🍒مولات الحايك🍒 (مكتملة )

part 13

"بارت 13"
🍷مولات الحايك 🍷
   بقلم: Good Zzila
      🧚 تميت جميع خيبات العالم في مساحة دافئة حدودها عيناك🧚

جات سناء وناسها حطو لعشا وتجمعنا حنا لعيالات في صالون بحدنا ورجال في صالون بحدهم
لعيالات كنت انا سعيدة سناء عدوسة سناء وطفلت سناء مطلقة ولكن كبيرة وكاينة خالتي نعيمة وكاينة لأخت ديال مهدي حتى هي باقا صغيرة عندها 18 عام وسميتها دعاء قدي قدها تفاهمت انا وياها هههه
ورجال كين بابات سعيدة وأڜرف وأناس ومهدي ضروري يكون وهو صاحب دراري ومربين مع بعضياتهم وكاين لأب ديال مهدي عبدالرزاق وكين راچل سناء
(كنظن لاحظتو بلي مهضرتش على لأم ديال مهدي حيت ماتت)
داز لعڜا وبقينا مجموعين شوية ولكن مع صهد قررنا نخرجو على برا ونفرشو ڜي حاجة داكشي لي كان خرجات سعيدة حصيرة وفرشاتها جابت شي هرادل حتى هما فرشاتهم عاد كلسنا غير حنا صغار اما لكبار مبغاوش خرجو انا كنت لابسة پيجامة هادوك ديال 30 درهم عرفتوهم واصلة عند صيݣاني كانت فالكحل وفيها لكتبة حدى سدر بالبيض پيجامة غير نص كم وشعري كنت جامعاه على شكل كعكة مهملة وبعض لخصلات طيحين على عنقي اما بنسبة لسعيدة نفس شيء بحالي بحالها غير پيجامتها كانت في بفوز بيبي كلست انا او سعيدة وسناء ودعاء من بعد لحق علينا أناس هو او راجل سناء هشام اما بنسبة لأشرف او مهدي هادوك كانو مبعادش علينا مقابلين معانا كالسين حدى لحانوت كيكميو
أناس: انبقاو غير كالسين اش بان ليكم نلعبو الكارطة
مريم: متافقة معاك
سعيدة: مرحبا تا انا معاكم
سناء: انا مع راجلي 🙄
مريم: سمعي سمعي تقول غير هي لي مزوجة
سعيدة: وييييه هانتي تشوفي بنت لهم ماعلينا أناس نوض جيب لكارطة
أناس: اندق غير على محماد يحل يعطيها لينا
مشا أناس دخل على محماد مول لحانوت وهدا من عندو لكارطة ورجع كنت لاعبة انا او سعيدة او أناس او سعيدة مع راجلها
أناس: أنلعبو جبن ݣرع
مريم: لا لا اويلي انا مكنعرفش ليها
أناس: ماسوقناش هي لي غنلعبو وزيد عليها نعلموك
لعبنا ربعة طروحة وكانو هما لي كيربحو وانا كنخسر
مريم: (درت عند أشرف) أشرف اجي لعب معايا عافاك راه حݣرو عليا حيت مكنعرفڜ نلعب زبن درع
أناس: هههههه واااااااع كيفاش عندك هاذي تاني زبن درع ههههههه هربت
سعيدة: ههههه واااااااع واااااامي كرڜي انموت هههه خخخخ
مريم: وااااابعدو مني غير غلط بغيت نقول جبن ݣرع اوووف أشرف عافاك اجي لعب معايا هادو حݣارة والله اهئ اهئ اهئ
عند أشرف
أشرف: نوض يالله نلعبو ڜوية معاهم
مهدي: لا غير سير أصاحبي انوض ندخل
أشرف: تݣعد تݣعد من الهضرة الخاوية ياك قلتي ليا الله يسهل عليها ومبقتيش بغيتها اصلا
مهدي: تا لا أصاحبي ماشي هكاك سعيدة صافي ولات دابا پحالها بحال دعاء ختي غير بغيت ندخل نتكا شوية هذا وكان ولكن ملي اصريتي عليا ماشي موشكيل يالله نمشيو..           ..أشرف: اوى هكاك يالله ..ناضو دراري جاو عندنا وأشرف جا كلس حدايا لعبنا زوج طروحة آخرين ونفس شي عوناني ربحونا ..مريم:(كتغبن) هننن واااع واش هاذي شي عين شادة فينا ولا شنو ياك قلتي ليا كتعرف..