🍒مولات الحايك🍒 (مكتملة )

part10

"بارت 10"
🍷مولات الحايك 🍷
   بقلم: Good Zzila
      🧚 تميت جميع خيبات العالم في مساحة دافئة حدودها عيناك🧚

لأب ديال سعيدة:دابا ابنيتي طلبي لي بغيتي
سعيدة: عندي طلاب واحد بغيت تعيط لعمي حسان بابات مريم وتعرض عليهم غدا واخا ميبغيوش يجيو ولكن ضروري قول ليهم يجيو من بعد قول ليه بلي مريم شديناها تبات حتال غدا فاش تجيو وديوها
مريم: اويلي ڜكتقولي خاصني نمشي مع جدة ميمكنش تمشي بحدها حشومة وهي دارت ليا خاطري وجابتني
سعيدة: سكتي يسكت ليك لحس والله حتى غتباتي اصلا خالتي لخودة مغترجعش راسها راه غادة معاها مي
مريم: واڜ دادا هنو غادة مع مي ؟
سعيدة: اه راه غادة معاها غتبات معاهم باش لغد في صباح اتمشي عند كينة بنت عمتي تعزيها
مريم: والله ما عرفت موحال واش يبغيو
بابات سعيدة:  كوني هانية غادي يبغيو عطيني نمرة باك انا اندخل نهضر معاهم
ملقيت مندير عطيتو نمرة
دخل بابات سعيدة او خوتها بقيت انا وياها دورت عينيا لقيت واحد لݣربة زوينة هاديك لي كيعمرو فيها لما ديال شريب كتكون فأي دار فالعروبية معروفين بيها شفتها عجباتيني ولكن كانت صغيرة
مريم: سعيدة عجباتني ديك لݣربة بغيت نتصور بيها محدي لابسة لحايك
سعيدة:  صافي غير سيري تصوري بيها أنا انمڜي نحط واحد لخرية  قهراتني فصحتي
مريم: طلبها على عمرك يعطيك موصيبة غبري من قدامي
مڜات سعيدة باش دخل طواليت كيف ڨالت حاشاكم وانا مشيت غادة جيهة لݣربة باش نتصور بيها لقيت واحد لمسة حدا واحد شجرة كانت محبوسة مسكينة مابين زوج حجرات وهي كانت مزال صغيرة مشيت كنجري عندها بدون منشوف داك شخص لي واقف على شجرة
مريم: اويلي مسكينة غتموت اهئ اهئ
لمڜة: مياو مياو مياو ( بحال الى كانت كتقول ليا عافاك عتقيني انا كنحماق على لمشاش گنموت عليهم)
مريم: اهئ اهئ صافي احبيبة صافي انا انعتقك والله واش حتى واحد مشافك فهاد لحالة تفو على بشار باينة كنتي لاعبة قاشقاش مع لمشيشات پحالك وجيت تخباي هنا ولكن حتى نتي كطيري ملقيتي فين تخباي عطا الله فين اوووف صافي ماشي موشكيل دابا ( هزيت لحجر حيدتو من عليها وهزيتها حطيتها على رجليا )
مريم: هااء ناري مجروحة بلاتي نشوف ( قلبات ليها چرحة) الحمدلله مغارقاش بزاف غير جريحة صغيورة ولكن حيت نتي باقة صغيرة بنسبة ليك جرحة كبيرة
بقيت كنهضر معاها پحال الى كنهضر مع شي ڜخص كبير عزاز عليا وفينما نلقا شي مڜة كي خاصني نهضر معاها هههه
مريم: (حطيتها فالأرض)  يالله سيري دابا عند لمشيشات صحباتك غيكونو كيقلبو عليك ولكن( هزيت صبعي عليها كتحدير) اخر مرة تجي تخباي في لحجر يالله سيري باي باي تهلاي فراسك
مشات لمشة وانا بقيت واقفة حاضياها حتى مشات من بعد درت  ولكن مع درت مع غوت وتصدمت فنفس لوقت
مريم: (بصدمة) اش كدير هناتتمة..
من امتا ونتا هنا وعلاش نتا هنا😳.. مهدي: انا هنا ملي بديتي كتبكي على قبل مشة ..مريم: ويييه مسكينة بقات فيا والله. كون جيت ولقيتها ميتة كنت غنموت حداها لمشاش كنحماق عليهم لحيوان لمفضل عندي لحمدلله عتقتها واش شفتيها مشات فرحانة مسكينة هههه.. مهدي: (وهو متبع كل كلمة كنقولها منزلش عينيه من عليا وفنفس لوقت ساهي فعينيا) عينيك! ..مريم: (بدون فهم) مالهم.. مهدي: (حس على راسو ) احم والو شكون نتي واش مؤا ولا بنت..                                       

يتبع...