاص فقت سرحت فيها كيف تتحرك زي الفراشه
اني: هي يا هو نحن هنا لين مسيت يده باش انتبهلي
محمد: معاك معاك شن ديري انتي
اني: هههه نعاون فيك باش بعد تتصلح نسوقها
محمد: ليا اكتر من سنه نصلح فيها انتي بتولعاها
اني: سمله عليا خيرك هازي انت ماتعرفش من هيا مياس بنت محمد
محمد: ههههههه والله حق
اني: 🙂🙂
محمد: قوليلي كيف دبرتي روحك فالسنوات يلي فاتو
اني: من اي ناحية
محمد: المعيسه المصروف الدراسه اللغه كيف درتي
اني: اول ما وصلت عست في سكن مع تلات بنات زوز اجانب وحده ليبيه ماعجبنيش الجو هما سهر ودخان وسكير ويجيبو في اصحابهم ف قررت ندور مكان ايجار والبنت يلي معاي وافقتني الراي
محمد: زوز طالبات باجرو حوش اقل شي بتحصلي داى ب60دولار اليوم
اني: فعلا هدا يلي صار اجرنا حوش صغير دار ومطبخ وحمام وصاله وقعدنا نخدمو في دوام جزئي نادلات في مقهى الصبح طالبات و من الخمسه لل10:30نادلات
قعدنا عالحال هدا صارلي ارهاق خدمه ودراسه
محمد: واكيد اهملتي ماكلتك وصحتك
اني: ع اساس في وقلت لا ماكلتهم غاليه وجبه وحده فاليوم تكفي مرات سندوتش جبنه وطماطم مرات خبزه بس لو خلصنا وعطينا الايجار كامل ندلعو رواحنا بكيس اندومي
محمد: حسه قلبي تقطع علاها بس عرفت منين جتها القوه اسلام مش كان يبعتلك في فلوس
اني: في اقساط تتخلص ماتنساش الكليه بهديك الحسبه
محمد: كنتي قادره تقولي نبي اكتر
اني: مستحيل نطلب من حد شي حت لو كانت امي
محمد: وكيف درتي بعدين
اني: في دكتوره فالجامعه نحبها وتحبني ولغتي اني ونور مش كويسه هلبا يعني تكسير ف طلبت مني عشان نتعلم اللغه اسرع ننتقلو نعيشو معاها ونخالطو صغارها وعيلتها
محمد: وكيف توتقي فاها
اني: لو كنت مكاني حت لو عارفها نهايتك حتمشي صدقني
محمد: وجهة نظر
اني: حولنا عندها سكنت معاها لمده سته اشهر
محمد: اوو مده طويله
اني: متوقع ان اني ونور كنا ساكنين بلاش
محمد: امالا شنو
اني: اضحك انت مافي شي بدون مقابل كنت اني ونور نضفو ونغسلو الحوايج والماعين كانت هيا تطبخ فقط وتطلع تشتغل واحني نديرو بالنا عالاطفال وفي حفلاتها نتحولو لنادلات🤣🤣
محمد: وبعدين
اني: واني نحي في خيوط الشماعي تواصلت مع الداخلي متع الكليه وانتقلنا للداخلي في غرفه اني ونور برواحنا
محمد: هكي بدايه الراحه
اني: تعرضنا للتنمر والضرب وكنت محط الانظار والكل يغير من درجاتي يلي ينضرب بيها المتل ومش بس هكي بسبب شخصيتي الاجانب الشباب قعدو يجرو وراي بس عشان نعطيهم وجه
محمد: ومحلاك ديري علاقه مع اجنبي
اني: اما تحسابني بناخد ليبي
محمد: امالا شنو
اني: اكيد حناخد امريكي
محمد: مانعرفش علاش قربت منها بزياده وشديت يدها وقلتلها في احلامك
اني: قرب مني فجاه حسيت بنبضات قلبي عاليه اصطنعت القوه ورديت حت في واقعي ودفيته بصبعي لمكانه لقيت يديا بدو سود لبزته بيها ع راس خشمه ردهالي ولما خويت جت في جيهة خدي من تحت
محمد: كمليلي
اني: ياسرك الليله تعب وياسرك دوه ارتاح وقت تاني نحكو
محمد: بجد تعرفي تسوقي
اني: اكيد
محمد: تعالي نوريك مكان
اني: يا عنبو اللي يولي
محمد: هي
طلعنا وصلنا جنب سيارة بي ام