أخترتك من بين الجميع

الفصل الرابع ( كل هذا علي حسابي )

عايزه رأيكو في الفصل ده جدا علشان خد مني

وقت وبجد عايزه رأيكوا فيه يجماعه ومتنسوش الڤوت يجماعه
________________________

كانت تنظر له بصدمه ، ماذا كارما ؟ هي حقا لم تتوقع مثل هذا.. هي لم يأتي لعقلها أن تكون كارما هي اختياره. ! لتنظر له قليلا قبل أن تقول باستغراب
" عمر انت متأكد انك بتحب كارما ؟"

حب ؟ هو لم يقل أنه يحبها فقط قال إنه معجب بها لكنه لا يعلم هل يحبها حقا ؟ كل ما يعلمه أنه يشعر بالسعاده جوارها وتتكون مشاعر بداخله لا يعلمها عندما تكون معه

ليعجز عن النطق لثواني وكاد أن يتكلم لو لا قولها بنبره مهاجمه لم يعتادها منها ابدا فقد كانت تدعمه علي اي شئ مهما كان  " عمر الاعجاب مش كفايه كارما مش بنت انت هتتسلي معاها ذي ما جه عليك فتره في الثانوي والجامعه و كنت بترتبط وانت ال كنت بتقول ليا أنه مجرد اعجاب وكده كده مش هتجوزها يعني بس دلوقتي الأمر يختلف عمر انت عمرك محبيت وحده بجد بس لما تيجي تنقي ال هتكمل حياتك معاها لازم تتأكد انك فعلا بتحبها مش معجب بيها علشان الاعجاب ده بيزول ويمشي بمجرد ما تشوف وحده وتعجبك هي كمان وتنسي الاوله بس الحب مهما حصل بينكو ومهما شوفت انت مش شايف غيرها ولا يمكن تسيبها "

صمتت قليلا لتنظر لملامح وجهه التي تغيرت قليلا ثم تابعت : "خلاصه الكلام يعمر أن مينفعش تتقدم لكارما غير لما تتأكد من حبك ليها علشان لو لقدر الله بعد م اتخطبتوا مثلا سيبتوا بعض عمركوا عمركوا يعمر مهترجعوا ذي الاول أصحاب عادي وواحد فيكوا هيتجرح وانا مسمحش أن انت او هي تتجرحوا "

أخذ يفكر في كلامها هي علي حق هو مغفل هو لا يمكنه أن يضحي ويوجد احتمالية خسارتها كصديقة

أومأ لها بهدوء وهو ينظر بعيدا عنها وهعقله يفكر أنه لن يصارحها أو يتقدم لها إلا إذا تأكد من حبه وليس معها فقط بل هو لن يفعل هذا مع أي فتاه إلا إذا تأكد من أنه يحبها يحبها بصدق كما قالت مليكه

________________________

مر اسبوع سريعا ولم يتغير به الكثير فقط كان حازم يمسك بشعر علاء و براء يقف في الوسط يحاول فض العراك ولكن وكأن حازم توعد لقتل علاء الليله

"بقا يحيوان يمغفل انت ابقا انا بقالي تلت ساعات بنفخ في بلالين الهيليوم وتيجي انت في الاخر تفضيهم كلهم علشان تشوف صوتك وهو بيتغير ؟ "

ليقول علاء بصوت أعلي " عادي ميتنفخوا تاني يعني انت بتعمل مشاكل وخلاص علفكره "

لينظر له حازم بعدم تصديق ثم قال بغضب " برضو شوف الواد بيقولي يتنفخوا تاني ! يحبيبي احن المفروض ننزل كمان نص ساعه علشان الطياره  هو انت ال هتنفخهم "

"وانا مالي يعم هي اختي انا ولا اختك ؟، وبعيدين مش فاهم ايه أزمتها البلالين يعني هو عيد ميلاد اعملها مولوخيه وفرخه وخلاص دي راجعه من السفر اكيد هفتانه "